Ərinin təhqirlərinə dözə bilməyən qadın bıçağa əl atdı — TƏFƏRRÜAT

Ərinin təhqirlərinə dözə bilməyən qadın bıçağa əl atdı
10:42
10.08.2018
3417
Hadisə
A
Nizami rayonu, Bəkir Çobanzadə küçəsi ev 45-də qanlı olay baş verib.

“Ölkə.Az”ın məlumatına görə, 1987-cü il təvəllüdlü Abbasova Turanə Əlövsət qızı həyat yoldaşı, 1984-cü il təvəllüdlü Yalçın Vəliyevi bıçaqlayıb. Yaralı təcili olaraq 3 saylı şəhər xəstəxanasına çatdırılıb. Cərrahiyə əməliyyatı zamanı məlum olub ki, bıçaq zərbələri daxilə nüfuz edib. Reanimasiya şöbəsinə yerləşdirilən Y.Vəliyevin vəziyyəti orta-ağır olaraq qalır. 

İnsidentin hansı səbəbdən baş verməsinə gəlincə,  ər daim həyat yoldaşını ağır sözlərlə təhqir edib, bunlara dözməyən qadın isə sonda bıçağa əl atmağa məcbur olub.

Faktla bağlı 24-cü Polis Şöbəsində təhqiqat araşdırmalarına başlanılıb və qadın şübhəli şəxs qismində saxlanılıb. Baş vermiş hadisə ilə bağlı təyin olunan məhkəmə-tibbi ekspertizanın verəcəyi rəydən sonra fakta hüquqi qiymət veriləcək.

ŞƏRH YAZ
0

Bakı-Ələt yolunda maşın aşdı, bir ailənin 4 üzvü yaralandı

Bakı-Ələt yolunda maşın aşdı, bir ailənin 4 üzvü yaralandı
17:40
Bu gün
1040
Hadisə
A
Bu gün səhər Bakı-Ələt yolunda qəza baş verib.

“Ölkə.Az” Trend-ə istinadən xəbər verir ki, hadisə yolun Qaradağ rayon Səngəçal qəsəbəsi ərazisindən keçən hissəsində olub.

Bakı istiqamətində hərəkət edən “Mercedes” markalı avtomobilin sürücüsü idarəetməni itirərək yoldan çıxıb və maşın aşıb.

Qəza nəticəsində xəsarət alanlar Təcili tibbi yardım briqadasının köməyi ilə 1 saylı Kliniki Tibbi Mərkəzə yerləşdirilib.

Xəsarət alanlar bir ailənin üzvləridir. Onlardan üçü müayinə olunaraq evə buraxılıb, 1954-cü il təvəllüdlü Həsənova Rəvşəndə isə reanimasiya şöbəsinə yerləşdirilib. Vəziyyəti ortadır.

Xəsarət alanların hamısı Ağcabədi rayonunun sakinləridir.

Faktla bağlı araşdırma aparılır.

Ölkə.Az

 

ŞƏRH YAZ
1

Ağcabədidə qadın öz evindən qızılı oğurladı, sevgilisinə verdi

Ağcabədidə qadın öz evindən qızılı oğurladı, sevgilisinə verdi
16:38
Bu gün
1231
Hadisə
A
Qadın öz evindən qızılları götürərək tanışına verib. Sonra isə polisə məlumat verərək oğurlandığını bildirib.

“Ölkə.Az” Xəzər TV-yə istinadən xəbər verir ki, Ağcabədidə rayonunda polisə oğurluq hadisəsi barədə yalan məlumat verən gənc qadın saxlanılıb. Rayon sakini Könül Aslanova polisə müraciət edərək bildirib ki, ona məxsus evdən qızıl-zinət əşyaları oğurlanıb.

Polisin keçirdiyi əməliyyat istintaq tədbirləri nəticəsində məlum olub ki, 1500 manat dəyərində qızıl-zinət əşyalarını Könül Aslanova özü başqa bir şəxsə hədiyyə olaraq verib. Hadisəni ailə üzvlərindən gizlətmək üçün polisə yalan məlumat verib.

Faktla bağlı rayon polis şöbəsində araşdırmalar davam etdirilir.

Ağcabədidə digər ogurluq hadisəsi də olub.Rayon sakini Məhruzə Kazımova rayon polis şöbəsinə müraciət edərək bildirib ki, ona məxsus mənzildən 3 min manat dəyərində məişət əşyaları oğurlanıb.

Müəyyən edilib ki, oğurluq hadisəsi rayon sakinləri Roman Əsədov, Röyal Hüseynov və Əlimərdan İsmayılov tərəfindən törədilib.

İstintaq tədbirləri nəticəsində oğurlanan əşyaların bir hissəsi maddi sübut kimi götürülüb.

Faktla bağlı rayon polis şöbəsində araşdırma aparılır.

Ölkə.Az

 

ŞƏRH YAZ
0
BAĞLA