Ərdoğanla Putinin görüşü başa çatdı

“Ölkə.Az” xəbər verir ki, bu barədə Rusiya mətbuatı məlumat yayıb. Verilən məlumata görə, iki ölkə rəhbəri arasında danışıqlar 4 saatdan çox davam edib.

Bildirilir ki, ilk olaraq görüş iki ölkənin rəhbəri, eləcə də, digər nümayəndə heyətinin iştirakı ilə keçirilib. Daha sonra prezidentlər təkbətək görüşüblər. Görüşdən sonra Putin jurnalistlərə açıqlama verib. O, danışıqların qənaətbəxş keçdiyini deyib.

“Cənab Ərdoğan, sizi Rusiyada görməyə şadıq. Biz qərar verdik ki, mən də Türkiyəyə səfər edəcəyəm. Səfər zamanı əməkdaşlıq ətrafında yeni danışıqlar olacaq”, - deyə Putin bildirib.

Qeyd edək ki, Soçidə Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında kiçik tərkibdə görüş keçirilib. Bu Ərdoğanla Putinin 2017-ci ildə 6-cı görüşüdür. Bu il ərzində iki ölkə rəhbəri 13 dəfə telefonla danışıblar.

Ziya Səccad
Ölkə.Az