Ermənistanın müdafiə naziri hərbi xidmətdə olmayıb — FOTO FAKT

Ermənistanın müdafiə naziri hərbi xidmətdə olmayıb
13:51
11.11.2017
2050
Siyasət
A
Erməni deputat Nikol Paşinyan müdafiə naziri Viqen Sarkisyan haqqında hərbi komissarlığa məktub göndərib.

"Ölkə.Az" həmin məktuba hərbi komissarlığın cavabını oxuculara təqdim edir:

Ermənistan Respublikasının  Milli Məclisinin deputatı Nikol Paşinyana

Hörmətli Nikol Paşinyan 

Sizin 2017-ci il noyabr ayının 1 də № 98-050 nomrəli məktubunuza cavab olaraq bildiririk ki, ərazi hərbi komisarlığının sənədlərinə əsasən  10. 05. 1975-ci il təvvəlüdlü  Vigen Aleksandr Sarksyana təhsilini davam etdirmək məqsədi ilə 2000-ci ilin payız çağrışına qədər  möhlət verilmişdir. Cənab N. Paşinyan, diqqətinizə çatdırıram ki, ER Sillahlı Qüvvələrinin zabit heyyətinin xidmətə çağırılma qanunun 10 bəndinin  “D” nöqtəsinə görə V. Sarksyan ali təhsil aldıqdan sonra hərbi peşəsinə sahib olmaq imkanı əldə etməsinə baxmayaraq, ərazi hərbi komissarlığı tərəfindən 17.10. 2000-ci ildə ehyiyyatda olan zabit  kimi təxris edilib.  19. 10. 2000-ci ildə isə ER Müdafiə nazirinin müavinin №  5730 əmrinə görə  V. Sarkisyana  ehtiyyatda leytenant rütbəsi verilibdir. 

Sonradan ER Müdafiə nazirinin müavinin 19. 10. 2000-ci №  5730 əmri ilə V. Sarkisyan  3 il müddətinə hərbi həqiqi xidmətə çağrılmış və ER Müdafiə nazirliyinin inzibati aparatında Təşkilati təmin etmə şöbəsində referent kimi  xidmət etmişdir. 

Hörmətlə 
general-mayor        H. Muradyan

ŞƏRH YAZ
0

“Təkcə üzr istəmək kifayət deyil” — Ərdoğan qəzəbləndi + VİDEO

“Təkcə üzr istəmək kifayət deyil”
20:56
18.11.2017
4124
Siyasət
A
“Türkiyəni yıxmaq istəyən və bunun üçün fürsət gözləyən çoxlu qüvvələr var”.

“Ölkə.Az” xəbər verir ki, bu barədə Türkiyənin prezidenti Rəcəb Tayyib Ərdoğan bildirib. Onun sözlərinə görə, həmin qüvvələr Türkiyənin dəyərlərinə qarşı təhqirlərə yol verirlər.

“Bizim dövlətimizi yıxmaq üçün girəvə axtaranlara imkan verməməliyik. Allah göstərməsin, bu ölkə üçün təhlükə yaranarsa, bu zaman bizim halımız yaman olar. Ona görə də, Türkiyəni təhqir edən və sonradan üzr istəməklə kifayətlənənləri bağışlamaq olmaz”, - deyə Ərdoğan bildirib.

Ölkə başçısı bildirib ki, Norveçdə keçirilən təlimlər zamanı Mustafa Kəmal Atatürkün şəkili “şərti düşmən” stendində əks olunduqdan sonra edilən üzrxaxlıq kifayət deyil: “Siz dünən Norveçdə NATO-nun təlimləri zamanı Türkiyəyə qarşı hörmətsizliyi gördüz. Helə səhvlər var ki, onlar ağılsız deyil, alçaq insanlar tərəfindən edilir. Bu mövzunun bağlı hesab olunması üçün tək üzr istəmək kifayət deyil”.

Ərdoğan NATO-nun Norveçdəki təlimlərindən türk hərbiçilərinin geriyə çağırılması barədə qərarın qəbul olunduğunu da bildirib.

Qeyd edək ki, Norveçdə qoyulan stenddə düşmənlərin fotoları asılıb. Fotolar içində Mustafa Kamal Atatürkün və Ərdoğanın fotosu olub. Bu hadisədən sonra Ankara Norveçdə keçirilən NATO təlimlərindən 40 hərbçisini geri çağırıb. Bu hadisədən sonra NATO rəsmisi Türkiyədən üzr istəyib. NATO-nun baş katibi Yens Stoltenberqin  üzr istəməsi xəbərini Norveç mətbuatı paylaşıb.

Ziya Səccad
Ölkə.Az

ŞƏRH YAZ
1

Aİ-nin Cənubi Qafqaz üzrə xüsusi nümayəndəsi Bakıya səfər edəcək

Aİ-nin Cənubi Qafqaz üzrə xüsusi nümayəndəsi Bakıya səfər edəcək
18:08
18.11.2017
1907
Siyasət
A
Avropa İttifaqının Cənubi Qafqaz və Gürcüstan üzrə xüsusi nümayəndəsi Toivo Klaar yaxın zamanlarda Bakıya səfər edəcək.

"Ölkə.Az" xəbər verir ki, bu barədə APA-ya Avropa İttifaqının mətbuat ofisindən məlumat verilib.
 
Bildirilir ki, T. Klaar Bakı, İrəvan və Tbilisiyə səfər etməyi planlaşdırır. Səfər Gürcüstandan başlayacaq. O gələn həftə Gürcüstanda Cenevrə Beynəlxalq Müzakirələri həmsədrlərinin hazırlıq məsləhətləşmələrində iştirak edəcək.
 
Aİ-nin mətbuat ofisindən yeni xüsusi nümayəndənin Dağlıq  Qarabağ münaqişəsinin həllinə nə kimi töhfələr verəcəyi ilə bağlı suala da cavab verilib: "Həll olunmamış Dağlıq Qarabağ münaqişəsi regionun sabitliyi və inkişafı üçün əsas maneə olaraq qalır: "Azərbaycan və Ermənistan prezidentləri dəfələrlə atəşkəsə və münaqişənin sülh yolu ilə həllinə sadiq qaldıqlarını bəyan ediblər. Aİ həmçinin Cənubi Qafqaz və Gürcüstan üzrə xüsusi nümayəndə vasitəsi ilə  ATƏT-in Minsk qrupu həmsədrlərinin münaqişənin həlli üzrə səylərini dəstəkləyir və bu səyləri tamamlayır. Aİ Dağlıq Qarabağ münaqişəsinin sülh yolu ilə həlli üzrə Avropa Əməkdaşlıq Proqramının icrası da daxil olmaqla, münaqişə boyunca sülh və etimad tədbirlərini təşviq edir".

ŞƏRH YAZ
0
BAĞLA