KORONAVİRUSA YOLUXANLARIN SAYI - CANLI STATİSTİKA

"Ermənilər dünyaya yalvarır ki, Azərbaycan ordusunun hərbi əməliyyatlara başlamasına imkan verməsinlər" — Elman Məmmədov

15:53
24.07.2019
36723
Analitika
A
İyulun 23-də Azərbaycan cəmiyyəti Ağdamın ermənilər tərəfindən işğal olunmasının 26 illiyini anım mərasimləri ilə yad etdi. İl boyunca biz işğal olunmuş torpaqlarımının işğal günlərini yad etməklə məşğuluq. Bu işğal tarixlərindən bizləri ən azı 26 il zaman vaxt ayırır. Bu, heç də kiçik zaman kəsiyi deyil. Bu, bir əsrin dörddə biri deməkdir və vaxt çox böyük zamandır. İşğal faktının aradan qaldırılması ilə bağlı ATƏT-in Minsk qrupu həmsədrləri məşğul olsa da, nəticə yoxdur. Zaman isə ziyanımıza işləyir. Düşmənin hədəfi vaxt udmaqla, Azərbaycan xalqını işğal faktına öyrətmək və nəsil dəyişməsi ilə torpaqları unutdurmaqdır. Bəs belə olan şəraitdə hansı addımlar atılmalıdır ki, həm gənc nəsil işğal altında olan torpaqları unutmasın, həm də torpaqları işğaldan azad edək?

"Ölkə.Az"-ın əməkdaşı bu və digər suallarla Xocalının millət vəkili Elman Məmmədova müraciət edib. Deputat saytımıza geniş açıqlamasında bildirib ki, ümidsizliyə qapılmaq olmaz:

"İnsan heç bir zaman ümidsiz olmamalıdır, ümidini itirməməlidir. Yaşından asılı olamayaraq, yurd yerini, vətənini unutmamılıdır. Düşmən və onun havadarları çox  səhvən belə bir fikrə düşüblər ki, işğal  faktını uzatmaqla  nəsil dəyişməsi baş versin və bəlkə, gələcək nəsil bu iddiadan geri çəkildi və ya indiki kimi qətiyyət göstərmədi. Amma onların bu düşüncəsi yanlışdır. Azərbaycan insanı  düşmənin düşüncəsindən  fərqli olaraq,  vətənə bağlı insandır”.
.
Millət vəkili onu da  təəssüf hissi ilə qeyd edib ki, artıq torpaqları işğaldan azad etmək vaxtı çoxdan keçib:

"Torpaqlarımızı işğaldan azad etmək üçün konkret addımlar atmalı idik.  90-cı illərdə  atəşkəs, sülh danışıqları vaxt  udmaq baxımından Azərbaycana lazım idi. Çünki  o zaman dövlətçiliyimiz, dövlətimiz iqtisadi, hərbi cəhətdən zəif idi. Məhz düşmən də bu məqamlardan istifadə edərək, torpaqlarımızı havadarlarının köməyi ilə işğal etdi. Ancaq bu gün güclü iqtisadiyyata, orduya malik, daxili sabitliyi olan  Azəbaycan dövləti var. Azərbaycan ordusunun gücü, döyüş qabiliyyəti beynəlxalq hesabatlarda əks olunur. Hazırda işğal altında olan torpaqları işğaldan azad etməyə qadir güclü Azərbaycan ordusu var”.

E.Məmmədovun sözlərinə görə,  dünyanın güclü dövlətləri, beynəlxalq güclər bu gün ermənilərin işğal siyasətinə haqq qazandırırlar: “Düzdür, onlar  Azərbaycanın ərazi bütövlüyünü, suverenliyinini tanıdıqlarını və  məsələnin beynəlxalq hüquq normaları, prinsipləri əsasında həllini bəyan etsələr də, digər tərəfdən işğalçını dəstəkləyərək, güllə atmamağı, güzəştə  getməyi  bizə təklif edirlər.  Təbii ki, Azərbaycan tərəfi də belə bir təkliflə heç zaman razılaşmayıb və razılaşmayacaq da. Ona görə bir daha təkrar edirəm ki, torpaqları işğaldan azad etməyi zamanı çatıb. Azərbaycan torpaqları işğaldan azad etmək istiqamətində əməliyyatlara başlamalıdır. Bunu bilən və Azərbaycan ordusunun qarşısında dura bilmədiyini görən ermənilər dünyaya car çəkərək yalvarır ki, Azərbaycan ordusunun  hərbi əməliyyatlara başlamasına imkan verməsinlər. Yuxarıda səsləndirdiyim bir fikri yenə təkrar edirəm, vaxtın uzanması,  ermənilərin və onların havadarlarının xeyrinədir.  Ona görə də son sözü Azərbaycan ordusu deməlidir. Bundan başqa yol yoxdur və görmürəm də…”.

