Erməni etirazçılar İctimai Radionu ələ keçirdilər

Erməni etirazçılar İctimai Radionu ələ keçirdilər
18:11
14.04.2018
4015
Dünya
A
“Vətəndaş razılığı” partiyasının liderinin rəhbərliyi altında etiraz keçirən aksiya iştirakçıları İctimai Radionun binasına soxulublar.

“Ölkə.Az” xəbər verir ki, Nikol Paşinyan və tərəfdarları əllərini yuxarı qaldırıblar.

Paşinyan canlı yayım tələb edir. Erməni İctimai Radiosunun yayımı dayandırılıb.

Radio vasitəsilə xalqa müraciət edən erməni lider tərəfdarları ilə binanı tərk edib. Nümayiş Yerevan küçələrində davam edir. İctimai Radio fəaliyyətini bərpa edib.

“Biz burada mətbuatın böyük hissəsinin Serj Sərkisyan ailəsinin əlində olduğuna etirazımızı bildiririk. Ermənistan vətəndaşları Ermənistanın siyasi həyatını obyektiv şəkildə işıqlandıran KİV-dən məhrum ediliblər”, - deyə Paşinyan bildirib.

Hikmət Həsənov
Ölkə.Az

ŞƏRH YAZ
0

Pilot arvadını öldürmək üçün idarə etdiyi təyyarəni öz evinə çırpdı — VİDEO

Pilot arvadını öldürmək üçün idarə etdiyi təyyarəni öz evinə çırpdı
19:08
Bu gün
362
Dünya
A
Botsvanada pilot təyyarə ilə həyat yoldaşını öldürməyə çalışıb.

"Ölkə.Az" xarici mediaya istinadən bildirir ki, hadisə ölkənin paytaxtı Qaboronedə baş verib.

İlkin məlumatlara görə, pilot hadisədən bir neçə saat əvvəl həyat yoldaşı ilə mübahisə edib. Mübahisədən sonra isə həyat yoldaşını öldürmək qərarına gələn pilot təyyarəni evinin üstünə çırpıb.

Hadisə nəticəsində pilot həyatını itirib. Ailə üzvləri isə evdən qaçaraq sağ qalıblar. 

Xatırladaq ki, təyyarənin evə çırpılması nəticəsində ev tamamilə dağılıb. Ətrafdakı 11-ə yaxın nəqliyyat vasitəsinə ciddi ziyan dəyib.

<iframe width="560" height="315" src="https://www.youtube.com/embed/Jfsc87I0T94" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Ölkə.Az

ŞƏRH YAZ
0

Mixeil Saakaşvilinin partiyasına yeni sədr seçilib

Mixeil Saakaşvilinin partiyasına yeni sədr seçilib
18:50
Bu gün
216
Dünya
A
Bu gün Gürcüstanın sabiq prezidenti Mixeil Saakaşvilinin lideri olduğu Vahid Milli Hərəkat Partiyasının (VMHP) qurultayı keçirilib.

"Ölkə.Az" report-a istinadən bildirir ki, qurultayda VMHP-yə yeni sədr seçkiləri keçirilib.

Qriqol Vaşadze səs çoxluğu ilə partiyanın sədri seçilib. O, partiya sədrliyinə yeganə namizəd olub.

Qurultayda səsvermə elektron qaydada keçirilib. İştirakçılar xüsusi mobil applikasiya vasitəsilə səs veriblər.

Q.Vaşadzenin namizədliyinin lehinə 364 nümayəndə, əleyhinə 1 nəfər səs verib, digər 1 nəfər isə səsvermədə iştirakdan imtina edib.

M.Saakaşvili partiyanın qurultayına canlı video bağlantı ilə qatılıb. O, VMHP-nin böyük ideyalar təşkilatı olduğunu bildirib: "Biz ilk öncə xalqın partiyasıyıq. Bütün insanlar partiya və ölkənin rəhbərliyində iştirak etməlidirlər".

Qeyd edək ki, bu günə qədər VMHP-nin sədri vəzifəsini Nika Melia icra edib.

Q.Vaşadze 2008-2012-ci illərdə Gürcüstanın xarici işlər naziri olub.

Ölkə.Az

ŞƏRH YAZ
0
BAĞLA