Ərəb dünyası müharibəyə hazırlaşır — Politoloq rəyi

Ərəb dünyası müharibəyə hazırlaşır
23:41
07.11.2017
2443
Analitika
A
Yəməndən Səudiyyə Ərəbistanı ərazisinə ballistik raket atılıb. Yəməndən Kral Xalid beynəlxalq hava limanına atılan raketlər savaş elanı kimi dəyərləndirilib. Bununla da, ərəb koalisiyası Yəmənlə hava və su əlaqələrini kəsməyə qərar verib. Səudiyyə Ərəbistanından isə bildirilib ki, Yəmənin bu həmləsinin arxasında İran dayanır.

Bu gərginlik regionda müharibəyə səbəb ola bilər. Dünya siyasətçiləri belə düşünürlər. Azərbaycanlı siyasətçilər də məsələyə birmənalı yanaşmırlar. Politoloq Sülhəddin Əkbər “Ölkə.Az”a açıqlamasında bildirib ki, hazırda ərəb ölkələri arasında gərginlik yüksəkdir. Onun sözlərinə görə, bu gərginlik müharibəyə səbəb ola bilər.

“Yəmənlə Səudiyyə Ərəbistanı arasında baş verənlər müharibə səbəbi kimi qiymətləndirilir. Bu müharibə Yəməndə üçüncü tərəf üzərindən açıq şəkildə aparılır. İran Husiləri dəstəklədiyi halda, nəticədə Səudiyyə Ərəbistanı qarşı tərəfi dəstəkləyir. Digər tərəfdən məsələyə ABŞ və İsrail də müdaxilə edir. Bu baxımdan regionda müharibə ehtimalının artdığını demək mümkündür. Əsasən də, üçüncü tərəflər üzərindən müharibənin genişlənəcəyini demək olar”, - deyə S.Əkbər bildirib.

Ziya Səccad
Ölkə.Az

ŞƏRH YAZ
0

Azərbaycanda 1000 kişiyə 1005 qadın düşür

Azərbaycanda 1000 kişiyə 1005 qadın düşür
18:47
11.10.2018
1954
Analitika
A
İlin əvvəlindən ölkə əhalisinin sayı 52427 nəfər və ya 0,5 faiz artaraq 2018-ci il sentyabr ayının 1-i vəziyyətinə 9 950 512 nəfərə çatıb.

Dövlət Statistika Komitəsindən "Ölkə.Az"a verilən xəbərə görə, əhalinin bir kvadrat kilometrə düşən sayı 115 nəfər olub.

Əhalinin 52,9 faizini şəhər, 47,1 faizini kənd sakinləri, 49,9 faizini kişilər, 50,1 faizini isə qadınlar təşkil edir. Hazırda hər 1000 kişiyə 1005 qadın düşür.

ŞƏRH YAZ
0

Dollar almaq istəyənlərin NƏZƏRİNƏ

Dollar almaq istəyənlərin NƏZƏRİNƏ
17:37
03.10.2018
887
Analitika
A
Azərbaycan Mərkəzi Bankı (AMB) oktyabrın 4-nə olan USD/AZN rəsmi məzənnəsini açıqlayıb.

Bankdan "Ölkə.Az"a  bildiriblər ki, Azərbaycan Mərkəzi Bankının oktyabrın 4-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

Qeyd edək ki, 2018-ci il oktyabrın 3-də də USD/AZN rəsmi məzənnəsi 1,7000 manat təşkil edib.

ŞƏRH YAZ
0
BAĞLA