Ermənistan müharibəyə hazırlaşır — EKSPERTLƏRDƏN ŞOK AÇIQLAMALAR

Ermənistan müharibəyə hazırlaşır
21:34
29.11.2017
15043
Analitika
A
Ermənistan silahlı qüvvələri Azərbaycanın işğal altında olan ərazilərində növbəti təlimlər keçir. Ağdamın işğal altında olan Uzundərə ərazisində keçirilən təlimlər saat 11 radələrində başlayıb. Təlimdə ağır artilleriya qurğuları və texnikalardan istifadə olunur. Atəş səsləri cəbhə boyu yaşayış məntəqələrində eşidilir.

Ermənilərin bu təlimi regionda vəziyyəti daha da ağırlaşdıra və müharibə ehtimalını birə min artıra bilər. Bu barədə Azərbaycan Respublikası Silahlı Qüvvələrinin Ehtiyatda Olan Zabitlər Konfederasiyasının sədri, ehtiyatda olan polkovnik Həsən Əmirov “Ölkə.Az”a açıqlamasında bildirib. Onun sözlərinə görə, ermənilərin əsas məqsədi Azərbaycanı müharibəyə çəkməkdir.

“Ermənilərin arxayın olduqları qüvvələr var. Onları dəstəkləyən lobbi var. Bizim isə məqsədimi torpaqları sülh yolu ilə qaytarmaqdır. Haqq, ədalət bizimdir. Əgər ermənilər bizim üçün çıxış yolu qoymasalar, o zaman münasibətlər müharibə yolu ilə aydınlıq gətiriləcək. Torpaqlar bizimdir və müharibə yolu ilə də olsa, ərazilərimiz mütləq geri qaytarılacaq. Aprel döyüşləri bir daha göstərdi ki, Azərbaycanın güclü və qüdrətli ordusu var. İstənilən vaxt torpaqlarımızı işğaqldan azad edə bilərik. Lakin ermənilərin arxasında ABŞ, Fransa, Rusiya kimi güclü dövlətlər dayanıb. Bu səbəbdən də, Azərbaycanın müharibəyə girişib, özünü pis vəziyyətə qoyması da yaxşı hal deyil. Bunun üçün əlverişli şərait lazımdır. Ali Baş Komandanın əmrinə daima hazırıq. Torpaqlarımız hansı yolla olursa-olsun mütləq qaytarılacaq”, - deyə Həsən Əmirov bildirib.

Azərbaycanlı siyasətçilər isə məsələyə birmənalı yanaşmırlar. Politoloq Eldar Namazov “Ölkə.Az”a açıqlamasında bildirib ki, ermənilər həmişə belə təxribatçı tədbirlərə əl atırlar. Onun sözlərinə görə, Azərbaycan Ordusu da öz növbəsində geniş miqyaslı tədbirlər keçirir və lazımı hazırlıqlar görür.

“Dağlıq Qarabağ münaqişəsilə bağlı gedən danışıqların heç bir nəticəsi yoxdur və bu səbəbdən də, bu bölgədə müharibə ehtimalı günü-gündən artır. Ermənilərin özləri də etiraf edirlər ki, Azərbaycan ordusu ermənilərinkindən qat-qat güclüdür. Əgər müharibə başlasa, Azərbaycan ordusu öz torpaqlarını azad etməyə qadirdi. Ona görə də, ermənilərin tez-tez belə təlimlər keçirtməsi daxili auditoriyaya yönəlib. Ermənistan hökuməti əhaliyə mesaj verir ki, narahat olmasınlar. Bununla belə, artıq erməni xalqı hakimiyyətə inanmır. Çünki aprel döyüşləri bu inamı tamam məhv etdi. Həmin döyüşlərdə bir daha sübut oldu ki, Azərbaycan ordusu daha güclüdür və istənilən an torpaqları azad etməyə qadirdi. Erməni cəmiyyəti gözəl anlayır ki, bizim ordu torpaqları azad etməyə qadirdi”, - deyə Eldar Namazov bildirib.