Deputat qeyd edib ki, ermənilər Azərbaycan torpaqlarını ATƏT Minsk qrupuna həmsədrlik edən dövlətlərin və bəzi başqa dövlətlərin  dəstəyi, xeyir-duası ilə işğal edib:

“Onlar bu torpaqların ermənilərdə qalması ümidi ilə yaşayırlar. Sadəcə, bunu açıq büruzə vermirlər. Ona görə də biz həmin ölkələrin boğazdan yuxarı bəyanatlarına inanmamalıyıq. 15 ildən artıq müddətdə səsləndirdiyim bir fikir var. Onu hər zaman demişəm və bundan sonra da deyəcəyəm. Ermənistan-Azərbaycan münaqişəsində həlli istiqamətində aparılan danışıqlar prosesində qüvvələrə prinsipi 4-ün 1-dir. Üç həmsədr ölkə, Ermənistan və bir də Azərbaycan. Onlar hər vasitə  ilə status-kvonun uzanmasına, ermənilərin qeyri-qanuni işğal olunmuş ərazilərdə məskunlaşması istiqamətində əllərindən gələni edirlər.

Hesab edirəm ki, biz hərbi əməliyyatlara başlamazdan öncə daxildə sabitliyi daha da möhkəmləndirib, birliyi qorumağa çalışmalıyıq. Daxili sabitliyi, ümumxalq birliyini pozmağa yönəlik bütün niyyətlərin qarşısını almalıyıq. Burada ümumxalq birliyi nümayiş etdirməliyik. İkincisi, iqtisadi gücümüzü artırıb, ordunu  hər zaman döyüşə hazır vəziyyətə saxlamalıyıq. Bu təkcə hakimiyyətin işi deyil. Bu, hər bir azərbaycanlının, dünyada yaşayan azərbaycanlının işidir. Bax, belə bir formada  torpaqlarımızı işğaldan azad etmək uğrunda mübarizəyə başlamalıyıq. Əgər sabitliyi  və birliyimizi qoruya biləriksə, o zaman beynəlxalq aləm də bizimlə hesablaşmalı olacaq”.

Mürtəza
Ölkə.Az

ŞƏRH YAZ
0

Ermənistan yeni işğal üçün müharibəyə hazırlaşır — Millət vəkilindən ŞOK XƏBƏRDARLIQ

Ermənistan yeni işğal üçün müharibəyə hazırlaşır
01:38
04.07.2020
1882
Analitika
A
“Ermənistan tərəfi yenidən müharibəyə başlamaq istəyir. Ancaq işğalçı ölkə bu dəfə törətdiyi təxribata elə cavab alacaq ki, onu heç vaxt unutmayacaq”.

"Ölkə.Az" xəbər verir ki, bunu  açıqlamasında Demokratik İslahatlar Partiyasının sədri, deputat Asim Mollazadə deyib.

Onun fikrincə, Rusiya həmişə Ermənistanı öz ordusu kimi silah-sursatla təmin edib.

Asim Mollazadə

 

“Ermənistan silahlı qüvvələri artıq Rusiya Silahlı Qüvvələrinin tərkib hissəsidir. Rusiya Ermənistanı kifayət qədər silahla təmin edib. Bunu yalnız indi deyil, həmişə öz qoşunlarına etdiyi kimi edir”, - partiya sədri vurğulayıb.

A.Mollazadə bildirib ki, Ermənistan hər vaxt qoşunların təmas xəttində təxribatlar törədir və bunu davam etdirməkdə maraqlıdır: “Ermənistan müharibəni yenidən başlamaq və işğal etdiyi əraziləri genişləndirmək istəyir. Düşünürəm ki, dövlətimizin keşiyində duran Azərbaycan Ordusu da bu təxribatlara cavab verməyə tam hazırdır. Cavabımız elə ağır olacaq ki, Ermənistan tərəfi bunu çətin unuda bilsin”.

