"Ərdoğan Türkiyədə müxalifəti razı salacaq addımlar atmalıdır" — Politoloq rəyi

18:25
17.04.2017
137
Siyasət
A
Dünən Türkiyədə parlamentli respublikadan prezidentli respublikaya keçid üçün təyin edilən referendum həyata keçirildi.

Hakim partiyanın irəli sürdüyü konstitusiya dəyişikliyi 1% səs fərqi ilə qəbul edildi. AKP-yə MHP-də dəstək verirdi. CHP və digər partiyalar isə buna qarşı çıxırdılar. Maraqlıdır ki, Türkiyənin böyük şəhərləri, Ankara, İstanbul, İzmir və digərləri hakim partiyanın irəli sürdüyü konstitusiya dəyişikliyinə "yox" deyib.

Gözlənilmədən müxalif düşərgənin bu qədər səs alması bundan sonra Türkiyədə gedəcək prosesləri daha da maraqlı edəcək.

Türkiyədə keçirilən referendum və ondan sonrakı dövrdə gedəcək proseslər bardə politoloq Elşən Manafov Ölkə.Az-a danışıb:

"Türkiyədə referendumun dünən açıqlanan nəticələri fərqli nəticələr gözləyən daxili və xarici ekspertlərin çoxusunu çaşdırdı. Hər halda referendum ərəfəsində ölkədə keçirilən rəy sorğularının Ərdoğanın tərəfdarlarının 52-nin 41-ə nisbətində qalib gələ biləcəyi ilə bağlı fikirlər söyləyirdilər. Dünən referendumun nəticələri açıqlanandan sonra bəlli oldu ki, ana müxalifət partiyası seçicilərin təxminən 49%-ə yaxınının səsini qazandı. Bu da onu göstərir ki, Ərdoğan çox kiçik bir faizlə özünün konstitusiya islahatları ilə bağlı təkliflərinin hüquqi müstəvi üzərinə keçməsinə şans əldə etdi. Əslində Türkiyə seçiciləri kiçik bir üstünlüklə Ərdoğanın bu islahatları həyata keçirməsi üçün şans verdilər".

Türkiyədə referendumdan sonra hadisələrin necə cərəyan edəcəyi ilə bağlı suala cavab verərək politoloq bildirdi ki, Türkiyənin ana müxalifətinin, o cümlədən Avropa institutlarının Türkiyədəki referendumun nəticələrini tanıyıb-tanımayacağı ilə bağlı məsələlərdən də kifayət qədər asılı olacaq:

"İqtidar referendumun bəlli nəticələrinin realist olduğunu özü bəyan edib və legitimliyinin təxminən 2% olmasının mahiyyətinə də varır. Əslində Türkiyədə seçici olan vətəndaşları tən yarısı məhz Atatürkdən qalma parlamentli üsul idarənin qalmasının tərəfdardır. Bundan sonra Ərdoğan ana müxalifətlə danışıqlardan və bu danışıqların nəricəsindən çıxış edə bilərək hansısa addımlar atacaq.

Ərdoğan tərəfdarlarının qələbənin tam bayram edilməsi üçün əllərində kifayət qədər ciddi siyasi əsas yoxdur. Hüquqi əsas isə kiçik bir faizdir. Hazırda müəyyən dövlətlər, o cümlədən Azərbaycan dövləti referendumun nəticələri ilə bağlı Türkiyə dövlətini və prezidentini təbrik ediblər. Bununla belə bu seçkilərin nəticələri Ərdoğanın proqnozlaşdırdığı nəticəni vermədi. Türkiyə indiki konteksdə müxalifətlə hakimiyyət tərəfdarları arasından qarşdurmaya çox həssas məqama gəlib. Əgər Türkiyə müalifəti seçkilərin nəticələrini tanısa və referendumun legitimliyini qəbul etsə, aydındır ki, müxalifətin özünün də timsalında Ərdoğan konstitusiya islahatlarını həyata keçirmək üçün mandat əldə etmiş olacaq. Müxalifət bu seçkilərin nəticələrini tanımayıb, Avropa institutlarına müraciət edəcəksə, güman edirəm ki, Ərdoğan nəzərdə tutduğu islahatların həyata keçirilməsi üçün kifayət qədər ciddi siyasi və geosiyasi şəraitin yaranmamasının mahiyyətinə varmaq məcburiyyətində qalacaq. Çünki Türkiyə dünyadan təcrid edilmiş bir dövlət deyil. Türkiyədə seçicilərin demək olar ki, yarısının Türkiyədəki konstitusiya islahatlarının xeyrinə səs verməməsi Türkiyə iqtidarını düşünməyə və götür-qoy etməyə sövq edəcək.

15 iyulda Türkiyədə hakimiyyət çevrilişinə cəhd zamanı Türkiyə cəmiyyəti müxalifətli, iqtidarlı birlikdə buna qarşı çıxdılar. Bu konteksdə artıq əhali, seçicilərin səsləri parçalanıb.

Bundan sonra hakimiyyətlə müxalifət arasında müxalifəti razı salan hansısa razılıqlar əldə edilməlidir".

Səxavət Məmməd
Ölkə.Az

ŞƏRH YAZ
0

Beynəlxalq ictimaiyyət növbəti dəfə Ermənistanın biabırçı siyasətinin şahidi olur — XİN

Beynəlxalq ictimaiyyət növbəti dəfə Ermənistanın biabırçı siyasətinin şahidi olur
14:44
Bu gün
232
Siyasət
A
"Ermənistanın bu kimi qeyri-ciddi və əsassız açıqlamaları ilə beynəlxalq ictimaiyyət Ermənistanın münaqişənin həlli prosesində destruktiv siyasətinin, populizm və siyasi avantüra ilə məşğul olduğunun növbəti dəfə şahidi olur".

