Ərdoğanın ən yaxın adamı da istefa verdi — Türkiyə ŞOKDA

Ərdoğanın ən yaxın adamı da istefa verdi
20:55
19.10.2017
494
Dünya
A
Türkiyə prezidenti Rəcəb Tayyip Ərdoğanın daha bir yaxını istefa verib.

“Ölkə.Az” xəbər verir ki, Türkiyənin hakim Ədalət və İnkişaf Partiyası (AKP) liderinin baş müşaviri Şaban Dişli istefa verib. Bu barədə Şaban Dişli özü məlumat verib. Onun sözlərinə görə, son vaxtlar ətrafında baş verənlər və yaranmış söhbətlərdən çox narahat olduğu üçün bu addımı atır.

“İlk öncə bu vəzifəyə təyin olunduğuma görə cənab Ərdoğana təşəkkür edirəm. Lakin son günlər baş verənlərdən çox narahatam. Bu səbəbdən də, ölkə başçısı Ərdoğanın və partiyamın zərər görməməsi üçün bu qərarı aldım. İstəmirəm ki, ətrafımda gəzən söhbətlərə görə, kimlərəsə ziyan dəysin. Bundan sonra da ölkəm, hökumətim və Ərdoğan üçün çalışmağa hazıram. Bu xidmətdən qürur duyraram”, - deyə Şaban Dişli bildirib.

Qeyd edək ki, onun istefası qardaşı, Silahlı Qüvvələrin Baş Qərargahının Strateji Planlaşdırma İdarəsinin rəisi olmuş general Mehmet Dişlinin 15 iyul hərbi çevriliş cəhdinin əsas iştirakçılarından biri kimi həbs olunmasından sonraya təsadüf edib. Sakarya əyalətindən millət vəkili olan Dişli AKP-nin əsas yaradıcılarından hesab olunur.

Ziya Səccad
Ölkə.Az

ŞƏRH YAZ
0

Amerikalı milyarder Corc Sorosa sui-qəsd

Amerikalı milyarder Corc Sorosa sui-qəsd
10:55
Bu gün
402
Dünya
A
Amerikalı milyarder Corc Sorosun Nyu-Yorkdakı evinin poçt qutusunda partlayıcı maddə tapılıb.

"Ölkə.Az” xəbər verir ki, Sorosun evdə olmadığı vaxt göndərilən partlayıcı maddə dolu paket mütəxəssislər tərəfindən zərərsizləşdirilib. Corc Soros Demokratlar partiyasını dəstəklədiyi üçün ifrat sağ görüşlü qrupların hədəflərindən birinə çevrilib.

Nyu-York polisi və FBİ xəfiyyələrinin axın etdiyi evdən verilən məlumata görə, Sorosun işçilərindən biri poçt qutusuna qoyulan paketi yoxlayıb. Paketin içində partlayıcı maddə olduğunu başa düşən şəxs onu meşə ərazisinə aparıb və polisə xəbər verib. Hazırda istintaqla FBİ məşğul olur.

Hikmət Həsənov
Ölkə.Az

 

ŞƏRH YAZ
0

Ərəb jurnalistin ölüm əmrini şahzadənin müşaviri verib: “O itin başını mənə gətirin”

Ərəb jurnalistin ölüm əmrini şahzadənin müşaviri verib: “O itin başını mənə gətirin”
10:14
Bu gün
1130
Dünya
A
Ərəb jurnalist Camal Kaşıkçının ölüm əmrini Səudiyyə Ərəbistanı şahzadəsi Salmanın müşaviri Kahtani verib.

“Ölkə.Az” xəbər verir ki, “Reuters”in xəbərinə əsasən, “Skype”la baş konsulluğa zəng edən Kahtani əvvəlcə Kaşıkçını təhqir edib, sonra isə “Bu itin başını mənə gətirin” əmrini verib. İddiaya görə “Skype” danışıqlarının səsyazısı Türkiyə hökumətindədir.

“Washington Post” qəzetinin müxbiri yazır ki, şahzadənin müşaviri Suud əl Kahtani Kaşıkçının ölüm əmrini vermək üçün 2 oktyabrda konsulluğa “Skype” vasitəsilə zəng edib. “Reuters”in məlumatına əsasən, Kahtani Camalı təhqir edib sonra isə ölüm dəstəsinə “bu itin başını mənə gətirin” əmrini verib.

Vəliəhd şahzadə Salmanın müşaviri Suud əl Kahtani vəliəhdin müxaliflərə təhdid üçün  Tvitterdə qurduğu trol ordusunun rəhbəridir. 3 min dollar maaş alan yüzlərlə trol kimə hücum etmək, hansı mövzuda tvit atmaq üçün gündəlik ondan təlimat alırlar.

Hikmət Həsənov
Ölkə.Az

ŞƏRH YAZ
0
BAĞLA