\"Əş Şəbab\" terrorçularının əlində olan seks kölələrinin etirafı
"Ölkə.Az" xəbər verir ki, keniyalı Salama Ali itkin düşən iki qardaşının izinə düşüb və qorxulu məlumatlar əldə edib. Onun qardaşları terror qruplaşmasına qoşulmaq üçün Somaliyə gedibmiş. Qruplaşma qaçırdığı qadınları seks köləsi olaraq istifadə edib.
Salama Mombasa bölgəsi və yaxınlıqdakı ərazilərdə kişi qohumları itkin düşən qadınlarla görüşüb və onlardan məlumat toplamağa çalışıb. Nəticədə Salama qadınların məcburən Somaliyə aparıldığını, seks köləsinə çevrildiyini öyrənib.
Yüksək maaş söz verilən qadınlar Keniya və Mombasanın kənd ərazilərindən qaçırılıb. Onlar arasında gənclər, yaşlılar, xristianlar və müsəlmanlar da var.
Salama qadınlara psixoloji dəstək vermək üçün qrup qurub. Bir çox qadın qrupa üzv olub. Buradakı qadınların bəzisi xəstə, bəzisi isə psixoloji sarsıntı keçirən insanlardır. Salama o qadınların anlatdığı bəzi məqamları çatdırır: "Eləsi var ki, deyir ki, həmişə zorlayırdlar. Üç il hamısı məni zorladı. Saylarını da xatırlamıram. Bir başqası deyir ki, hər axşam bir qadını 2-3 kişi zorlayırdı. Bəzi qadınları isə terrorçuların arvadı olmağa məcbur ediblər. Bəziləri isə seks köləsi olaraq fahişəxanalarda saxlanılıb".
"Əş Şəbab" qruplaşması Somalidə şəriət qanunlarının tətbiq edildiyi İslam dövləti qurmaq istəyir. Afrika İttifaqına daxil olan bəzi ölkələr isə buna qarşı mübarizə aparırlar.
"BBC" kanalına müsahibə verən 20-dən çox qadın bir meşədə saxlanıldıqlarını bildiriblər.
Hikmət
Ölkə.Az