Hərbi ekspert Ramil Məmmədli isə hesab edir ki, iqtisadi imkanlarını, daxili siyasi vəziyyətini analiz etdikdə birmənalı şəkildə Ermənistanın müharibə edəcək gücdə olmadığı üzə çıxır:

“Təbii ki, ermənilər adətləri üzrə təxribat xarakterli əməliyyatlar keçirə bilərlər. Əgər belə bir cəhd olarsa, əlbəttə ki, Azərbaycan Ordusu bunun qarşısını almağa və əks-hücumla Ermənistan ordusunu yerində oturtmağa qadirdir. İnanmıram ki, Ermənistanın hazırkı hərbi-siyasi rəhbərliyi 2016-cı ilin aprelində baş verənləri yenidən yaşamaq istəsinlər. Onların ordusunun şəxsi heyətinin sayını, texniki imkanlarını Azərbaycan Ordusu ilə müqayisə edəndə, işğalçı ölkənin yenidən müharibəyə başlamasının mümkün olmadığı aydın olur”.

Ramil Məmmədli

R.Məmmədlinin fikrincə, müharibəni başlayan ölkənin maliyyə imkanları güclü olmalıdır: “Bununla yanaşı, daxili siyasi sabitliyi olmalıdır. Ermənistanda isə nə iqtisadiyyat güclüdür, nə də daxili siyasi vəziyyətləri sabitdir. Sadə bir nümunə deyim: texniki təchizat vasitələri istisna olmaqla, müharibədə döyüşə göndərilən hər bir əsgərin üzərindəki silah-sursat və geyiminin məbləği 10-20 min ABŞ dolları arasında dəyişir. Ermənistanın şəxsi heyətini bu formada geyindirib hücuma göndərməyə gücü çatmaz”.

Qeyd edək ki, Gürcüstan mətbuatı Rusiyanın Ermənistana növbəti dəfə külli miqdarda silah-sursat göndərdiyini yazıb. Belə ki, hərbi mənbələr son günlər Rusiyanın mülki hava xəttlərindən istifadə edərək Ermənistana silahlar, həmçinin “Qrad” reaktiv-yaylım atəşi sistemləri çatdırdığını bildirir.

Mənbə silahların Ermənistana İran hava məkanından istifadə edərək gizlin çatdırıldığını bildirib. report

ŞƏRH YAZ
0

Azərbaycan Ordusunda islahatlar yeni müstəviyə keçib — Ekspertlər

Azərbaycan Ordusunda islahatlar yeni müstəviyə keçib
15:11
17.05.2020
2843
Analitika
A
“Ordunun modernləşdirilməsi ən vacib məsələlərdəndir, bu gün ordumuza ən müasir silahlar alınıb”.

"Ölkə.Az" bildirir ki, bunu “Report”a açıqlamasında orduda aparılan islahatları şərh edərkən Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aqil Abbas deyib.

O bildirib ki, əvvəllər orduda vəziyyət acınacaqlı idi. Deputat tez-tez hərbi hissələrə baş çəkdiyini və son illərdə ordunun maddi-texniki bazasının gücləndirildiyinin şahidi olduğunu söyləyib.

A.Abbas qeyd edib ki, son illərdə xeyli sayda yeni hərbi hissələr tikilərək istifadəyə verilib: “Əsgərlərə ən yüksək səviyyədə kalorisi olan yeməklər verilir. Əvvəllər əsgərlər paltarlarını yuyurdular, yemək bişirirdilər, indi bunu mülki insanlar edir. Əsgərin işi ancaq vətəni müdafiə etməkdir. Daha hərbi maşınları 18-19 yaşlı əsgərlər sürmür, əvvəllər buna görə tez-tez qəzalar olurdu. İndi isə hərbi maşınları idarə etməyə mülki insanlar cəlb olunub deyə, qəzaların sayı da azalıb. Azərbaycan Ordusunda böyük islahatlar aparılıb. Təbii ki, müəyyən problemlər ola bilər, heç bir ölkənin ordusu bundan uzaq deyil”.

Azərbaycan Ordusunun mayın 18-dən 22-dək keçiriləcək genişmiqyaslı əməliyyat-taktiki təlimlərindən danışan deputat bunu şəxsi heyətin döyüş qabiliyyətinin artırılması kimi qiymətləndirib.

“Bütün təlimlər döyüş qabiliyyətini artırmağa hesablanıb. Təlimlər həm də əsgərin, gizirin, müddətdən artıq xidmət edən hərbi qulluqçuların, zabit heyətinin döyüş ruhunu artıraraq onları daha da səriştəli edir. Praktiki məşqlərdə bütün nöqsanlar, çatışmazlıqlar aşkarlanaraq aradan qaldırılır. Ordumuza alınan yeni hərbi texnikaların, silah-sursatın, döyüş vasitələrinin istismarı yoxlanılır və şəxsi heyətə daha mükəmməl öyrədilir. 

