Ermənistan silahlı qüvvələri pulemyotlardan kəndlərimizi atəşə tutdu

Ermənistan silahlı qüvvələri pulemyotlardan kəndlərimizi atəşə tutdu
09:35
19.11.2017
2113
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 135 dəfə pozub

Ölkə.Az xəbər verir ki, bu barədə Müdafiə Nazirliyinin mətbuat xidməti məlumat yayıb.

Ermənistan Respublikası Noyemberyan rayonu ərazisindəki adsız yüksəkliklərdə, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Qaymaqlı, Quşçu Ayrım, Qızılhacılı, Bala Cəfərli kəndlərində, Berd rayonunun Mosesqex, Çinari və Ayqedzor kəndlərində yerləşən mövqelərdən Tovuz rayonunun Ağdam, Koxanəbi, Muncuqlu və Qaralar kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli, Zamanlı kəndlərində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Şıxlar, Baş Qərvənd, Cəvahirli, Qaraqaşlı, Yusifcanlı, Mərzili, Xocavənd rayonunun Kuropatkino, Füzuli rayonunun Qobu Dilağarda, Qərvənd, Qaraxanbəyli, Qorqan, Kürdlər, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.

ŞƏRH YAZ
0

Yasamalda dostlar arasında qanlı dava

Yasamalda dostlar arasında qanlı dava
14:40
Bu gün
109
Ölkə
A
Rayonun 2-ci Alatava qəsəbəsində həmyaşıd olan gənclər arasında düşən mübahisə sonda qanla nəticələnib.

 “Ölkə.Az”ın məlumatına görə, 1996-cı il təvəllüdlü Fərid Kazımov əsgərlik yoldaşı olan Sadiq Namiq oğlu Orucovu bıçaqlayıb. Yaralı təcili tibbi yardım maşını ilə 1 saylı Şəhər Xəstəxanasına çatdırılıb. Cərrahiyə əməliyyatı olunan S.Orucovun vəziyyəti orta-ağır olaraq qalır. 

Hadisəni törədənə gəldikdə isə, o, 29-cu Polis Bölməsinin əməkdaşları tərəfindən saxlanılaraq istintaqa təhvil verilib. Saxlanılan ilkin dindirmələr zamanı bildirib ki, Sadiqlə əsgərlikdə birgə xidmət edib, dost olublar. Hadisə baş verən gün kafedə görüşüblər, Sadiq onunla alçaldıcı zarafatlar etdiyindən dözməyib və bıçağa əl atıb. 

Faktla əlaqədar Yasamal RPİ-nin İstintaq Şöbəsində cinayət məcəlləsinin 126.1 (qəsdən sağlamlığa ağır xəsarət yetirmə) maddəsi ilə cinayət işi başlanıb.

ŞƏRH YAZ
0

Bu küçədə hərəkət tam məhdudlaşdırılacaq

Bu küçədə hərəkət tam məhdudlaşdırılacaq
14:22
Bu gün
205
Ölkə
A
Bakının Mir Cəlal küçəsinin yenidən qurulması çərçivəsində bu gecədən səhər saatlarına qədər yüksək gərginlikli eletrik xətlərinin dirəklərinin sökülməsi işləri aparılacaq. Bununla əlaqədar olaraq küçə boyu hərəkət tam məhdudlaşdırılacaq.

"Ölkə.Az" Report-a istinadən xəbər verir ki, bunu Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli bildirib. 

Onun sözlərinə görə, sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyyə olunur.

"Yaranan müvəqqəqi narahatlığa görə Azərbaycan Avtomobil Yolları Dövlət Agentliyi vətəndaşlardan üzr istəyir və aparılan işlərə anlayışla yanaşmalarını xahiş edir", - deyə o, qeyd edib.

ŞƏRH YAZ
0
BAĞLA