Ermənistanda hərbi qiyam edən əsgərləri Qarabağa sürgün etdilər

Ermənistanda hərbi qiyam edən əsgərləri Qarabağa sürgün etdilər
13:14
25.03.2019
1587
Ölkə
A
Öncədən də xəbər verdiyimiz kimi, Ermənistandakı hərbi hissələrin birində əsgərlər qiyam qaldırmışdılar.

 “Ölkə.Az” xəbər verir ki, əsgərlərin böyük bir hissəsini cəza olaraq Qarabağa sürgün ediblər. Əsgərlərin validyenləri isə Yerevanda hökumət binasının qarşısında etiraz aksiyası keçiriblər. Onlar Müdafiə nazirliyinin hərbi hissədəki iğtişaşın iştirakçılarını bu cür cəzalandırmasından hiddətləndiklərini bildiriblər. Əsgər analarının bildirdiyinə görə, Mehridəki hərbi hissədə baş vermiş insidentin günahkarı Qasparyan familiyalı zabitdir və onun hərəkətlərinə görə yüzlərlə əsgər hərbi hissəni tərk etmək istəyib. Müdafiə Nazirliyinin mətbuat katibi Artsurun Ovanisyan isə deyib ki, insidentə görə həm zabitlər, həm əsgərlər cəzalandırılıb. 

"Həmin gün gecə yarısı əsgərləri sıraya düzüblər. Onların arasından 20-ni seçiblər, hərbi formalarını cırıblar, telefonlarını əllərindən alıblar və avtobusla Qafandakı Hərbi polis bölməsinə göndəriblər. Oradan isə bir qismini Xankəndinə aparıblar”,-  deyə aksiya iştirakçılarından biri deyib.

Onun bildirdiyinə görə insident əsgərlərdən birinin Qasparyan familiyalı zabitə yaxınlaşıb onu başqa rotaya keçirməyi xahiş etməsindən sonra başlayıb. Zabit bu xahişə görə əsgəri söyüb, onu alçaldıb, bu zaman polkun bütün əsgərləri həmin əsgəri müdafiə edib:
 "Yüzlərlə əsgər hərbi hissəni tərk edib. Yolda onları polk komandiri qarşılayıb və hərbi hissəyə geri qaytara bilib”. 
Əsgər analarından biri bildirib ki, insident və oğlunun başına gələnlər haqda ancaq oğlu Dağlıq Qarabağdan ona zəng vuranda eşidib. Digər aksiya iştirakçısı isə deyib ki, özü hərbi hissəyə zəng vurub və oğlunun yerini soruşub. Oradan isə deyiblər ki, əsgərin yerini bilmirlər, ola bilsin Qafanda, hərbi polisdədir.
"Mən Gümrüdən Qafana getdim. Maraqlandım. Məlum oldu ki, oğlum orada yoxdur, soruşuram, bəs haradadır? Deyirlər yəqin Qarabağa göndəriblər”.

Hökumət binası qarşısında aksiyadan sonra əsgər valideyinləri Müdafiə nazirliyinin qarşısına gediblər və orada etirazlarını bildiriblər.

Helsinki Vətəndaş Assambleyasının Vanadzor ofisinin rəhbəri Artur Sakunts isə hesab edir ki, hərbi hissədəki insidentlə bağlı vətəndaş cəmiyyəti fəallarının iştirakı ilə komissiya yaradılmalıdır:

 "Əsgərlərin başqa hərbi hissəyə göndərilməsinə yol vermək olmaz. Bu, baş verənlərin üstünü ört-basdır etməyə xidmət edir”.

Ölkə.Az

ŞƏRH YAZ
0

Rövşən Məmmədov tanınmış professoru "Mədəniyyət" kanalından UZAQLAŞDIRDI — ÖZƏL

Rövşən Məmmədov tanınmış professoru
12:27
Bu gün
233
Ölkə
A
"Mədəniyyət" kanalının direktor müavini, tanınmış teatrşünas, professor İlham Rəhimli vəzifəsindən azad edilib.

 "Ölkə.Az"-ın əldə etdiyi məlumata görə, iclasda  AzTV-nin sədri Rövşən Məmmədov tərəfindən sərt tənqid edilən professora işdə yol verdiyi nöqsanlar barədə iradlar bildirilib. 

Qeyd edək ki, İ.Rəhimli bundan sonra dövlət radiosunda proqram direktoru vəzifəsində çalışacaq.

Xatırladaq ki, 70 yaşlı teatrşünas 2011-ci il aprel ayının 14-dən "Mədəniyyət" kanalının direktor müavini idi.

Ölkə.Az

ŞƏRH YAZ
0

Abşeronda əmisini öldürdüb, evini yandırdı — FOTO

Abşeronda əmisini öldürdüb, evini yandırdı
11:38
Bu gün
1291
Ölkə
A
Abşeron rayonunda əmisini öldürüb evini yandırmaqda təqsirli bilinən Məzahir Şıxməmmədovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materilları baxılması üçün Bakı Ağır Cinayətlər Məhkəməsində hakim Azər Paşayevin icraatına verilib. 

Hazırlıq iclası yaxın günlərdə keçiriləcək.

Qeyd edək ki, bu il martın 8-də "Gənclər Şəhərciyi" yaşayış kompleksi, giriş 76, ev 11 ünvanında çarpayıda yanmış kişi meyti aşkarlanıb.

Abşeron Rayon Polis İdarəsinin Cinayət-axtarış şöbəsi əməkdaşlarının keçirdiyi əməliyyat-axtarış tədbirləri zamanı müəyyən olunub ki, yanğın zamanı dünyasını dəyişən Şıxməmmədov Namiq Kamal oğlunun sifət nahiyyəsində sınıq xəsarətləri var. Araşdırmalarla bu hadisəni mərhumun qardaşı oğlu, 1996-cı il təvəllüdlü Şıxməmmədov Məzahir Ehtiram oğlunun törətdiyi və izi itirmək məqsədi ilə mənzilə od vurduğu məlum olub.

Hadisəni törədən şəxs yaşadığı Sumqayıt şəhər, 17-ci mikrorayon, ev 18, mənzil 38-də saxlanılaraq Abşeron rayon Polis idarəsinə gətirilib .

Məzahir Şıxməmmədov əmisi ilə aralarında münaqişə olduğunu deyib: “Aramızda dəfələrlə münaqişə olub, nalayiq ifadələr işlədib, üstümə bıçaq çıxarıb. Bir dəfə keçmişəm, iki dəfə keçmişəm. Amma sonuncu dəfə dözmədim. Əslində öldürmək planım olmayıb”.
M.Şıxməmmədov əmisini ölümcül döydüyünü də bildirib: “Əvvəlcə 5-6 yumruq vurdum. Sonra isə üzünə və başına butulka ilə zərbə endirdim. Mənzili yandırıb, oradan uzaqlaşdım”.

Ona Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham verilib.

Natiq allahverdiyev 
Ölkə.Az

 

ŞƏRH YAZ
0
BAĞLA