Təlim ordunu döyüşə hazırlamaq deməkdir. Azərbaycan Ordusu mütəmadi genişmiqyaslı təlimlər keçirir. Bu da döyüş taktikasını, döyüş ruhunu, ümumiyyətlə döyüş qabiliyyətini artırmaq üçün ən önəmli məsələdir”, - A.Abbas vurğulayıb.

Hərbi ekspert Ramil Məmmədli isə Azərbaycan Ordusunda islahatlarla bağlı köklü dəyişikliklərin 2005-ci ildən başlandığını, lakin 2013-2014-cü illərdən bu dəyişikliklərin başqa bir müstəviyə keçdiyini deyib.

O bildirib ki, bu dəyişikliklərin əsasında əsgər-zabit münasibətləri ilə bağlı yeniliklər dayanır: “2014-cü ilə kimi mətbuatda və cəmiyyətdə əsgər-zabit münasibətlərində bir çox narahatlıq və nizamnamədən kənar hadisələrin olmasına dair xəbərlər yer alırdısa, bu gün övladını hərbi xidmətə göndərən Azərbaycan vətəndaşı rahatdır. O bilir ki, oğlunun komandiri – zabiti ona öz övladı, qardaşı, dostu kimi yanaşacaq. Bu, birinci və vacib məsələdir. İslahatlarla bağlı növbəti məsələ maddi-texniki bazanın gücləndirilməsi ilə bağlıdır. 

Burada əsas yeri əsgərlərin yataqxanaların (kazarma) müasirləşdirilməsi, hərbi hissələrdə müasir tələblərə cavab verən işlərin görülməsi, zabit, gizir və müddətdən artıq xidmət edən hərbi qulluqcuların sosial vəziyyətinin yaxşılaşdırılması idi. Əvvəlcə onların maaşlarının artırılması məsələsi təmin olundu. Eyni zamanda onların mənzillərlə təminat məsələsi həll edildi. Bu gün də bu proses mərhələli formada davam edir. Xidmət müddətinə uyğun olaraq zabitlər və gizirlər evlərlə, torpaq sahələri ilə təmin olunurlar”.

Silah və hərbi texnika parklarının yenilənməsini islahatların davamı kimi qiymətləndirən hərbi ekspert bu sahədə köklü dəyişikliklərin olduğunu bildirib: “Hava hücumundan müdafiə sistemi yenidən quruldu, Hərbi Hava Qüvvələrinin texniki imkanlarının gücləndirilməsi üçün müasir təyyarələrin alınmasına başlanıldı. Bu proseslə Qərbin modern texnologiyalarının mənimsənilməsinə start verildi. Bu, bir neçə günə həll olan məsələ deyil, buna görə də islahatlar davamlı şəkildə aparılır. 

Quru Qoşunlarda Azərbaycan Ordusunun istifadəsində olan texnikalar yeniləndi, çoxlu sayda zirehli maşınlar alındı, artilleriya qurğuları, atıcı silahların yeniləşməsi prosesinə başlanıldı. Bununla yanaşı Azərbaycan Ordusunda təlimlərinin sayının artdığının şahidi olduq.

İslahatlara kadr dəyişiklikləri məsələsini də aid etmək olar. Uzun illər Müdafiə Nazirliyinin rəhbər strukturlarında vəzifə tutan şəxslər işdən uzaqlaşdırıldı. Onların yerinə daha gənc və perspektivli zabitlər gətirildi”. 

Ekspertin sözlərinə görə, təəssüf ki, bəzi şəxslər düşünmədən ordu ilə bağlı bəzi şayiələr yayırlar: "Bu da daim internet pusqusunda duran düşmənin işinə yarayır. Fəaliyyəti nə zamansa hərb ilə bağlı olan şəxslərin isə ordu ilə bağlı hər hansı neqativ açıqlamaları hərbçilər arasında ruh düşkünlüyü yarada bilər. Bu səbəbdən həm xidmət keçən, həm ehtiyatda olan hərbçilər öz bəyanat və açıqlamalarında maksimum diqqətli olmalıdırlar və gördüyü istənilən neqativ halla bağlı dövlətin müvafiq qurumlarına müraciət etməlidirlər". 

ŞƏRH YAZ
0
BAĞLA