"Ermənistan parlamentinin Dağlıq Qarabağı müstəqil qurum kimi tanımağa hünəri çatmır" — Musa Quliyev

19:31
14.08.2019
1215
Siyasət
A
“Hesab edirəm ki, erməni mediasında Azərbaycan və Qarabağla bağlı gedən yazılarda bir az diqqətli olmalıyıq. Çünki ermənilər burada iki məqsəd güdür. Birincisi, Ermənistan hakimiyyəti Qarabağ faktorundan istifadə etməklə daxili auditoriyaya hesablanan siyasət yürüdür. İkincisi isə bu yolla Azərbaycan ictimaiyyətini çaşdıraraq, ümidsizlik toxumu səpməyə çalışırlar ki, guya dünya onların sözünü eşidir, güclüdürlər və sair. Bax, buna görə də ehtiyatlı olmalıyıq və bu cür fikirlərə tənqidi yanaşmalıyıq”.

Bunu “Ölkə.Az”-a açıqlamasında millət vəkili Musa Quliyev Ermənistan xarici işlər naziri Zöhrab Mnatsakanyanın Paşinyanın “Qarabağ Azərbaycan ərazisidir” fikrini dəstəkləməsinə mövqeyini açıqlayarkən deyib:

"yadınzıdadırsa Paşinyan Xankəndində "Qarabağ Ermənistan ərazisidir" fikrini səsləndirdikdən sonra  Ermənistan Xarici işlər nazirliyi və Paşinyan aparatı bunu həmən təkzib etdi. Bildirdilər ki, Paşinyanın bu fikirləri  Azərbaycan tərəfindən düzgün  anlaşılmayıb. İrəvan bəyan etdi ki, biz münaqişənin danışıqlar və kompromis yolu ilə həllinin tərəfdarıyıq. Əgər onlar Dağlıq Qarabağı Ermənistana birləşdirmək istəyirlərsə, o zaman danışıqların aparılmasına nə ehtiyac var? Digər bir məqama toxunmaq istəyirəm, əgər ermənilər, Paşinyan və digər rəsmilər özlərinə bu qədər inamlıdırlarsa, bəs, o zaman Ermənistan  parlamenti  niyə Dağlıq Qarabağı rəsmi qaydada birləşdirmək barədə qərar vermir və yaxud da bəyan etmir?!  Niyə müstəqil qurum kimi tanımır?! Tanımayıblarsa, deməli, hünərləri çatmayıb. Deməli, bu, daxili auditoriyaya hesablanmış populist fikirlərdir. Bir məqama da toxunaraq demək istərdim ki, Ermənistan xarici işlər naziri Paşinyanın mövqeyini təkzib etməyəcək ki? Təbii ki, səhv də olsa, dəstəkləməlidir”- millət vəkili bildirib.
Millət vəkili əlavə edib ki, Paşinyan hakimiyyətə gəldiyi bir ildən artıq müddətdə verdiyi vədlərin heç birinə əməl edə bilmədiyindən erməni cəmiyyətində ciddi narazılıq yaranıb və ona olan inam itib.”Paşinyan bu cür məsuliyyətsiz, populist bəyanatlar səsləndirməklə  cəmiyyətin diqqətini daxili problemlərdən yayındırmaqla vaxt udmaq istəyir.  Onun  bundan sonra da buna oxşar fikirlər səsləndirəcəyi istisna deyil. Mənim Dağlıq Qarabağın kimin olacağı barədə fikrimə gəldikdə isə deyərdim ki, bu məsələyə Azərbaycanın Milli Ordusu nöqtə qoyacaq”- millət vəkili bildirib.

Mürtəza
Ölkə.Az

ŞƏRH YAZ
0

Göygöl polisinə yeni rəis təyin olundu

Göygöl polisinə yeni rəis təyin olundu
17:49
Bu gün
0
Siyasət
A
Daxili İşlər naziri, general-polkovnik Vilayət Eyvazov Göygöl rayonuna yeni rəis təyin edib.

"Ölkə.Az" xəbər verir ki, nazirin əmri ilə rayon Polis şöbəsinin rəisi vəzifəsinə polis polkovniki Müqalib Abdiyev gətirilib.

M.Abdiyev Gəncə Şəhər Baş Polis İdarəsində əməliyyat işləri üzrə birinci müavin kimi çalışıb.

Qeyd edək ki, buna qədər həmin vəzifədə Mirnemət Mirbabayev çalışıb. O, iki il bu vəzifəni icra edib.

Ölkə.Az

ŞƏRH YAZ
0

Vilayət Eyvazov əsgərlərlə nahar etdi

Vilayət Eyvazov əsgərlərlə nahar etdi
17:10
Bu gün
343
Siyasət
A
Daxili İşlər naziri (DİN), general-polkovnik Vilayət Eyvazov DİN Daxili Qoşunlarının paytaxtda yerləşən “N” saylı hərbi hissəsində olub.

Daxili İşlər Nazirliyinin Mətbuat xidmətindən "Ölkə.Az"a verilən məlumata görə, nazir müavini- Daxili Qoşunların komandanı, general-leytenant Şahin Məmmədov general-polkovnik Vilayət Eyvazova şəxsi heyətin və hərbi texnikanın baxışa hazır olması barədə raport verib.

Nazir şərəf manqası ilə salamlaşdıqdan sonra şəxsi heyətin kazarma-məişət şəraiti, qidalanması, sağlamlıq durumu və təminat məsələləri ilə yaxından tanış olub, xidməti istifadədə olan texnikaya baxıb, ərazidə aparılan abadlıq, quruculuq işləri ilə maraqlanıb.

Sonra hərbi hissənin sıra meydanında hərbi qulluqçuların və əsgərlərin qarşısında çıxış edən nazir V.Eyvazov ulu öndərin əsasını qoyduğu inkişaf və tərəqqi strategiyasının Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən uğurla davam və inkişaf etdirilməsi nəticəsində ölkəmizin iqtisadi qüdrətinin,müdafiə potensialının artdığını, beynəlxalq mövqelərinin möhkəmləndiyini bildirib, möhtərəm dövlət başçımızın ordu quruculuğuna, o cümlədən Daxili Qoşunların fəaliyyətinin təkmilləşdirilməsinə, maddi-texniki təminatına, iş və məişət şəraitinin daha da yaxşılaşdırılmasına daim xüsusi diqqət göstərdiyini vurğulayıb.

O, eyni zamanda bildirib ki, torpaqların 20 faizi işğal altında olduğuna görə hazırda ölkə müharibə şəraitindədir:

"Ona görə də Daxili Qoşunların şəxsi heyəti öz üzərlərinə düşən xidməti vəzifələri ilə bərabər həm də torpaqlarımızın azadlığı və ərazi bütövlüyümüzün bərpası üçün hər an hazır olmalı, döyüş hazırlığı səviyyələrini daim yüksək saxlamalıdırlar".

Tədbirin sonunda general-polkovnik V.Eyvazov hərbi hissənin əsgər yeməkxanasında şəxsi heyətlə birlikdə nahar edib. 

Ölkə.Az

ŞƏRH YAZ
0
BAĞLA