Ermənistan Moskvanı NATO-nun köməyi ilə şantaj edir

Ermənistan Moskvanı NATO-nun köməyi ilə şantaj edir
15:28
16.07.2018
4156
Dünya
A
NATO sammitində Ermənistan Rusiya əleyhinə ritorikadan uzaq qaçdı. Amma bununla belə, Qərblə təhlükəsizlik sisteminin yaradılmasına maraq göstərdi.

“Ölkə.Az” xəbər verir ki, NATO sammitində iştirak edən Ermənistanın baş naziri Nikol Paşinyan Qərblə yaxınlaşmağa xüsusi maraq göstərib. Qərb üçün Paşinyan “yeni meyvədir”. Bundan başqa Paşinyan Ermənistanın Qərbə doğru yönəlmiş kursunu dəstəkləyir. Amma təhlükəsizlik baxımından Rusiya tərəfə addım atmır. Bu, müvəqqətidir. Ermənistan Rusiyadan aralanacaq.

İlk dəfə Qərbə dövlət başçısı kimi səfər edən Paşinyan Avropa İttifaqının müxtəlif strukturlarının rəhbərləri ilə görüşlər keçirdi. Məlumdur ki, NATO və Qərb Azərbaycan-Ermənistan münaqişəsinə qarışmaq istəmir. Bununla yanaşı, alyans Azərbaycanın ərazi bütövlüyünə dair qətnamə qəbul edib. Bu isə əslində Ermənistana siqnaldır. Hazırda bu siqnal Ermənistana işarədir ki, Rusiya və digər qurumlara çox bel bağlamaq olmaz. Rusiya, Türkiyə və Qarabağ münaqişəsi də buna bir işarədir.

Ermənistanın XİN rəhbəri Brüsseldə Azərbaycanın xarici işlər naziri Elmar Məmmədyarovla görüş keçirib. Yerevan öz çirkin iddialarından əl çəkmir, Bakı isə bir addım da geri çəkilmək niyyətində deyil.

Avropa İttifaqı isə Rusiyanın geo siyasi rəqibidir və Ermənistanla bir sıra sahələrdə əməkdaşlığa dair müqavilə imzalayıb. Yerevan Rusiya və Qərb arasında yerini axtarır. Bu isə təbii ki, Rusiyanın xoşuna gəlməyəcək. Paşinyanın siyasi təcrübəsi yoxdur və NATO ilə hərbi əməkdaşlığa, Aİ ilə istənilən sahədə əməkdaşlığa hazırdır.

Avropa İttifaqı növbəti 4 ildə Ermənistana sərmayə qoymağa söz verib. Amma xatırlatmaq lazımdır ki, Ermənistanda bütün strateji biznes sahələri Rusiyanın əlindədir. Hazırda ermənilər rus kapitalını ölkədən çıxarmaq barədə düşünürlər.

Ermənistanın hazırki addımları, NATO və Aİ ilə əlaqələri Rusiya-Ermənistan münasibətlərini zərbə altına salır.

Ermənistan NATO üçün niyə maraqlıdır? Rusiyanı Cənubi Qafqazda saxlamaq üçün. Bunun üçün isə hərbi baza lazımdır. Amma Ermənistan ərazisində Rusiyanın hərbi bazası var və sərhədlərin bir hissəsi ruslar tərəfindən qorunur.

Ermənistan son dövrdə Rusiyadan narazıdır. Bu narazılığın əsas hissəsi Rusiyanın Azərbaycana silah satmasıdır. Yerevanda artıq çoxdan Rusiya əleyhinə şüarlar səsləndirilir. Yəqin ermənilər unudurlar ki, Rusiya olmasaydı, Azərbaycan çoxdan torpaqlarını özünə qaytarmışdı.

Görünür bu yaxınlarda Ermənistan Rusiyadan hərbi bazasını ölkədən çıxarmağı tələb edəcək. Amma hələ də Ermənistanda NATO ilə əməkdaşlıq üçün Rusiyanın cavabını gözləyirlər. NATO söhbəti ilə Yerevan Moskvanı şantaj edir.

Hikmət Həsənov
Ölkə.Az

ŞƏRH YAZ
0

İranda daşqınlar — 17 ölü, 68 yaralı + VİDEO

İranda daşqınlar
00:56
Bu gün
198
Dünya
A
İranın Şiraz şəhərində davam edən güclü yağışlar sel və daşqınlara səbəb olub.

“Ölkə.Az”ın “Sputnik”ə istinadən məlumatına görə, bununla bağlı İranın Fövqəladə Hallar Mərkəzinin rəhbəri Pirhüseyn Kulivand açıqlama verib.

Onun sözlərinə görə, şəhərin Qurani-Kərim qapısı küçəsində sel 200-dən çox avtomobili aparıb.

Hadisə nəticəsində 17 nəfər ölüb, 68 nəfər yaralanıb.

Kulivand qeyd edib ki, sel nəticəsində yüzlərlə ev su altında qalıb.

Bundan əlavə, bazar günü axşam saatlarından başlayan leysan yağışlar ölkənin 25 əyalətində selə səbəb olub.

Ölkə.Az

ŞƏRH YAZ
0

Trampın Qolan yüksəklikləri ilə bağlı addımına — BMT-dən cavab

Trampın Qolan yüksəklikləri ilə bağlı addımına
23:29
25.03.2019
340
Dünya
A
Qolan yüksəkliklərinin statusu dəyişməz olaraq qalıb. BMT-nin bu məsələ ilə bağlı mövqeyi BMT Təhlükəsizlik Şurasının qətnaməsində öz əksini tapıb.

“Ölkə.Az” xarici KİV-ə istinadən xəbər verir ki, bunu BMT-nin baş qərargahında keçirilən brifinq zamanı Baş katibin rəsmi nümayəndəsi Stefan Dyüjarrik ABŞ prezidenti Donald Trampın atdığı addıma münasibət bildirərkən söyləyib.

Qeyd edək ki, Suriyaya məxsus olan Qolan yüksəkliləri 1967-cü ildə İsrail tərəfindən 6 günlük müharibə vaxtı ələ keçirilib.  1981-ci ildə isə İsrail parlamenti birtərəfli olaraq Qolan yüksəkliklərinin ölkənin ərazisi elan edib. Bu anneksiya həmin ilin dekabrın 17-də BMT Təhlükəsizlik Şurası tərəfindən qəbul edilən 497-ci qətnamə ilə qanunsuz sayılıb.

Ölkə.Az

ŞƏRH YAZ
0
BAĞLA