Politoloq Razi Nurullayev isə “Ölkə.Az”a açıqlamasında bildirib ki, ermənilər müharibə tərəfdarıdır. Onun sözlərinə görə, düşmən heç vaxt torpaqları xoşluqla qaytarmayacaq.

“Ermənilər torpaqları işğal edib və istənilən formada da, həmin ərazilərdən istifadə edə bilər. İstənilən halda ərazilər onların əlindədir. Ermənilər təlim keçərək güclərini nümayiş etdirirlər. Onların bu təlim keçirtməkdə əsas məqsədləri bir daha işğal etdikləri ərazilərdən heç vaxt çıxmayacaqlarını göstərməkdir. Ermənistanın bir məqsədi var. Onlar torpaqları qaytarmaq istəmir və xoşluqla da qaytarmayacaqlar. Buna cavab olaraq Azərbaycan ermənilərə müharibə mesajı verməlidir. Ermənilər hazırkı mövqeylərini qorumaq və tədricən Qarabağ məsələsinin unudulmasını istəyirlər”, - deyə Razi Nurullayev qeyd edib.

Ziya Səccad
Ölkə.Az

ŞƏRH YAZ
1

"Prezidentin əsas hədəfi Azərbaycanın qısa vaxtda sosial dövlətə çevrilməsidir” — Millət vəkili

11:41
22.06.2019
21034
Analitika
A
Azərbaycan Prezidenti İlham Əliyev tərəfindən həyata keçirilən inqilabi islahatlar təkcə iqtisadi fəallığa deyil, hərtərəfli inkişafa öz müsbət təsirini göstərəcək.

 Bunu “Ölkə.Az”a açıqlamasında millət vəkili Mirkazım Kazımov deyib.

Onun sözlərinə görə, ölkə başçısının  sosial sfera ilə bağlı sonuncu islahatlar paketini 2019-ci ilin birinci yarısından başladılan genişmiqyaslı islahatlar paketinin ikinci mərhələsi hesab etmək olar.  

“Cənab  Prezident bur addımı ilə  bir daha sübut etdi ki, bu inqilabi islahatlarının  əsas məqsədi Azərbaycan vətəndaşının sosial rifah halında yaşaması, onun sosial müdafiəsinin gücləndirilməsidir. Yəni ölkə başçısının yürütdüyü siyasətin ana xəttini  insan amili və  onun rifah halında yaşamasının təmin edilməsi təşkil edir.  Ölkə başçısının bu gün qarşısında duran əsas hədəf Azərbaycanın qısa zaman şərçivəsində sosial dövlətə çevrilməsidir”, - deyə deputat bildirib.

O, əlavə edib ki, ölkə başçısı tərəfindən mart ayında imzalan birinci sosial islahat paketindən ölkə əhalisinin 3 milyon insanı faydalanmışdısa, iyun ayında imzalanan ikinci sosial paketdən iki milyona yaxın insan faydalanacaq. 

“Burada mühüm və müsbət məqam ondan ibarətdir ki, bu islahatlar həyata keçirilərkən onun maddi təminat məsələsi zamanı nə Dövlət Neft Fondundan, nə də   digər ehtiyat fondlarında büdcəyə maliyyə transferti olmadı. Bu zaman indiyədək həyata keçirilən islahatlar nəticəsində büdcənin əldə etdiyi gəlirlərdən insanların rifah halının yaxşılaşdırılmasına, sosial müdafiəsinin gücləndirilməsinə  yönəldildi. Yəni  hər hansısa ehtiyat maliyyə fondlarının vəsaitindən deyil, büdcəyə daxil olan gəlirlərin  bu islahatların həyata keçirilməsinə yönəldilməsi çox müsbət amillərdən biridir. Azərbaycan belə bir uğurlara ancaq ölkə başçısının  uzaqgörən və düşünülmüş siyasəti nəticəsində imza atıb.  Bu uğurlar davamlı olacaq və biz insanların sosial rifah halının yaxşılaşdırılması, Azərbaycanın sosial dövlətə çevrilməsi istiqamətində  çoxsaylı inqilabi xarakterli islahat paketlərinin şahidi olacağıq”, - deputat qeyd edib.

