19 yaşlı ana doğuş zamanı ölüb — Kürdəmirdə

19 yaşlı ana doğuş zamanı ölüb
00:01
22.02.2019
6028
Hadisə
A
Kürdəmir rayonunda doğuş zamanı ölüm hadisəsi baş verib.

“Ölkə.Az”ın “Report”a istinadən məlumatına görə, rayonun 19 yaşlı Carlı kənd sakini Nuranə Sədrəddin qızı Novruzova bu gün saat 14:00 radələrində doğuş sancıları ilə Kürdəmir Rayon Mərkəzi Xəstəxanasının (RMX) Doğuş şöbəsinə yerləşdirilib.

Saat 16:30-da isə doğuş baş tutub və ana 3,4 kq-lıq oğlan uşağı dünyaya gətirib. Doğuşdan təqribən 15-20 dəqiqə sonra anada boğulma halı baş verib. Həkimlər onu reanimasiya etmək istəsələr də, Nuranənin həyatını xilas etmək mümkün olmayıb.

Hadisənin hansı səbəbdən baş verməsi ekspertin rəyindən sonra aydın olacaq.

Kürdəmir RMX-nin baş həkimi Eynulla Novruzov "Report"a bildirib ki, Nuranə xəstəxanaya daxil olarkən səhhəti normal olub və doğuş normal həyata keçirilib.

Yeni doğulan körpənin vəziyyəti normaldır. Son 26 ildə Kürdəmir RMX-da ana ölümü baş verməyib.

Faktla bağlı Kürdəmir Rayon Prokurorluğunda araşdırma aparılır.

Ölkə.Az

ŞƏRH YAZ
1

Şəkidə xəsarət alanların son durumu açıqlandı

Şəkidə xəsarət alanların son durumu açıqlandı
10:49
Bu gün
393
Hadisə
A
Səhiyyə Nazirliyi iyulun 14-də Şəki Xan Sarayında baş verən hadisə zamanı xəsarət alanların son durumunu açıqlayıb.

Nazirliyin Mətbuat xidmətindən "Ölkə.Az"a bildirilib ki, Şəki Mərkəzi Rayon Xəstəxanasında müalicə alan Elxan Məmmədovun vəziyyəti hazırda orta-ağır sabit qiymətləndirilir.

"Kliniki Tibbi Mərkəzdə müalicəsi davam edən İlkin Məmmədov ümumi şöbədə palataya köçürülüb və valideynlərinə onun yanında qalması üçün şərait yaradılıb, vəziyyəti isə orta-ağır sabitdir", - nazirlikdən bildirilib. 

Ölkə.Az

ŞƏRH YAZ
0

İçkini düşkünü olan ərini öldürən qadın qərardan şikayət verib

İçkini düşkünü olan ərini öldürən qadın qərardan şikayət verib
01:29
Bu gün
2861
Hadisə
A
Bakıda həyat yoldaşını öldürməkdə təqsirləndirilən Vəfa Orucova barəsindəki hökmdən apellyasiya şikayəti verib.

"Ölkə.Az" xəbər verir ki, onun şikayəti ilə bağlı məhkəmə baxış iclası hakim Vaqif Mursaqulovun sədrliyi ilə iyul ayının 17-də keçiriləcək.

Hadisə ötən il noyabrın 24-də baş verib. Bakı şəhər sakini Rövşən Musayev paytaxtın Nərimanov rayonu ərazisindəki evindən kəsilmiş-deşilmiş xəsarətlə xəstəxanaya gətirilib və orada ölüb.

Polis və prokurorluq orqanları əməkdaşlarının keçirdikləri təxirəsalınmaz istintaq və əməliyyat-axtarış tədbirləri ilə hadisəni münaqişə zəminində törətməkdə şübhəli bilinən V.Orucova saxlanılıb. İstintaqa ifadə verən Vəfa Orucova törətdiyi cinayəti etiraf edib. O bildirib ki, içki düşkünü olan əri onu pul qazanmağa məcbur edib. Ona qarşı Cinayət Məcəlləsinin 120.1 (qəsdən adamöldürmə) maddəsi ilə ittiham irəli sürülüb.

Qeyd edək ki, Bakı Ağır Cinayətlər Məhkəməsinin hökmünə əsasən, V.Orucova 12 il müddətinə azadlıqdan məhrum edilib.

Natiq Allahverdiyev

Ölkə.Az

ŞƏRH YAZ
0
BAĞLA