"Ölkə.Az" xəbər verir ki, bunu APA-ya açıqlamasında XİN-nin Mətbuat xidmətinin rəhbəri Hikmət Hacıyev deyib.

O bildirib ki, Ermənistan Respublikası BMT Nizamnaməsinin 2(4) maddəsini kobud şəkildə pozaraq, Azərbaycanın ərazi bütövlüyü və suverenliyinə qarşı güc tətbiq edib və Azərbaycanın ərazilərini işğal edib.

"ATƏT-in mart 1992-ci il Helsinki Nazirlər Şurasının qərarı ilə Minsk Qrupu yaradılıb, münaqişə tərəfləri kimi Ermənistan və Azərbaycan, münaqişədə maraqlı tərəflər kimi Azərbaycanın Dağlıq Qarabağ bölgəsinin erməni və azərbaycanlı icmaları tanınıb.

Avropa İnsan Hüquqları Məhkəməsi Ermənistanın Azərbaycan ərazilərini qeyri-qanuni işğalı və bu ərazilərdə hərbi mövcudluğuna dair məsuliyyətini davamlı şəkildə inkar etməsinə əsaslı formada formada son qoydu. “Çiraqovlar və digərləri Ermənistana qarşı” işində Avropa İnsan Hüquqları Məhkəməsi təsbit edib: “Ermənistan Respublikası özünün hərbi mövcudluğu və hərbi ləvazimat və təcrübə təmin etməklə əsaslı şəkildə ən erkən günlərdən etibarən Dağlıq Qarabağ münaqişəsinə cəlb olunub”, “onun hərbi dəstəyi sözügedən ərazilərin ələ keçirilməsi və onlar üzərində nəzarətin davam etdirilməsində həlledici amil olub və olmaqda davam edir”.

Azərbaycana qarşı başlayan və bu günədək davam edən təcavüz və ölkəmizin beynəlxalq səviyyədə tanınmış ərazilərinin hərbi işğalı, Ermənistan silahlı qüvvələrinin Azərbaycanın işğal olunmuş ərazilərində mövcudluğu, yüz minlərlə Azərbaycan vətəndaşının işğal edilmiş ərazilərdən qovulması və bu ərazilərdə evlərinə qayıdaraq mülkiyyətlərindən istifadəsinə imkan verilməməsinə cavabdeh olan Ermənistan Respublikası baş vermiş və davam edən beynəlxalq hüququn pozulmasına görə tam beynəlxalq məsuliyyət daşıyır.

Azərbaycana qarşı gücdən istifadəyə və Azərbaycan ərazilərinin hərbi işğalına görə daşıdığı beynəlxalq hüquqi məsuliyyətinə görə münaqişə tərəfi məhz Ermənistan Respublikasıdır. 

İşğalçı dövlət olaraq Ermənistanla 25 ildən artıq dövr ərzində danışıqların aparılması Azərbaycanın ən böyük güzəştidir. 

Ermənistanın  əvvəlki rejimin səhvlərini təkrarlamayaq işğal və etnik təmizləmə siyasətinə son qoyması və öz qoşunlarını BMT Təhlükəsizlik Şurasının qətnamələrinin tələblərinə uyğun olaraq Azərbaycanın işğal olunmuş ərazilərindən çıxarması ilə regionda davamlı sülh və təhlükəsizlik təmin oluna bilər.

Ermənistan bu reallığı nə qədər tez dərk edərsə, bir o qədər tez regionda sülh bərqərar olar", - deyə H. Hacıyev qeyd edib.

ŞƏRH YAZ
0

Ramiz Həsənov kollektivə təqdim olundu

Ramiz Həsənov kollektivə təqdim olundu
13:02
Bu gün
2470
Siyasət
A
Bu gün xarici işlər naziri Elmar Məmmədyarovun sədrliyi ilə xarici işlər nazirinin müavinləri, kollegiya üzvləri, xüsusi tapşırıqlar üzrə səfirlər, XİN-nin idarə və struktur bölmələrinin rəhbərlərinin iştirakı ilə geniş tərkibli iclas keçirilib.

XİN-dən "Ölkə.Az"a verilən məlumata görə, iclasda Elmar Məmmədyarov prezident İlham Əliyevin sərəncamı ilə xarici işlər nazirinin müavini təyin olunmuş Ramiz Həsənovu təqdim edib və ona fəaliyyətində uğurlar arzulayıb.

Nazir prezident İlham Əliyevin rəhbərliyi altında Azərbaycanın müstəqil, tarazlaşdırılmış və çoxistiqamətli xarici siyasət yürütdüyünü qeyd edərək dövlət başçısı tərəfindən XİN-nin qarşısında qoyulmuş vəzifə və tapşırıqları diqqətə çatdırıb.

İclasda 2019-cu ilin Azərbaycanda diplomatik xidmətin yaranmasının 100 illik yubileyinin olduğu qeyd edilib.

Xarici işlər nazirinin müavini təyin olunmuş Ramiz Həsənov Moskva Dövlət Beynəlxalq Əlaqələr İnstitutunu bitirib, Azərbaycan Respublikasının Gürcüstanda fövqəladə və səlahiyyətli səfiri, Azərbaycan Respublikası Standartlaşdırma, Metrologiya və Patent üzrə Dövlət Komitəsinin sədri kimi vəzifələrdə çalışıb.

ŞƏRH YAZ
0
BAĞLA