Ermənistanda hərbi hissədə əsgərlərin QİYAMI

Ermənistanda hərbi hissədə əsgərlərin QİYAMI
17:59
23.03.2019
29171
Dünya
A
Ermənistandakı hərbi hissələrin birində əsgərlər üsyana cəhd ediblər.

“Ölkə.Az” xəbər verir ki, bu barədə erməni müdafiə nazirinin mətbuat katibi Artsrun Ovannisyan məlumat verib. O, bildirib ki, bir neçə əsgər 90-cı illərin qaydasını yaratmağa, xüsusi şəraitdə xidmət etməyə, xüsusi geyim geyinməyə və digərlərindən fərqli qidalanmağa cəhd ediblər. Bu əsgərlər də bu məqsədlə digər hərbçiləri də özlərinə tərəf çəkərək üsyana qalxıblar.

Üsyana qalxan əsgərlərin sayı 600 nəfərdir. Mətbuata isə məlumat hərbçilərdən birinin anasına üsyan barədə məlumat verməsindən sonra sızıb. Hazırda 20-dən çox erməni əsgər hərbi polis tərəfindən dindirilir. Oradan onları Qarabağa xidmətə göndərəcəklər.

Hikmət Həsənov

Ölkə.Az

 

ŞƏRH YAZ
1

Leyla Əliyevanın təşəbbüsü ilə Moskvada “Qanın milliyyəti yoxdur” adlı xeyriyyə aksiyası keçirilib — FOTO

Leyla Əliyevanın təşəbbüsü ilə Moskvada “Qanın milliyyəti yoxdur” adlı xeyriyyə aksiyası keçirilib
23:04
18.04.2019
278
Dünya
A
Heydər Əliyev Fondunun vitse-prezidenti Leyla Əliyevanın təşəbbüsü ilə aprelin 18-də Moskvada “Qanın milliyyəti yoxdur” adlı xeyriyyə aksiyası keçirilib.

"Ölkə.Az" azərtac-a istinadən xəbər verir ki, Rusiya Azərbaycanlı Gənclər Birliyinin (RAGB) təşkilatçılığı və İ.M.Seçenov adına Birinci Moskva Dövlət Tibb Universitetinin dəstəyi ilə keçirilən aksiya İ.M.Seçenov adına Moskva Tibb Akademiyasının kliniki transfuziologiya və hematologiya kafedrasında baş tutub.

Bu il də aksiyaya azərbaycanlı tələbələrlə yanaşı, Rusiya paytaxtında təhsil alan digər millətlərdən olan tələbələr qoşulub.

Rusiya Azərbaycanlı Gənclər Birliyinin İdarə Heyətinin üzvü, tibb elmləri namizədi Samir Əliyev jurnalistlərə bildirib ki, RAGB-nin sədri Leyla Əliyevanın təşəbbüsü ilə bu aksiya artıq 10-cu ildir ki, keçirilir. Samir Əliyev qeyd edib ki, xeyriyyə aksiyasının donorları qan verərkən həm öz sağlamlıqları barədə məlumat əldə edir, həm də qana ehtiyacı olan insanlara yardım göstərirlər.

Birinci Moskva Dövlət Tibb Universitetinin Qan Mərkəzinin rəhbəri, tibbi elmləri doktoru, professor Əliheydər Rəhimov Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən bu aksiyanın artıq ənənə halı aldığını vurğulayaraq deyib: “İl ərzində RAGB tərəfindən bir neçə dəfə qanvermə aksiyaları təşkil olunur. Bu xeyriyyəçilik aksiyasının təşkilinə görə, Qan Mərkəzi kollektivi adından Leyla Əliyevaya təşəkkürümü bildirmək istəyirəm”.

“Qanın milliyyəti yoxdur” aksiyası təkcə Moskvada deyil, Rusiyanın başqa regionlarında da təşkil edilir. Hər il bu aksiyada minlərlə gənc iştirak edir.

Ölkə.Az

ŞƏRH YAZ
0

Sərnişinləri avtobusdan endirib güllələdilər — Pakistanda dəhşət

Sərnişinləri avtobusdan endirib güllələdilər
19:34
18.04.2019
562
Dünya
A
Pakistanın Bəlucistan vilayətində dəhşətli hadisə baş verib.

“Ölkə.Az” xəbər verir ki, silahlı şəxslər avtobuslardan endirdikləri sərnişinləri güllələyiblər. İnsident nəticəsində ən azı 14 nəfər ölüb.

Əyalətin daxili işlər naziri Heydər Əli bildirib ki, hücumçular 20 nəfərdən çox olublar. Onların əynində “Cəbhə birlikləri” adlı qruplaşmanın uniformaları olub.
Məlum olub ki, silahlılar Makran şossesində Karaçidən Ormara şəhəri istiqamətində hərəkət edən dörd avtobusu saxlayıb 14 sərnişini öldürüblər. Ölənlərin hamısı pakistanlıdır və aralarında iki hərbçi də olub. Hücumçuların tapılması istiqamətində genişmiqyaslı əməliyyata start verilib.

Hikmət Həsənov
Ölkə.Az

ŞƏRH YAZ
0
BAĞLA