\"Ermənistan Azərbaycandan fərqli olaraq iqtisadi-diplomatik təsir mexanizminə malik deyil\"

“Ölkə.Az” xəbər verir ki,  enerji təhlükəsizliyi məsələləri üzrə erməni ekspert  Vaqe Davtyan Soçi sammitində əsas müzakirə predmetinin Şimal-Cənub Beynəlxalq Nəqliyyat Dəhlizi layihəsinin reallaşdırılması olacaq. “Hansı ki, Azərbaycanın infrastrukturu vasitəsi ilə İran və Rusiyanın  nəqliyyat, enerji, elektroenerji sistemi birbaşa birləşəcək. “Şimal-Cənub” layihənin reallaşması nəticəsində  yüklər Hind okeanından Şimali Avropaya və Cənub-Qərbi Avropaya yüklər daşınmasına imkan yaradacaq. Azərbaycanın təşəbbüsü ələ alaraq bu prosesdə aktivliyi Ermənistanın iqtisadi cəhətdən  təcridinə xidmət edir”.

Erməni ekspert bildirib ki, bu gün Azərbaycan  Ermənistandan fərqli olaraq təkcə  nəqliyyat, enerji layihələrində deyil, İranla Rusiya arasında elektrik enerjisi sahəsində də əməkdaşlıqda ciddi uğurlar əldə edib: “Rusiya-Azərbaycan-İran arasında elektrik enerjisinin qarşılıqlı ötürülməsi istiqamətində fəal işlər görür  və bu sahədə əməkdaşlığın dərinləşdirilməsi istiqamətində  növbəti danışıqlar  raundu sentyabrda Bakıda keçiriləcək”. 

Erməni ekspert hesab edir ki, Bakı son illərdə öz enerji diplomatiyasından effektli istifadə etməklə, bütün  bu uğurları əldə edib. “Obyektivlik naminə demək lazımdır ki, son illərdə  Bakı öz effektli enerji diplomatiyasının mexanizmini formalaşdırması nəticəsində digər irimiqyaslı layihələri, qaz, elektrik və tranzit yükdaşımaları kimi layihələrini reallaşdırması istiqamətində  fəaliyyət göstərir. Ermənistanın isə belə bir diplomatik təsir mexanizmi yoxdur.  Ermənistanda belə bir diplomatik imkan formalaşdırması nə dünən, nə bu gün olub, nə də ki, sabah  mümkün olmayacaq”.

Jurnalistin Ermənistanın qaz, dəmiryol blokadasına düşməsinə və hökumətin hansı addımlar atmalı olduğuna  gəldikdə isə ekspert deyib ki,  bu gün Azərbaycanla Türkiyə  Ermənistanı blokadaya almaq istiqamətində   fəaliyyət göstərir və bu özünü qaz, dəmiryolu, digər müxtəlif layihələridə özünü göstərir. “Fikrimcə, bu özünün “Şimal-Cənub” dəhlizi layihəsindədə özünü büruzə verməkdədir. Bu məsələdə Ermənistan hökuməti passivlik nümayiş etdirir ki, buda  həddən artıq təhlükəlidir”- V. Davtyan bildirib.

Ölkə.Az