Ermənistanda demoqrafik disbalansın yaranmasının

 Bunu “Ölkə.Az”-a açıqlamasında millət vəkili Sona Əliyeva deyib.

Onun sözlərinə görə,  Ermənistanda yaşanan sosial-iqtisadi böhran artıq öz ciddi fəsadlarını göstərməkdədir. “Son illərdə Ermənistan əhalisi sürətlə azalmağa başlayıb. Bunu biz Ermənistanın rəsmi statistikasında aydın görə bilərik. Son illərdə 372  min insan Ermənistanı tərk edib və onlardan 200 mini geri dönməyib. Bunlarda əsasən ölkənin işqabliyyətli insandır. Digər bir fakt: əgər 2018-ci ilin yanvarın 1-nə olan məlumata əsasən Ermənistan əhalisinin sayı 2 milyon, 972 min 700 nəfər olubsa, 2091-cu ilin 1 yanvarında saya azalaraq 2 milyon 965 min 100 nəfər olub. Bu da ötən illə müqayisədə   7600 az  insan edir. Bundan əlavə olaraq son illərdə doğum sayı da azalmaqla müşahidə olunur. Erməni demoqraflar da etiraf edirlər ki, ölkədə demoqrafik vəziyyət kritik  həddə çatıb. Ermənistanda  demoqrafik vəziyyət tədricən  depopuliyasiya həddinə yaxınlaşır. Proseslər belə davam edərsə, BMT-nin proqnozlara əsasən  qarşıdakı 5 ildə Ermənistanda ölənlərin sayı doğanların sayından çox olacaq”- S.Əliyeva bildirib.

Deputat əlavə edib ki,  Paşinyan pafoslu  bəyanatlar verərək, emrənilərin sayının qarşıdakı illərdə artımına nail olunmasından danışsa da,  rəqəmlər onun tamamilə əksini sübut edir: “Ermənistan əhalisi onun hakimiyyəti dövründə də ölkəni sürətlə tərk edir. Təkcə cari ilin 6 ayında  Ermənistan statistika xidmətinin verdiyi xəbərə görə, ölkə əhalisi 3700 nəfər azalıb”.

Deputat bildirib ki, bu gün ölkədə doğumun sayı azalamqla yanaşı,  gənc ailələrdə qız uşaqlarının doğulmasına qarşı çıxırlar. “Belə ki, hamilə qadınlar  UZİ aparatlarda əvvəlcədən övladın cinsini müəyyənləşdirməklə onları  “abort” etdirirlər. Artıq oğlan uşaqlarının sayı qız uşaqlarının sayını kəskin üstələyir. 

Doğumla bağlı statistikaya müraciət etsək, biz bunun şahidi olarıq. 2018-ci ildə doğum sayı 36502  olubsa, 2017-ci ildə bu rəqəm 37700, 2016-cı ildə 40592 nəfər olub. Bu  rəsmi rəqəmlər Ermənistanda uşaq doğumunun ilbəil sürətlə azaldığının göstəricisidir. 

Bir məsələyə də tounaraq demək istərdim ki, uşaq ölüm sayı da yüksəkdir.

Burada xüsusi bir məqama da diqqət yetirmək lazımdır ki, ölkəni tərk edənlər əsasən gənclər və işqabliyyətli insanlar olduğundan ölkədə yaşlaşma gedir. Yəni yaşlı əhali gənc və orta nəsildən çoxdur. İşsizlik, məişət problemləri üzündən gənclər ailə qurmaq istəmir”- deputat bildirib.

Deputatın fikrincə,  Ermənistanın üzləşdidi demoqrafik və gender disbalansı problemi ilə üzləşməsinin kökündə yürütdüyü işğalçılıq siyasəti və qonşuları ilə mehriban qonşuluq münasibətlərini qurmamasındadır: “Ermənistan yürütdüyü işğalçılıq siyasəti nəticəsində təkcə sosial-iqtisadi, siyasi böhrana deyil, eyni zamanda demoqrafik, gender disbalansının ciddi surətdə pozulması ilə üzləşib”.

 Mürtəza
Ölkə.Az