Ermənistanın mövqeyinə görə Qarabağda genişmiqyaslı və ya lokal müharibələrin olması qaçınılmazdır — Hərbi ekspert

Ermənistanın mövqeyinə görə Qarabağda genişmiqyaslı və ya lokal müharibələrin olması qaçınılmazdır
13:10
02.12.2017
11580
Analitika
A
Türkiyə Hərbi Hava Qüvvələrinin komandanı, ordu generalı Hasan Küçükakyüzün başçılıq elədiyi nümayəndə heyəti Azərbaycanda səfərdədir.

Türkiyə ordu generalının Azərbaycanda olduğu günlərdə Bakıda Türkiyə, Pakistan və Azərbaycanın xarici işlər nazirlərinin də sammiti keçirilib.

Türkiyə Hərbi Hava Qüvvələrinin komandanı ilə Zakir Həsənovun görüşü zamanı iki ölkə arasında hərbi-texniki və təhlükəsizlik sahələri üzrə əməkdaşlığı daha yüksək səviyyəyə qaldırmaq barədə razılıq əldə edilib.

Xarici işlər nazirlərinin görüşündə isə Azərbaycan, Türkiyə və Pakistan arasında ortaq hərbi müəssisələrin yaradılması haqda ilkin razılığa gəlinib.

Rusiya Ermənistanla hərbi təlimləri intensivləşdirib, ordu generalı Hasan Küçükakyüzün Bakı səfərində əldə edilən razılığa görə, Azərbaycanla Türkiyənin ortaq hərbi təlimlərinin sayı artırılacaq.

Baş verənləri hərbi ekspert Tərlan Eyvazov Ölkə.Az-a şərh edib:

"Pakistan və Türkiyə Azərbaycanın müstəqilliyini tanıyan ilk dövlətlərdəndir. Hər iki dövlət xüsusən də Pakistan Azərbaycanın ərazi bütövlüyünə təcavüz edən Ermənistanı dövlət kimi tanımır. Bildiyimiz kimi Türkiyədə müəyyən istisnalar var.

Pakistan müstəqil dövlət olduqdan sonra müdafiəsini təmin etmək üçün peşəkar ordu yaratdı. Pakistan öz ordusunun təminatı üçün hərbi sənayesini inkişaf etdirdi və hələ də etdirir. Hələlik ortada hərbi ittifaq olmasa da,Pakistan, Türkiyə və Azərbaycan arasında hərbi sahədə əməkdaşlıq yüksək səviyyədədir. Əldə edilən razılıqdan sonra bu üç dövlət silah sənayesinin inkişafında da birgə fəaliyyət göstərəcəklər. Atılan addımlar, bağlanılan müqavilələr göstərir ki, bu yöndə işlər getdikcə intensivləşməkdədir. Çox qısa müddət olmasına baxmayaraq, Azərbaycanın maliyyə gücü sayəsində silah sənayemiz çox uğurlu inkişaf yolu keçib. Silah sənayesinə qoyulan investisiyalar özünü dorğultmaqdadır".

Türkiyə ilə Azərbaycan arasında ortaq hərbi təlimlərin sayının artırılması məsələsinə gəldikdə isə hərbi ekspert bildirib ki, Ermənistanın Dağlıq Qarabağda hərbi təlimləri intensivləşdirməsi, Rusiya ilə birgə ordunun yaradılması və Ermənistanla Rusiyanın birgə hərbi təlimlərinin sayını artırması Azərbaycan tərəfini bu cür addım atmağa məcbur edir:

"Türkiyə ilə ortaq hərbi təlimlər hərbi hava qüvvələrimizin, xüsusi təyinatlı qüvvələrimizin inkişafında və təkminləşməsində çox köməklik edir. Azərbaycan öz müdafiə qüdrətini mütləq artırmalıdır. Bu məsələdə Türkiyə Silahlı Qüvvələrinin təcrübəsinə əsaslanmaq labüddür".

