Ərdoğan Trampın qərarına görə Putinə zəng vurdu

Ərdoğan Trampın qərarına görə Putinə zəng vurdu
22:56
07.12.2017
3940
Dünya
A
Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında telefon danışığı baş tutub.

“Ölkə.Az” xəbər verir ki, bu barədə rəsmi Moskva məlumat yayıb. Verilən məlumata görə, iki ölkə rəhbəri Yaxın Şərqdəki vəziyyətlə bağlı müzakirələr aparıb. Əsas danışıq isə ABŞ prezidenti Donald Trampın Qüdsü (Yerusəlim) İsrailin paytaxtı kimi tanımağı barədə olub.

“Türk liderinin təşəbbüsü ilə Rusiya prezidenti Vladimir Putinə zəng olub. İki ölkə rəhbəri Yaxın Şərqdəki vəziyyətlə bağlı müzakirələr aparıblar. Danışıqlar zamanı ABŞ prezidenti Donald Trampın Qüdsü (Yerusəlim) İsrailin paytaxtı kimi tanımağı barədə fikir mübadiləsi olub”, - deyə məlumatda bildirilib.

Qeyd edilib ki, Ərdoğan Trampın bu addımını pisləyib və Putin də onun fikirlərilə şərik olub.

Qeyd edək ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.

“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.

Onun bu qərarını bir çox ölkələr hiddətlə qarşılayıblar. D.Trampın bu qərarından sonra həm Avropa ölkələrindən, həm Yaxın Şərq, həm də Ərəb dövlətlərindən ona etirazlar gəlib. İlk etiraz isə Fransa prezidentindən səsləndirilib. Daha sonra Türkiyə və İran Trampın bu qərarına pisləyib. İordaniya da ABŞ prezidenti Donald Trampı beynəlxalq qətnamələri pozmaqda günahlandırıb. Verilən açıqlamada bildirilib ki, Trampın bu qərarı siyasi səhvdir. Misir hökuməti də Trampınyeni bəyanatını xoş qarşılamayıb. Bildirilib ki, onun bu addımı həm Amerika, həm də region üçün yaxşı nəticələnməyəcək.

Ziya Səccad
Ölkə.Az

ŞƏRH YAZ
0

NASA Antarktidanın yeni görüntüsünü yayımladı — FOTO

NASA Antarktidanın yeni görüntüsünü yayımladı
19:17
Bu gün
95
Dünya
A
NASA yeni texnologiya vasitəsilə Antarktidanın yeni görüntüsünü yayımlayıb.

“Ölkə.Az” xəbər verir ki, foto, aysberqlərdə ciddi ərimənin olduğunu bir daha sübut etdi. Qərbi Antarktida Buz Dağındakı ərimələr sürətlənib və şərqdəki buz dağında da axıntılar müəyyən edilib.

Yeni araşdırma zamanı Antarktidada aysberqlər yenidən ölçüləcək. Eyni zamanda buzların əriməsinin dəniz səviyyəsinə təsiri təxmin edilərək bir sıra modellərdən istifadə ediləcək.

Hikmət Həsənov
Ölkə.Az

ŞƏRH YAZ
0

Böyük Britaniyada işsizlik artıb

Böyük Britaniyada işsizlik artıb
18:12
Bu gün
267
Dünya
A
Böyük Britaniyada statistika idarəsi işsizliyin artması ilə bağlı açıqlama verib.

“Ölkə.Az” xəbər verir ki, 2017-ci ilin oktyabr-dekabr aylarında İngiltərədə işsizlik iki dəfə artıb.

Məşğulluq səviyyəsi də zəif olub. Hesabat dövründə məşğulluq səviyyəsi 88 min nəfərə qədər artıb. Amma iqtisadçılar bu rəqəmin 173 min olacağını bildirmişdilər.

Statistika idarəsi bildirib ki, işsizliyin artmasının əsas səbəbi iqtisadi cəhətdən passiv insanlardır. Yəni, işsizlər iş axtarmaqla məşğul olmurlar.

Hikmət Həsənov
Ölkə.Az

ŞƏRH YAZ
0
BAĞLA