KORONAVİRUSA YOLUXANLARIN SAYI - CANLI STATİSTİKA

Erməni biznesmendən milyard dollarlıq SAXTAKARLIQ — TƏFƏRRÜAT

Erməni biznesmendən milyard dollarlıq SAXTAKARLIQ
12:47
21.05.2020
2300
Dünya
A
ABŞ-ın Yuta ştatının Federal Bölgə Məhkəməsində erməni əsilli amerikalı biznesmen Levon Termencyanın məhkəmə prosesi keçirilmişdir.

Məhkəmə prosesində Kaliforniyada fəaliyyət göstərən "Noil Energy Group" və digər şirkətlərin rəhbəri olan L.Termencyan Yuta ştatında fəaliyyət göstərən "Washakie Renewable Energy" şirkətinin rəhbərləri olan Ceykob və İsaiyə Kinqston qardaşları ilə birgə 2010-2016-cı illərdə 1 milyard dollar dəyərində vergi saxtakarlığı etməkdə təqsirli biliniblər. "Ölkə.Az" xəbər verir ki, 2018-ci ilin avqustunda Federal Təhqiqatlar Bürosu tərəfindən həbs edilən L.Termencyanın məhkəmə prosesi bu ilin yanvar ayında başlamışdır. - Cənubi Kaliforniya Universitetinin tərkibində fəaliyyət göstərən Erməni Araşdırmaları İnstitutunun əməkdaşı, Bakı ermənisi olan Emil Sanamyanın "Twitter"də paylaşdığı məlumatda və "YouTube"da yerləşdirilmiş filmdə göstərilir ki, Ermənistanda anadan olmuş və 14 yaşında Los Anceles şəhərinə köçmüş L.Termencyan və qardaşı Qriqor Termencyan 2000-ci illərdə Hayastan Ümumerməni Fondu vasitəsilə Azərbaycanın işğal olunmuş keçmiş Ağdərə rayonunda xəstəxana tikintisi və Ermənistan ərazisində internat evinin inşası layihələrinə dəstək vermişlər. - L.Termencyan və Kinqston qardaşları ABŞ hökumətinin ənənəvi yanacağa alternativ daha təmiz yanacağın istehsalını təşviq etmək məqsədilə yaratdığı və bioyanacaq istehsal edən şirkətlərə istehsalın həcminə görə müəyyən məbləğin geri ödənməsini nəzərdə tutan vergi krediti proqramından istifadə edərək, milyonlarla ton bioyanacağı ölkə daxilində müxtəlif limanlara nəql etməklə və xarici ölkələrə daşıyıb geri qaytarmaqla, habelə, müvafiq sənədləri saxtalaşdırmaqla, həmin yanacağın istehsal və satışını həyata keçirdikləri ilə bağlı dövlətə yalan məlumatlar vermiş və sözügedən proqram vasitəsilə külli miqdarda vəsait mənimsəmişlər. - Kinqston qardaşları məhkəmə prosesində sözügedən saxtakarlıqları L.Termencyanın göstərişi ilə həyata keçirdiklərini və onun başda Türkiyə olmaqla bir sıra xarici ölkələrdəki şəxsi və ya digər hesablarına milyonlarla dollar vəsait köçürdüklərini etiraf etmişlər. Kinqston qardaşlarının sözlərinə görə L.Termencyan hüquq-mühafizə orqanlarında əlaqələrinin olduğunu, həyata keçirdikləri qanunsuz əməllərə görə narahatlığa əsas olmadığını bildirmiş və onları qoruyacağına söz vermişdir. Bunun müqabilində Kinqston qardaşları L.Termencyanm Türkiyə və Lüksemburqdakı hesablarına 134 milyon ABŞ dolları məbləğində "zəmanət" pulu köçürmüşlər. L.Termencyan və Kinqston qardaşlarına yaxın gələcəkdə hökm oxunacağı gözlənilir. - L.Termencyanın 2018-ci ildə həbsindən sonra onun Türkiyədə fəaliyyət göstərən “Palmali” şirkəti ilə əməkdaşlığı barədə iddialar yayılmışdır. Belə ki, 2016-cı ildə ABŞ-da "Palmali USA" şirkəti yaradılmış və Kaliforniya ştatında qeydiyyatdan keçmişdir. Kaliforniya Ştat Katibliyinin rəsmi internet saytında yerləşdirilmiş sənəddə "Palmali USA" şirkətinin rəhbərinin L.Termencyanın oğlu Corc Termencyan olduğu qeyd edilmişdir. Həmin internet saytında 2019-cu ilin martında şirkətin qeydiyyatının ləğv edildiyini göstərən digər sənəddə isə onun C.Termencyan tərəfindən imzalandığı görünür. - Türkiyə mətbuatının məlumatına əsasən C.Termencyan atasının məhkəmə prosesində verdiyi açıqlamada "Palmali USA" şirkətini onun göstərişi ilə Palmali şirkətinin sahibi Mübariz Mənsimovla birgə qurduğunu bildirmişdir. M.Mənsimov isə bunun ABŞ-dakı erməni diasporu tərəfindən onun əleyhinə istifadə olunması məqsədilə təşkil edildiyini bildirmişdir. - L.Termencyanın Türkiyədəki digər iş ortağı da Türkiyənin nəhəng "SBK Holding" şirkətlər qrupunun rəhbəri, Türkiyənin hakim dairələrinə yaxınlığı ilə seçilən Sezgin Baran Korkmaz olmuşdur və bu ortaqlığın nəticəsində L.Termencyan 2013-cü ildə ABŞ-da "SBK Holding USA" şirkətini yaratmışdır. - S.Korkmazın adı 2017-ci ildə ABŞ prezidenti Donald Trampın Milli Təhlükəsizlik Məsələləri üzrə keçmiş müşaviri Maykl Flinin məhkəmə prosesində hallanmışdır. Belə ki, S.Korkmazın iş ortağı olduğu iddia edilən Türk-Amerikan Biznes Şurasının sədri, biznesmen Ekim Alptekinin "Inovo BV" şirkəti 2016-cı il ABŞ-ın prezident seçkilərindən öncə M.Flinin “Flynn Intel Group" konsaltinq şirkəti ilə "Fətullah Güləni araşdırmaq üçün" yarım milyonluq müqavilə bağlamışdır. - Həmçinin,D.Trampın seçki kampaniyasına qoşulan və M.Flinin şirkətində çalışan Mərkəzi Kəşfiyyat İdarəsinin keçmiş direktoru Ceyms Vulsi 20 sentyabr 2016-cı il tarixində S.Korkmaz və E.Alptekin ilə görüşərək, F.Gülən əleyhinə lobbiçilik fəaliyyəti göstərməyə razılığını bildirmişdir. Bununla yanaşı, C.Vulsi 2017-ci ildəki açıqlamasında qeyd etmişdir ki, M.Flin 2016-cı ilin sentyabrında Nyu-York şəhərində Türkiyənin Xarici işlər və Enerji nazirləri ilə görüşərək, F.Gülənin Türkiyəyə ekstradisiyası məsələsini müzakirə etmişdir.