Ermənistan və Azərbaycanın hərbi təlimlərinin artırması bəzi ekspertlər tərəfindən Dağlıq Qarabağda yenidən lokal döyüşlərin ola biləcəyi kimi dəyərləndirilir. Bu məsələyə münasibət bildirən Tərlan Eyvazov qeyd edib ki, Ermənistan tərəfi danışıqlara məhəl qoymur:

"Təbii ki, hərbi təlimlər müharibəyə hazırlıqlı olmaq üçün keçirilir. Ermənistanın bu mövqeyinə görə Dağlıq Qarabağda geniş miqyaslı və ya lokal müharibələrin olması qaçınılmazdır".

Səxavət Məmməd
Ölkə.Az

ŞƏRH YAZ
0

"Xırda məişət hadisəsini şişirdərək münaqişə kimi təqdim etmək təxribatdır" — Elçin Əhmədov

20:56
16.02.2019
463
Analitika
A
Fevralın 15-də Moskvadakı "Neolit" kafesində azərbaycanlılar və çeçenlər arasında baş vermiş insidenti millətlərarası münaqişə kimi qiymətləndirmək çox yanlış olardı. Azərbaycan və çeçen xalqları arasında tarixən çox sıx dostluq münasibətləri mövcuddur. Bu münasibətləri heç kəs sarsıda bilməz, çeçenlər və azərbaycanlılar dostluq və qardaşlıq ənənələrinə sadiqdirlər.

"Ölkə.Az" azərtac-a istinadən bildirir ki, bu fikirləri Azərbaycan Respublikasının Prezidenti yanında Dövlət İdarəçilik Akademiyasının professoru, siyasi elmlər doktoru, "Azərbaycan Respublikası Dağlıq Qarabağ bölgəsinin Azərbaycanlı İcması" İctimai Birliyinin sədr müavini Elçin Əhmədov bildirib.

E.Əhmədov deyib ki, Rusiya Federasiyası, o cümlədən onun tərkibinə daxil olan Çeçenistan Respublikası üçün Azərbaycanla münasibətlər strateji xarakter daşıyır və ölkələrimiz arasında əməkdaşlıq ildən-ilə genişlənir və möhkəmlənir. Bu münasibətlər bütün sahələrdə, o cümlədən ticari-iqtisadi sahədə, siyasət və mədəniyyət istiqamətlərində özünü göstərir. Xüsusilə, Azərbaycan və Rusiya arasında ikitərəfli münasibətlər çox uğurla inkişaf edir.

2018-ci il dekabrın 14-də Moskvada Azərbaycan Respublikası ilə Rusiya Federasiyası arasında iqtisadi əməkdaşlıq məsələləri üzrə Hökumətlərarası Dövlət Komissiyasının 17-ci iclası keçirilib, Azərbaycan və Rusiya prezidentlərinin siyasi iradəsi və birgə səyləri nəticəsində ölkələrimiz arasında əlaqələr strateji tərəfdaşlıq səviyyəsinə yüksəlib, dövlət başçılarının qarşılıqlı səfərləri və müntəzəm görüşləri dövlətlərarası münasibətlərə yüksək dinamizm gətirir. Azərbaycan Prezidentinin 2018-ci ilin sentyabrında Rusiyaya səfəri zamanı 16 sənəd imzalanıb. Rusiya Federasiyasının Prezidenti Vladimir Putin keçən ilin sentyabrında ölkəmizdə səfərdə olub və bu səfər çərçivəsində dövlət başçılarının iştirakı ilə 9-cu Azərbaycan-Rusiya Regionlararası Forumu keçirilib. Azərbaycan Rusiya iqtisadiyyatına 1 milyard dollardan çox, Rusiya isə Azərbaycana 4,2 milyard dollardan artıq investisiya qoyub. Azərbaycanda təqribən 760 Rusiya kapitallı şirkət fəaliyyət göstərir. Rusiya şirkətləri Azərbaycanda həyata keçirilən layihələrdə podratçı qismində də iştirak edir.

