Ermənistanda qanlı toqquşma
Ermənistanda keçirilən etiraz aksiyası zamanı polislə aksiyaçılar arasında baş verən qanlı toqquşma nəticəsində 13 nəfər xəstəxanaya yerləşdirilib.
“Ölkə.Az” xəbər verir ki, mitinqçilər İcevanda Ermənistan-Gürcüstan magistralını bağlayıb. Nəticədə kilometrlərlə tıxac yaranıb.
Polis yolu açmağa cəhd edən zaman qarşıdurma baş verib. Qarşıdruma zamanı 13 nəfər xəsarət alıb ki, onlardan 11-i polis əməkdaşıdır.
Yolu aça bilməyən polisə xüsusi təyinatlılar yardıma gəlib. Xeyli sayda mitinq iştirakçısı saxlanılıb.
Aksiyaya səbəb insanlara meşədən yanacaq kimi istifadə etmək üçün odun gətirməyə icazə verilməməsi olub. Burada əhali çox kasıb vəziyyətdə yaşayır. İnsanlar meşədən ağac kəsib satmaqla dolanırlar.
Ölkə.Az
