Ərdoğandan ABŞ-a SƏRT CAVAB

Ərdoğandan ABŞ-a SƏRT CAVAB
13:57
20.03.2018
21013
Siyasət
A
Türkiyə prezidenti Rəcəb Tayyib Ərdoğan ABŞ Dövlət Departamentinin Afrindəki vəziyyətlə bağlı bəyanatına münasibət bildirib.

"Ölkə.Az" xəbər verir ki, R. T. Ərdoğan Ədalət və İnkişaf Partiyasının (AKP) parlamentdəki qrup toplantısındakı çıxışında ABŞ-ın terrorçularla əməkdaşlıq etdiyini və Türkiyənin terrorizmlə bağlı qayğılarına etinasız yanaşdığını bəyan edib:

"Biz sizə Suriyanı terror təşkilatlarından birgə təmizləməyi təklif edəndə harada idiniz? PYD/YPG ilə əməkdaşlıq edərək İŞİD terror təşkilatını təmizləyəcəyinizi dediniz. "Gəlin İŞİD-i birlikdə təmizləyək" deyən zaman bizə inanmadınız. İndi isə, Türkiyə ordusunun müxalif Azad Suriya Ordusu ilə birlikdə PYL/YPG-ni necə təmizlədiyini izləyin. Türkiyə ilə strateji tərəfdaş olduğunu deyərək terrorçularla əməkdaşlıq edən ABŞ, onlara 5 min yük maşını silah və texnika verdi. Biz pulumuzla silah almaq istəyən zaman bizə satmadığınız silahları onlara pulsuz verdiniz. Bu, necə strateji ortaqlıqdır?! İndi terror təşkilatı qaçır. Terrorçulara verdiyiniz silahlar da yavaş-yavaş bizim əlimizə keçir və keçməyə davam edəcək".

Səbinə
Ölkə.Az

ŞƏRH YAZ
0

Kasprşik Paşinyanla Dağlıq Qarabağ münaqişəsini müzakirə edib

Kasprşik Paşinyanla Dağlıq Qarabağ münaqişəsini müzakirə edib
22:20
22.03.2019
297
Siyasət
A
ATƏT-in fəaliyyətdə olan sədrinin şəxsi nümayəndəsi Anjey Kasprşik cümə günü İrəvanda Ermənistanın baş naziri Nikol Paşinyan ilə görüşüb.

“Report” xəbər verir ki, bu barədə Ermənistan hökumətinin mətbuat xidməti məlumat yayıb.

Tərəflər görüş zamanı Dağlıq Qarabağ münaqişəsinin nzamlanması prosesini müzakirə ediblər. Görüşdə qarşılıqlı etimad mühitinin yaradılması və sülh yolu ilə həll üçün zəruri addımların atılması məsələsinin əhəmiyyəti qeyd olunub.

Ölkə.Az

ŞƏRH YAZ
0

Məmmədyarov Argentina parlamentində görüşlər keçirdi

Məmmədyarov Argentina parlamentində görüşlər keçirdi
13:31
22.03.2019
346
Siyasət
A
Azərbaycan xarici işlər naziri Elmar Məmmədyarov Argentina Deputatlar Palatasının sədri, deputat Emilio Monzo ilə görüşüb.

XİN-dən "Ölkə.Az"a verilən məlumata görə, görüşdə Azərbaycan və Argentina arasında ikitərəfli münasibətlərin müxtəlif aspektləri, həmçinin parlamentlərarası əlaqələrin daha da dərinləşdirilməsinə dair fikir mübadiləsi aparılıb. 

Hər iki ölkənin qanunverici orqanında dostluq qruplarının fəaliyyət göstərdiyi qeyd edilərək parlament üzvlərindən ibarət nümayəndə heyətlərinin qarşılıqlı səfərlərinin əməkdaşlıq imkanlarının araşdırılması baxımından faydalı ola biləcəyi vurğulanıb.

Azərbaycan və Argentina arasında münasibətlərin daha da inkişaf etdirilməsi üçün geniş potensialın olduğunu vurğulayan nazir Argentinaya səfərinin iqtisadi-ticari əlaqə və mübadilənin gücləndirilməsinə töhvə verəcəyinə ümidvar olduğunu bildirib. O həmçinin qarşı tərəfə Azərbaycanın iqtisadiyyat və ticarət üzrə strategiyasının əsas aspektləri barəsində məlumat verərək energetika, nəqliyyat, infrastruktur, kənd təsərrüfatı və turizm sahəsinin bu strategiyanın əsas istiqamətləri olduğunu bildirib.

Görüşdən sonra Argentina Deputatlar Palatasında Azərbaycan-Argentina Parlamentlərarası Dostluq Qrupunun sədri Hektor Olivares və qrupun üzvləri, həmçinin Palatanın Xarici işlər və etiqad komissiyasının sədri Kornelia Şmit ilə keçirilmiş görüşdə, əsasən, iqtisadiyyat, kənd təsərrüfatı və sərmayə qoyuluşu sahəsində münasibətlərin irəlilədilməsi üçün geniş potensialın olduğu, bu xüsusda, iş adamları arasında birbaşa təmasların yaradılmasının vacibliyi qeyd edilib.

Elmar Məmmədyarov həmçinin Argentina Senatının müvəqqəti sədri Federiko Pinedo ilə görüşüb. F.Pinedo Azərbaycana səfərini məmnunluqla xatırlayaraq ölkəmiz və xalqımız haqqında xoş təəssüratlarını bölüşüb. Görüşdə ikitərəfli münasibətlərin gündəliyində duran məsələlər müzakirə edilib və ikitərəfli münasibətlərin möhkəmləndirilməsində parlamentlərarası əlaqələrin önəmi qeyd olunub.

Ölkə.Az

ŞƏRH YAZ
0
BAĞLA