"Ermənilərin Naxçıvanla bağlı iddiaları sərsəmlikdən başqa heç nə deyil" — Millət vəkili

17:45
19.06.2017
17
Siyasət
A
Ermənilərdən sərsəm Naxçıvan iddiası

Erməni politoloqu, professor Levon Şirinyan Ermənistan xarici işlər nazirliyinin Naxçıvanın Ermənistanın tərkibində olması məsələsini qaldırmağı təklif edib. Onun iddiasına görə, Rusiya 1920-ci ilin dekabrın 2-də bağlanmış sazişlə Naxçıvanı Ermənistana verib. Lakin sonradan 1921-ci ildə Türkiyə ilə imzalanan Moskva sazişləri ilə Naxçıvan Azərbaycanın tərkibində qalıb.

Sərsəm iddia ilə bağlı millət vəkili, AMEA-nın müxbir üzvü Musa Qasımlı "Ölkə.Az"-a münasibət bildirib:

"Tarixdən xəbəri olmayan bu şəxs mənbələrlə tanış olsaydı, belə danışmazdı. Həm qədim, həm orta, həm də yeni dövr mənbələri təsdiq edir ki, Naxçıvan tarixən türk yurdu olub və indi də belədir. Rusiya və Türkiyə arasında imzalanmış 1921-ci il 16 mart tarixli Moskva müqaviləsinin 3-cü maddəsində və Rusiyanın vasitəçiliyi ilə Türkiyə, Azərbaycan, Gürcüstan və Ermənistan arasında imzalanmış 1921-ci il  13 oktyabr tarixli Kars müqaviləsinin 5-ci maddəsində Naxçıvanın Azərbaycan tərkibindəki statusu müəyyənləşdirilib. Kars müqaviləsinin altında Ermənistanın da imzası vardır".

İrəli sürülmüş iddianın haradan qaynaqlandığı məsələsinə gəldikdə isə millət vəkili bildirdi ki, belə uydurmalar düşünülmüş olaraq irəli sürülür:

"Onun müəllifləri bununla Ermənistan daxilində ictimai rəyə bildirmək istəyirlər ki, guya "artıq Dağlıq Qarabağ məsələsi həll edilib, indi diqqəti Naxçıvana yönəltmək lazımdır." Ancaq bütün bu cəhdlər əbəsdir. Azərbaycan dövləti Ermənistanın hərbi təcavüzü nəticəsində yaradılmış Dağlıq Qarabağ münaqişəsində ərazi bütövlüyü məsələsində qətiyyən güzəştə getməyəcək və erməni dairələrinin arzuları xəyal olaraq qalacaq. Bu cəfəng iddiaları irəli sürənlər indiki Ermənistanın Azərbaycan torpağı olduğunu, İrəvanın onlara güzəştə gedildiyini gərək unutmasınlar".

Səxavət Məmməd
Ölkə.Az

ŞƏRH YAZ
0

YAP rəhbərliyi Heydər Əliyevin məzarını ziyarət etdi

YAP rəhbərliyi Heydər Əliyevin məzarını ziyarət etdi
19:31
11.12.2017
2432
Siyasət
A
Yeni Azərbaycan Partiyasının (YAP) rəhbərliyi Heydər Əliyevin vəfatının ildönümü ilə əlaqədar Fəxri xiyabanda onun məzarını ziyarət ediblər.

"Ölkə.Az" xəbər verir ki, Azərbaycan prezidentin İctimai-siyasi məsələlər üzrə köməkçisi-şöbə müdiri Əli Həsənov, Baş nazirin müavini, YAP sədrinin müavini-icra katibi Əli Əhmədov, YAP icra katibinin müavini, Milli Məclisin deputatı Siyavuş Novruzov, Bakı Şəhər İcra Hakimiyyətinin başçısı Hacıbala Abutalıbov, Dini Qurumlarla İş üzrə Dövlət Komitəsinin sədri Mübariz Qurbanlı və digər şəxslər Heydər Əliyev və akademik Zərifə Əliyevanın məzarları ziyarət edərək, önünə əklil və gül dəstələri qoyub, ehtiramlarını bildirib.

ŞƏRH YAZ
0

Prezident sərəncam imzaladı — 5,83 milyon manat ayrıldı

Prezident sərəncam imzaladı
18:29
11.12.2017
2099
Siyasət
A
Prezident İlham Əliyev Bakı şəhəri Xəzər rayonunun Zirə və Türkan qəsəbələrində, Pirallahı rayonunun Pirallahı qəsəbəsində su təchizatı və kanalizasiya sistemlərinin yenidən qurulması layihəsinin davam etdirilməsi ilə bağlı əlavə tədbirlər haqqında sərəncam imzalayıb.

"Ölkə.Az"ın məlumatına görə, sərəncama əsasən, “Azərbaycan Respublikasının 2017-ci il dövlət büdcəsi haqqında” Azərbaycan Respublikası Qanununun tətbiqi barədə” Azərbaycan Respublikası Prezidentinin 2016-cı il 27 dekabr tarixli 1180 nömrəli Fərmanının 1.14.3.3.9-cu yarımbəndində nəzərdə tutulmuş vəsaitdən “Azərsu” Açıq Səhmdar Cəmiyyətinə 5,83 milyon (beş milyon səkkiz yüz otuz min) manat ayrılıb.

Maliyyə Nazirliyinə müvafiq məbləğdə maliyyələşməni təmin etmək,  Nazirlər Kabinetinə isə bu yöndə məsələləri həll etmək tapşırılıb.

ŞƏRH YAZ
0
BAĞLA