Ermənilər Qazaxda ekskavatora atəş açdılar — FOTOLAR

Ermənilər Qazaxda ekskavatora atəş açdılar
14:57
12.01.2019
2725
Ölkə
A
Qazax və Ağstafa rayonları ərazisində düşmənlə təmas xəttində xidməti-döyüş fəaliyyətini həyata keçirən sərhəd döyüş məntəqələri istiqamətində Ermənistan Silahlı Qüvvələri tərəfindən atəşkəs rejiminin pozulması halları davam etməkdədir.

Dövlət Sərhəd Xidmətindən "Ölkə.Az"a verilən məlumata görə, bu gün saat 11:20 və 11:40 radələrində Ermənistan Silahlı Qüvvələrinin bölmələrindən Qazax rayonunun Kəmərli kəndi yaxınlığındakı sərhəd döyüş məntəqəsinin arxasında mühəndis işləri aparan, mülki şəxs tərəfindən idarə olunan ekskovatora doğru 7,62 mm çaplı “PK” pulemyotundan və 12,7 mm çaplı “DŞK” pulemyotundan atəş açılıb, nəticədə 6 güllə ekskavatorun çalovuna və başqa hissələrinə dəyib, kabinanın şüşəsi sındırılıb.
Hadisə nəticəsində xəsarət alan olmayıb.   

Ölkə.Az

 

ŞƏRH YAZ
0

Ramil Usubov bu rayona yeni rəis müavini təyin etdi

Ramil Usubov bu rayona yeni rəis müavini təyin etdi
11:40
Bu gün
45
Ölkə
A
Daxili İşlər naziri Ramil Usubov yeni rəis müavini təyin edib.

"Ölkə.Az"ın unikal.org-a istinadən məlumatına görə, general-polkovnik Ramil Usubovun əmri ilə, polis mayoru Abdullayev Əbülfət Ulduz oğlu İsmayıllı rayon Polis şöbəsinin rəis müavini təyin edilib.

Qeyd edək ki, Bir müddət əvvəl İsmayıllı rayon Polis şöbəsinin rəis müavini, polis polkovnik-leytenantı Pərviz İsmayılov tutduğu vəzifədən azad edilərək Ağdam rayon Polis şöbəsinin rəisi vəzifəsinə təyin edilib.

Ölkə.Az

ŞƏRH YAZ
0

Erməni KİV-ləri yolu azaraq sərhədi keçən Elvinin fotolarını yaydı

Erməni KİV-ləri yolu azaraq sərhədi keçən Elvinin fotolarını yaydı
11:36
Bu gün
81
Ölkə
A
Ermənistanın ombudsmanı Arman Tatoyan mart ayının 15-dən 16-na keçən gecə Qazax rayonunun Ermənistanın Noyanberyan rayonu ilə sərhəd xəttində yolu azaraq qarşı tərəfə keçən azərbaycanlı İbrahimov Elvin Arif oğlu ilə görüşüb.

"Ölkə.Az"ın məlumatına görə, insident zamanı erməni hərbçilərin açdığı atəş nəticəsində ayağından yaralanan E.İbrahimov hazırda xəstəxanada müalicəsini davam etdirir. 

Görüşdə həmçinin, məsələ ilə bağlı araşdırmaları aparan müstəntiq, vəkil və tərcüməçi də iştirak edib. Görüş vaxtı E. İbrahimov ailə üzvləri ilə görüşmək və danışmaq istədiyini bildirib. 

A.Tatoyan qeyd edib ki, E.İbrahimovun ailəsi ilə məktub, telefon və videozəng vasitəsilə əlaqə yaratmasına şərait yaradılacaq. Ombudsman həmçinin, onun ailəsi ilə Ermənistan ərazisində təhlükəsiz görüşünün də təşkil edilməsinə hazır olduqlarını qeyd edib. 

Xatırladaq ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyasından verilən məlumata görə, E.İbrahimov Qazax rayonlararası ruhi xəstəxanasında qeydiyyatdadır.

ŞƏRH YAZ
0
BAĞLA