\"Ermənistanda kim prezident olursa-olsun, bunun Azərbaycan təsiri yoxdur\"

Bu fikirləri "Ölkə.Az"a açıqlamasında Azərbaycan Milli İstiqlal Partiyasının (AMİP) qurucusu və lideri Etibar Məmmədov bildirib.

E.Məmmədov deyib ki, Azərbaycan tərəfi öz işini Ermənistanda hakimiyyət dəyişikliyinə görə qurmamalıdır:

"Ermənistanda kimin prezident olmasının Azərbaycana təsiri yoxdur. Kimin gəlməsindən asılı olmayaraq, hamısı düşmənimizdir. Biz öz işimizlə məşğul olmalıyıq".

Ermənistanın indiki hakimiyyəti ilə Qarabağdakı separatçı klanın arasında ciddi fikir ayrılığı olması məsələsinə də toxunan AMİP lideri bunun inandırıcı olmadığını söyləyib:

"Azərbaycanın işğal altında olan torpaqlarındakı separatçı klanının belə hakimiyyətdən uzaqlaşdırılması Qarabağ məsələsinin həllinə təsir göstərməyəcək. Münaqişənin yeganə yolu müharibə edərək torpaqları işğaldan azad etməkdir".

Xatırladaq ki, ötən gün Ermənistanda keçirilən növbədənkənar parlament seçkilərində Nikol Paşinyanın partiyası qalib gəlib. 

Vasif Həsənli
Ölkə.Az