"Ermənistanda kütləvi qarşıdurma yaranacaq, toqquşmalar bütün ölkəni əhatə edəcək" — Politoloq rəyi

15:00
17.03.2017
24
Siyasət
A
Ermənistan yenidən qarışıb.

Parlament seçkiləri ərəfəsində olan Ermənistanda artıq xalq küçələrə çıxıb. Tibb mərkəzində acından ölən “Sasna Tsrer” silahlı qruplaşmasının “çörəkdaşıyan”ı olan Artur Sərkisyanın ölümü ermənilərin qəzəbinə səbəb olub. Kütlə Azadlıq meydanını tutub. Ekspertlər isə bildirir ki, bu ölümə görə küçələrə çıxmaq əslində bəhanədir. Ermənilər Sərkisyan rejiminə qarşı bu addımı atıblar.

Seçki ərəfəsində olan Ermənistanda Qarabağ klanı ilə yerli ermənilər arasında ciddi mübarizə gedir. Ekspertlər bu mübarizənin sonda böyük qarşıdurmalara gətirib çıxaracağını deyirlər.

Ermənistanda baş verən proseslərlə bağlı fikirlərini politoloq Qabil Hüseynli "Ölkə.Az"-da bölüşüb:

"Ermənistanda çox mürəkkəb hadisələr cərəyan edir. Hadisələrin mürəkkəbləşməsinin səbəblərdən biri Sərkisyanın partiyası və onun tərəfdarlarının müxalifətə təzyiqidirsə, digər səbəb Rusiyanın açıq-aşkar Sərkisyanı dəstəkləməsidir. Bütün bunlar müxalifəti çox hiddətləndirir və eləcə də ölkə əhalisi də Rusiyanın Ermənistanın ən məhrəm məsələlərinə belə qarışmasını qəbul edə bilmirlər.

Sərkisyanın Moskva səfərində Putinlə görüşü, Putinin ona xeyir-dua verməsi ona dəlalət edir ki, Moskva Sərkisyanın arxasında durub. Onun siyasi sistemin dəyişikliyi ilə bağlı məsələlərinə dəstək verir. Vaxtilə bu siyasi fənd fərqli bir formada Rusiyanın özündə sınaqdan keçirilib. İndi həmin formanı Ermənistanda sınaqdan keçirmək istəyirlər".

Ermənistan müxalifətinin hazırki vəziyyəti barədə danışan politoloq bildirdi ki, Ermənistan müxalifəti bu dəfə həm daha mütəşəkkil olduğu, həm də ətrafına daha ciddi şəxsləri topladığından ölkədə seçici bazasının xeyli hissəsini ətrafında toplayıb. Görünən odur ki, xalq formalaşmış və ətrafına güclü siyasi liderləri toplamış müxalifəti dəstəkləyir. Nəticə etibarı ilə Sərkisyanın ətrafında Dağlıq Qarabağdan olan adamlar da yoxdur, Köçəryan və Ohanyan müxalifətdədir.

Əgər ölkədə şəffaf seçkilər keçirilərsə, müxalifətin qələbə çalma imkanları çox böyükdür. Əsas məsələ seçkiyə nəzarətin düzgün qurulmasıdır. Əgər bu məsələni müxalifət bacarsa, qələbə əldə edəcək. Sərkisyanın partiyasının qələbə çalması zəif ehtimaldır. Əgər Sərkisyanın partiyası qələbə qazansa, Ermənistanda kütləvi qarşıdurma yaranacaq, toqquşmalar bütün ölkəni əhatə edəcək".

Səxavət Məmməd
Ölkə.Az

ŞƏRH YAZ
0

Müdafiə Nazirliyində kollegiya iclası keçirildi

Müdafiə Nazirliyində kollegiya iclası keçirildi
17:20
16.12.2017
775
Siyasət
A
Bu gün Müdafiə Nazirliyində general-polkovnik Zakir Həsənovun rəhbərliyi və kollegiya üzvlərinin iştirakı ilə 2017-ci tədris ilində qoşunların hazırlığı üzrə yekunlara dair geniş tərkibdə iclas keçirilib.

Bu barədə "Ölkə.Az"- a nazirliyin mətbuat xidmətindən məlumat verilib.

Tədbirdə Azərbaycan Prezidentinin Hüquq mühafizə orqanları ilə iş və hərbi məsələlər üzrə köməkçisi Fuad Ələsgərov iştirak edib.

Azərbaycan xalqının ümummilli lideri Heydər Əliyevin və ölkəmizin ərazi bütövlüyü uğrunda həlak olanların xatirəsi bir dəqiqəlik sükutla yad edilib.

İclasda hesabat dövründə ordu quruculuğu sahəsində görülən işlər və əsas istiqamətlər üzrə yerinə yetirilən tapşırıqlarla bağlı məruzə dinlənilib, son dövrlərdə həyata keçirilən islahatlar, qoşunların döyüş hazırlığının vəziyyəti, xidməti və digər məsələlər müzakirə olunub.

Müdafiə naziri 2017-ci ildə xidməti döyüş hazırlığının yekunları və 2018-ci tədris ilində qarşıda duran vəzifələr haqqında geniş məruzə ilə çıxış edib.

Azərbaycan Respublikasının Prezidenti İlham Əliyevin Azərbaycan ordusuna verdiyi qiyməti, göstərdiyi diqqət və qayğını xüsusi qeyd edən müdafiə naziri Ali Baş Komandanın rəhbərliyi ilə son illər ərzində əldə edilən nailiyyətlərdən danışıb. Z.Həsənov cari ildə görülən tədbirlərin təhlilini apararaq döyüş hazırlığı və mənəvi-psixoloji vəziyyət, müdafiə sistemi və onun hərtərəfli təminatı məsələlərini diqqətə çatdırıb, qoşunların döyüş qabiliyyətinin artırılması məqsədilə 2018-ci tədris ilində qarşıda duran əsas vəzifələrin icrası ilə əlaqədar komandir-rəis heyəti qarşısında tapşırıqlar qoyub.

Müdafiə nazirinin əmrinə əsasən, 2017-ci tədris ilində döyüş hazırlığının yekunlarına görə xidmətdə fərqlənən hərbi qulluqçular təltif edilib və qiymətli hədiyyələrlə mükafatlandırılıb.

Sonda kollegiya iclasının qərar layihəsi müzakirə edilərək qəbul olunub.

ŞƏRH YAZ
0

Mehriban Əliyeva ordenlə təltif olundu

Mehriban Əliyeva ordenlə təltif olundu
17:05
16.12.2017
949
Siyasət
A
Birinci vitse-prezident Mehriban Əliyeva mükafata layiq görülüb.

"Ölkə.Az" xəbər verir ki, Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva II dərəcəli Knyaginya Olqa ordeni ilə təltif olunub.

ŞƏRH YAZ
0
BAĞLA