AXTAR

Axtarışın nəticələri

Bütün nəticələr
17 Avqust 2017

"Erməni generalının KTMT-nin sədri seçilməyinin sıfır qədər əhəmiyyəti yoxdur" — Politoloq rəyi

Kollektiv Təhlükəsizlik Müqaviləsi Təşkilatının (KTMT) baş katibi vəzifəsinə erməni general Yuri Xaçaturov təyin olunub.

19.04.2017 16:23 Bölmə: Siyasət Oxunma sayı: 1493
A- A A+

Erməni politoloqlar bu təyinatı Ermənistan üçün əhəmiyyətli bir addım adlandırır. Rusiyalı analitiklər isə bu təyinatı Ermənistanda hərbi xuntanın tam hakimiyyətə yiyələnməsi kimi qiymətləndirirlər və Dağlıq Qarabağ problemi ilə bağlı danışıqların bundan sonra mümkünsüz olduğunu deyirlər. Rusiyalı analitik Oleq Kuznetsov Dağlıq Qarabağ məsələsinin həllinin tək yolunun ötən ilin aprelindəki kimi müharibə olduğunu bildirib.

Erməni generalın KTMT sədri təyin edilməsi və Azərbaycanın ata biləcəyi addımla bağlı politoloq Zərdüşt Əlizadə "Ölkə.Az"-a danışıb:

"Erməni generalının KTMT-nin sədri seçilməyinin sıfır qədər əhəmiyyəti yoxdur. Çünki o təşkilat Rusiya, Qazaxıstan, Belarusiya, Qırğızıstan və Ermənistandan ibarətdir. Bu dövlətlər arasında müdafiə məsələləri ilə bağlı məsələlər müzakirə olunanda və qərar qəbul ediləndə söz sahibi Rusiya olur. KTMT işçi orqandır, Rusiyanın MDB məkanında həyata keçirdiyi elmi, texniki, hərbi əməkdaşlıq məsələlərinin çərçivəsidir. KTMT-də yalnız Rusiyanın qərarları rol oynayır, digər dövlətlərin qərarları əhəmiyyətsizdir. Mütəxəssislər çoxdan deyirlər ki, KTMT Rusiya və KTMT-də marağı olan Ermənistandan ibarətdir. Ermənistan o qədər kiçikdir, Rusiyadan o qədər asılıdır ki, onun söz demək, qərar vermək səlahiyyəti yoxdur. Ermənistan yalnız və yalnız yedək dövlətdir. Yedək dövlət isə onu aparan dövlətdən tam asılı olur. Odur ki, erməni generalının orada oturması heç nəyi dəyişmir. Rusiyanın ali baş komandiri var - Vladimir Putin. Silahlı qüvvələrə o rəhbərlik edir. Putin nə desə, KTMT onun qərarlarını həyata keçirməyə məcburdur".

"KTMT-yə erməni generalının rəhbərlik etməsinə qarşı Azərbaycan tərəfi hansısa addımlar ata bilərmi"- sualına gəldikdə isə politoloq bildirdi ki, Azərbaycan KTMT-nin üzvü deyil:

"Təşkilat daxilində söz sahibi deyil. Ona görə də, heç nə edə bilməz. Bizdə hansısa yüksək vəzifə tutan insanın milliyətinə daha çox fikir verirlər. Avroasiya İqtisadi Əməkdaşlıq Təşkilatının da baş katibi Karen Sərkisyandır. Belə çıxır ki, Rusiyanın Avroasiya iqtisadi fəaliyətini o erməni təmzimləyir? Qətiyyən. O, icraçı adamdır, maaş alır, xidməti maşını var, dolanır. Bunların heç bir əhəmiyyəti yoxdur".

Səxavət Məmməd
Ölkə.Az

Partner Xəbər