"Xırda məişət hadisəsini şişirdərək münaqişə kimi təqdim etmək təxribatdan başqa bir şey deyil. Heç şübhəsiz ki, ölkələrimizin mövqelərinin güclənməsi bəzi qüvvələri narahat edir və onlar xalqlarımız arasında düşmənçilik toxumu səpərək öz çirkin niyyətlərini həyata keçirmək istəyirlər. Şübhəsiz ki, erməni lobbisi də həmin hadisəni öz mənafeyi naminə şişirtməkdə və ona siyasi rəng verməkdə maraqlıdır və bu, onların Azərbaycan ilə Rusiya arasındakı strateji tərəfdaşlıq münasibətlərini pozmaq istəyindən irəli gəlir. Bu insidentin bu cür əks-səda doğurması da məhz onların təsirinin nəticəsidir. Lakin bu cəhdlər əbəsdir. Heç bir qüvvə Azərbaycan və çeçen xalqları arasında tarixən formalaşmış dostluq və qardaşlıq münasibətlərinə xələl gətirə bilməz.

Ölkə.Az

ŞƏRH YAZ
0

"Ermənilər bir başqa millətə şərəf və ləyaqət dərsi keçir" — Zahid Oruc

14:24
10.02.2019
1660
Analitika
A
"Yunanıstanın Baş naziri Aleksis Siprasın Ankaraya özünün dediyi kimi, 4-cü tarixi səfəri yeni Ermənistan hakimiyyətini çox məyus edib".

"Ölkə.Az" xəbər verir ki, bu fikirləri millət vəkili Zahid Oruc Türkiyə və Yunanıstan arasında baş verən istiləşmənin Ermənistana təsirini şərh edərkən deyib.

O bildirib ki, bir vaxtlar İrəvanın rəsmi şəxslərinin Afinaya səfər edərək, yunan tərəfinə “əbədi düşmənləri”nə qarşı vahid cəbhədə vuruşmağı təklif etməsi yaddaşlardan silinməyib.

"Keçmiş hakim partiyanın-respublikaçıların danışan dili, indi siyasi arxaik materiala çevrilən Eduard Şarmazanovun iki il öncə yunanlı parlament sədri Nikolas Vusisə açıqca təklif etdiyi “Türkiyənin qonşularına qarşı apardığı müstəmləkəçilik siyasətini birgə durdurmaq lazımdır və bundan ötrü bütün işbirliklərinə hazırdılar” bəyanatı hamının yaxşı yadındadır. Əslində gətirdiyimiz bircə misal göstərir ki, on illər ərzində Eçmiədzinlə yunan poplarını bir-biri ilə qardaşlaşdıranlar üçün ayrı bir siyasi dünyagörüş heç vaxt gündəmdə olmayıb".

Zahid Orucun sözlərinə görə, indi Kipr və Egey dənizi ətrafında özun on illər boyu davam edən savaşların mirasını real siyasətin yeminə çevirməyin faydasını görməyən qalstuksuz lider Sipras üçün Türkiyə ilə gərginlik heç bir cəhətdən faydalı deyil: "Üzücü dərin iqdisadi böhrana son qoymaq gərəkdir.O biri yandan ABŞın çətiri altında mini NATO layihəsi ilə regionda mühüm siyasi təşəbbüslər də Ankara iə sinxronlaşdırmanı tələb edir.Xatırladaq ki, İsrail və İordaniya kimi ölkələri Avroatlantika dünyası ilə daha yaxın hərbi alyansda tutmağı hədəfləyən Vaşinqton sözügedən strategiyanı məhz indi masaya yatırıb və xeyli maliyyə-enerji resurslarını ora yönəldib.Yunan tərəfi Türkiyənin “Avropa Birliyi”ndə lobbiçisinə çevrilmək adı ilə bir neçə məqsədi eyni anda əldə tutmağa çalışır.Yəni, Ankaradan müəyyən ucuz kreditlər qazanılsa, o cümlədən, Rusiyanın sərt sanksiyalar altında üzünü Avrasiyaya çevirdiyi “türk axını” layihəsindən bəhrənilə bilsə, dənizdəki və havadakı Türkiyə ilə dil tapmaq xeyli asanlaşar, yunan sol hökumətinin nəfəsliyi bir qədər genişlənərdi".

Millət vəkili baş verən bu hadisələrə Ermənistan cəmiyyətinin reaksiyasını birmənalı saymır: "

Bəs, İrəvan nədən narahatdır və erməni ekspert camiəsi nə üçün Afina əleyhinə sərt ittihamlar yağdırır? Gerçəkdənmi qədim ellin yurdunun varisləri öz xarici siyasətlərini Paşinyanla uzlaşdırmaq öhdəliyini götürüblər?