M.Kazımov qeyd edib ki, biz əvvəllər ildə minimum əmək haqqı 8-10 faiz artırılan zaman bunu çox böyük uğur hesab edirdiksə, 2019-cu ildə minimum əmək haqqının 70 faiz artırılması doğrudan da  çox müsbət hadisədir və bu doğrudan da inqilabi bir hadisədir: 

“Təsəvvür edin mart ayında minimum əməkhaqqı 130 manatdan 180 manata, iyun ayında isə 180 manatdan 250 manata, minimum pensiyalarında eyni zamanda 200 manatadək artırılması  çox böyük inqilabi bir hadisədir. Çünki bu islahatları həyata keçirmək və onun maliyyə təminatına  milyardlarla vəsait xərclənəcək. Bu da öz növbəsində ölkənin digər sahələrinin inkişafına,xüsusən də iqtisadi fəallığa, alıcılıq qabliyyətinin yüksəlməsinə, insanların maddi rifah halının yaxşılaşmasına, ölkədə işsizliyin, yoxulluğun azalmasına  xidmət edəcək. Ona görə ki, bu bir zəncirvari prosesdir, bir sahədəki müsbət irəliləyiş digər sahənin  inkişafına və irəliyə getməsinə təkan verir.  Biz qarşıdakı dönəmdə  Prezidentin bəyan etdiyi kimi, Azərbaycanın sosial dövlətə çevrilməsi istiqamətində istər sosial sahədə, istərsə də digər sahələrdə  yeni-yeni islahatlar paketinin həyata keçirilməsinin şahidi olcağıq”.

Ölkə başçısının kadr islahatlarına toxunan millət vəkili kadr islahatlarını müsbət dəyərləndirib: 

“Kadr dəyişiklikləri cəmiyyət tərəfindən çox müsbət qarşılanır. Bu insanlar zamanın sınağından uğrula çıxan kadrlardır. Onların hər biri Azərbaycanın müstəqilliyinin və dövlətçiliyimizin möhkəmlənməsində müstəsna rolu olan insanlardır. Onlar eyni zamanda  Heydər Əliyev siyasi kursuna, o cümlədən Prezident İlham Əliyevin yürütdüyü siyasətə sadiqdirlər. Bu şəxslər  fəaliyyətləri müddətində xalqın etimadını doğuldublar. Düşünürəm ki, həmin insanlar bundan sonra da dövlətin güclənməsi naminə əllərindən gələni edəcəklər. İnanıram ki, onlar Prezident İlham Əliyevin tapşırıqlarını ləyaqətlə yerinə yetirəcəklər”.

Mürtəza
Ölkə.Az

 

ŞƏRH YAZ
0

“6 ay ərzində ölkədə minimum əmək haqqının iki dəfə artırılması çox böyük inqilabi hadisədir” — Millət vəkili

“6 ay ərzində ölkədə minimum əmək haqqının iki dəfə artırılması çox böyük inqilabi hadisədir”
09:51
20.06.2019
19426
Analitika
A
“Azərbaycan Prezidentinin 2018-ci ilin may ayından etibarən sosial sahədə həyata keçirdiyi islahatları ancaq inqilabi islahatlar adlandırmaq olar. Cənab İlham Əliyev 2018-ci ildə keçirilən prezident seçkilərindən sonra növbəti mərhələni Azərbaycanın sosial rifah ölkəsinə çevrilmə dövrü adlandırıb. Ölkə başçısı seçkiöncəsi və seçkidən sonra Azərbaycanın sosial rifah ölkəsinə çevrilməsi istiqamətində irəliyə sürdüyü proqramın həyata keçirilməsi üçün davamlı olaraq konkret addımlar atmaqdadır”.

 Bunu “Ölkə.Az”a açıqlamasında millət vəkili İlham Məmmədov Azərbaycan Prezident İlham Əliyevin sosial sahə ilə bağlı sərəncamını şərh edərkən deyib.