Ölkə.Az 

ŞƏRH YAZ
0

Avropadan Ermənistana ŞOK — QADAĞAN EDİLDİ

Avropadan Ermənistana ŞOK
01:21
Bu gün
354
Dünya
A
Ermənistan aviaşirkətlərinə Avropa İttifaqı (Aİ) ərazisinə uçuşlar etmək qadağan edilib.

"Ölkə.Az"ın Trend-ə istinadən verdiyi məlumata görə, bu barədə Aİ-nin rəsmi saytında deyilir.

İyunun 2-si Avropa Komissiyası Aİ-nin təhlükəsiz uçuşlar siyahısını, beynəlxalq təhlükəsizlik standartlarına uyğun olmadığına görə Avropa İttifaqında fəaliyyəti qadağan olunan və ya məhdudlaşdırılan aviaşirkətlərin siyahısını yeniləyib. Ermənistanda sertifikatlaşdırılmış bütün aviaşirkətlər ölkənin təhlükəsizliyin təmin edilməsi üzrə imkanları qiymətləndirildikdən sonra siyahıya əlavə edilib.

Bildirilir ki, siyahıya "Aircompany Armenia", "Armenia Airways", "Armenian Helicopters", "Atlantis Armenian Airlines", "Atlantis European Airways", "Mars Avia" və "Skyball" əlavə edilib.

Məlumata əsasən, Avropa İttifaqı ərazisinə ümumilikdə müxtəlif ölkələrin 96 aviaşirkəti üçün uçuşlar qadağan edilib.

Ölkə.Az

ŞƏRH YAZ
0

ABŞ-da hərbi bazaya hücum — 2 əsgər öldü

ABŞ-da hərbi bazaya hücum
22:48
02.06.2020
982
Dünya
A
ABŞ-ın Şimali Dakota ştatında Grand Forks Hərbi Hava Qüvvələrinin bazasına hücum edilib.

"Ölkə.Az" “Haber Global”a istinadən xəbər verir ki, yerli vaxtla saat 04:30 radələrində baş tutan hücum zamanı 2 əsgər öldürülüb.

Hücum edən şəxsin kimliyi məlum deyil. Hazırda axtarışlar aparılır.

Qeyd edək ki, afroamerikalı Corc Floydun polis tərəfindən öldürülməsindən sonra ABŞ-da kütləvi etirazlar başlayıb və insanlar bir sıra strateji yerlərə hücumlar həyata keçirirlər.

Ölkə.Az

ŞƏRH YAZ
0
BAĞLA