Sosial media seqmentində müşahidə olunan mənzərə “yunan xalqının çəkməli olduğu qırmızı xətt”ə köklənib.Yəni, bu boyda tarixi məğlubiyyətlər və qırğınlardan sonra keçmişi unudaraq dövlət maraqlarını üstün tutanları az qala xəyanətkar adalandırmağa hazrdılar.

Erməni bloqosfer dünyası bir başqa millətə şərəf və ləyaqət dərsi keçir, türklərlə barışa gedənləri qətiyyətlə pisləyirlər. 

80 milyonluq Türkiyənin Avrasiya məkanındakı yerini qiymətləndirmədən, onun Rusiya ilə son illər yaxınlaşan hərbi-siyasi əlaqələrinə dərin qiymət vermədən geopolitikanın yedəyində gedən adamlar Yunanıstanın səngər qazaraq, daim Türkiyə ilə bir nömrəli döyüş vəziyyətində olmasını arzulayırlar. Halbuki, İrəvanın hava məkanı Moskvanın əlindədir. Üstəlik, Rusiya incirlikdəki NATO bazalarının hər bir hərəkətini cənub cinahı üçün təhlükə kimi səciyyləndirir və Yaxın Şərq ətrafında heç kəsə getmədiyi güzəştləri türk lideri Ərdoğana təklif edir.

Bəli, Putin Şərqi yaxşı tanıyır və o, Qərbin toqquşdurub ayrımağa çalışdığı iki imperiya varisinin ən azı qarşıdırmasını arzulamadığı açıq nümayiş etdirir.

Ermənistanın yeni hökuməti Afinadan qəzəbli olmaq əvəzinə daha fərqli bir siyasətlə necə qazana biləcəyini doğrudanmı görmür?Paşinyana inqilabın birinci ildönümünə qədər nəyin bahasına olursa olsun Avropaya çıxış yolları lazımdır.Gerçək tranzit, hava və su əraziləri əldə etmədən hər növbəti erməni iqtidarı ənənəvi siyasətə dönməyə məhkum qalacaqdır. Koçaryan, Sarkisyan rejiminin çöküşünün səbəblərini həm də burada axtarmaq lazımdır.Ona görə də demokratik Ermənistanı Türkiyə ilə münasibətləri qurmadan əldə etmək sadəcə xülyadır.

Paşinyan günlər öncə verdiyi müsahibədə ölkəsinin ərazisindən boru kəmərlərinin keçməsi arzusunu dilə gətirmişdi.İlk baxışda, bu coğrafiya bilgisizliyindən əziyyət çəkən adamın siyasi-iqtisadi təcridolmadan xilas üçün hansı psixoloji duruma gəlib çatdıqlarının göstəricisidir.Ona görə Yunanıstandakı 100 minlik erməni icmasına göndərilən gizli diplomatik tapşırıqları bir kənara tullayıb və yüzillik keçmişin girovluğundan xilas olub cəsarətli addımlar atmaq lazımdır.Təkcə erməni liberal-demokratiyasının taleyi deyil, eləcə də bütöv bir millətin təhlükəsizliyi məhz bundan asılıdr.

Bəli, Parisdə, Berlində və ümumən Avropa Birliyində hazırda Türkiyə əleyhinə böyük qəsd planları oynanılır.Ərdoğanın zatən heç vaxt sakit günü olmayıb.Amma İrəvan üçün Ankara və Afina arasında “Troya atı”na çevrilmək səfsəfəsinə birdəfəlik vida deyilməlidir".

Zahid Oruc xüsusi olaraq vurğulayıb ki, dövlətlərin bir nömərli xarici siyasət vəzifəsi dostlarının sayını artırmaqdır: 

"Elə o üzdən Ərdoğan bütün qonşularını nəzərə alıb son görüşündə uca kürsüdən deyirdi ki, “bizim məqsədimiz düşmən” qazanmaq deyil”!

İrəvana öldürülməkdən qorxmadan bu sözləri deyə biləcək şəxsiyyətlər lazımdır!"

Ölkə.Az

ŞƏRH YAZ
0
BAĞLA