Onun sözlərinə görə, 2018-ci ilin ikinci yarısından etibarən  və 2019-ci ilin birinci yarısından isə sosial sahədə həyata keçirilən islahatlar daha sürətli xarakter almaqla yanaşı, dərinləşdi və bu islahatlar sosial sferanın bütün istiqamətlərini əhatə etməyə başladı. 

“İslahatların ilkin mərhələsində cəmiyyətin daha həssas təbəqələrinin sosial müdafiəsinin gücləndirilməsi və onların problemlərinin həllinə yönəldi. Növbəti mərhələlərdə isə cəmiyyəti narahat edən  və həllini gözləyən ciddi sosial problemlərin həlli istiqamətində  islahatlar həyata keçirilməyə başladı. Demək olar ki, bu islahatlar kompleks xarakter  daşıdı və bu da öz növbəsində bir  zəncirvari bir proses olaraq ölkənin digər sahələrinin inkişafına öz töhfəsini verməyə başladı. Bu islahatlar ölkənin iqtisadi həyatında bir canlanmaya, dinamikaya səbəb oldu. Ölkə başçısının çoxmənzilli binaların sənədləşdirilməsinin sadələşdirilməsi, problemli kreditlərin həlli ilə bağlı imzaladığı sənədlər və onların qısa zamanda həyata keçirilməsi ölkədə çox müsbət nəticələrə səbəb oldu. Ümumiyyətlə islahatların nəticəsi uzun müddətə nəzərdə tutulsa da, ancaq Azərbaycan Prezidentinin həyata keçirdiyi bu islahatların  böyük bir qismi qısa zamanda öz effektini verməyə başladı. Ölkə əhalisi bunun nəticələrini qısa zamanda hiss etməyə başladı”, - deputat qeyd edib.

 İ.Məmmədov əlavə edib ki, ölkə başçısının sərəncamları ilə  ölkədə  minimum əməkhaqqılarının pensiyaların, müxtəlif növ müvinətlərin  davamlı olaraq artrılmaqdadır. 

“Dövlət başçısı öz çıxışlarında dəfələrlə bəyan edib ki, ölkənin maliyyə imkanları artdıqca, həmin maliyyə imkanları ilk növbədə əhalinin sosial müdafisəinin gücləndirilməsinə və sosial rifah halının yaxşılaşdırılmasına yönəldiləcək. Elə Azərbaycan Prezidentinin iyunun 18-də imzaladığı sərəncamı bunun bariz nümunəsi kimi dəyərləndirmək olar. Təsəvvür edin, 6 ay arzində ölkədə minimum əmək haqqının təqribən iki dəfə artırılması çox böyük inqilabı hadisədir”,- deyə deputat vurğulayıb.

Millət vəkili əlavə edib ki, cənab İlham Əliyevin son sərəncamı ölkədə sosial sahədəki həyata keçirilən islahatların növbəti mərhələsi kimi dəyərləndirilməlidir: “Həmin sərəncamdan iki milyonadək insan faydalanacaq. Minimum əməkhaqqının artması 950 minədək işçiyə şamil ediləcək. Bundan əlavə olaraq on minlərlə pensiyaçının pensiya təminatı yaxşılaşacaq. Bu da öz növbəsində ölkədə digər sahələrin inkişafına, iqtisadi aktivliyə öz töhfəsini vermiş olacaq. Bu bir daha göstərir ki, Azərbaycan Prezidentinin həyata keçirdiyi inqilabi sosial islahatların kökündə insan amili, onun sosial müdafiəsinin gücləndirilməsi və rifah halının yaxşılaşdırılması dayanır”.

Deputat onu da əlavə edib ki, ölkə başçısının söylədiyi kimi biz gələcəkdə də  Azərbaycan vətəndaşının sosial müdafiəsinin gücləndirilməsi və sosial rifah halının yaxşılaşdırılması istiqamətində atılacaq addımların şahidi olcağıq: “Bu islahatların həyata keçirilməsinin yekunu olaraq Azərbaycan yaxın gələcəkdə dünyanın sosial rifah ölkələrindən birinə çevriləcək və biz buna şahidlik edəcəyik”.

Mürtəza
Ölkə.Az

ŞƏRH YAZ
0
BAĞLA