Əsəd Ərdoğanın ürəyini necə fəth etdi?

Əsəd Ərdoğanın ürəyini necə fəth etdi?
22:58
23.11.2017
6887
Analitika
A
“İlk illər İran və Rusiya Bəşər Əsədin hakimiyyətdə qalmasını dəstəkləyirdi, lakin Türkiyə buna qarşı idi. Sonrakı proseslər isə Ərdoğanın bu mövqeyini dəyişdi”.

Bu sözləri politoloq Ceyhun Mahmudlu “Ölkə.Az”a açıqlamasında bildirib. Onun sözlərinə görə, Türkiyə artıq Rusiyanın Suriya siyasətinə yaxınlaşır və hətta Əsədin hakimiyyətdə qalmasına etiraz etməyəcək.

“Əsədin qorxulu yuxusuna çevrilən Ərdoğan “kin”i artıq əriyib. İndi Əsəd rejimi üçün Türkiyədən təhlükə yoxdur. Bu səbəbdən də, Bəşər Əsəd son günlər iddialı çıxışlar edir. Görünür ki, bu görüşdən sonra artıq B.Əsədin hakimiyyətdə qalması tam olaraq dəqiqləşdirilib”, - deyə C.Mahmudlu bildirib.

Siyasətçi onu da vurğulayıb ki, sonuncu Astana görüşündə imkan verdi ki, dünənki Soçi görüşü baş tutsun.

“Düşünürəm ki, Suriya məsələlərinə dair sammit baş tutdu. Bu sonuncu görüş olmayacaq. Suriyada həll edilməli bir çox görüşlər var. Hazırda orada İŞİD problemi açıq olaraq qalıb. Hələ də orada Əsədə müxalif olan qruplar var. Bunlar içərisində Türkiyəyə yaxın olan silahlılar var. Digər məsələ bölgədəki kürdlərin problemidir. Türkiyə onların mövcudluğuna razı deyil. Bundan başqa, Suriyanın federal dövlətə çevrilməsi məsələsi də gündəmdədir. Yəni həll edilməyən bir çox məsələlər var. Buna görə də, Soçi sammitini Suriya probleminin həll edilməsi kimi görmək düzgün deyil”.

Qeyd edək ki, Soçidə dünən keçirilən Rusiya, Türkiyə və İran görüşündən sonra Suriya ilk açıqlamasını verib. Suriya 6 ildir ddavam edən savaşı bitirmək üçün dialoqa açıq olduqlarını bildiriblər. Amma açıqlamada YPG-nin danışıqlar masasına oturub-oturmayacağına dair məlumat verilməyib. Suriya prezidenti Bəşər Əsədin müşaviri Butina Şaban Suriya dövlət xəbər agentliyi vasitəsilə açıqlama verib. Açıqlamada deyilir: "Konqresin uğurlu olması üçün fərqli müxalif qrupların şiddəti dayandırması və silahlarını yerə qoyaraq dialoq yoluna qədəm qoymaları lazımdır".

Ziya Səccad
Ölkə.Az

ŞƏRH YAZ
0

Ekspert: Azərbaycan Prezidenti ilə vətəndaşların canlı təmaslarına müasir dövlət idarəçiliyi sistemində böyük önəm verilir

Ekspert: Azərbaycan Prezidenti ilə vətəndaşların canlı təmaslarına müasir dövlət idarəçiliyi sistemində böyük önəm verilir
21:13
14.01.2019
248
Analitika
A
Azərbaycan dövlətinin sosial siyasətinin dönməz, fasiləsiz və bütün ölkə boyu xarakter daşıdığını Prezident İlham Əliyevin iştirakı ilə Bakının Qaradağ rayonunun Qobustan qəsəbəsində Səhiyyə Nazirliyinin yeni inşa olunan 17 saylı birləşmiş şəhər xəstəxanasının açılışı bir daha göstərdi.

Ölkə.Az" bildirir ki, bunu trend-ə açıqlamasında "Bakı xəbər" qəzetinin baş redaktoru, siyasi ekspert Aydın Quliyev deyib.

Onun sözlərinə görə, xəstəxana kollektivi ilə Prezidentin və birinci xanımın görüşü və orada dövlət başçısının çıxışı ümumiləşdirmələr aparmağa, bir neçə maraqlı nəticələr çıxarmağa əsas verdi:

"Hər şeydən əvvəl ölkə başçısı bölgələrə mütəmadi səfərlər zamanı vətəndaşlara verdiyi sözləri əməli olaraq sonadək tam icra etdiyini, özünün iş normalarından birinə çevirdiyini nümayiş etdirdi. Yəqin ki, Azərbaycanda çoxları bilmirdi ki, Qaradağa sonuncudan əvvəlki səfərdə Prezident yerli sakinlərə sosial obyektlərin tikintisi ilə bağlı hansı vədləri vermişdi. Ancaq hamı gördü ki, Prezident vətəndaşlarla işgüzar ünsiyyətlərində də öz sözünü sonadək, tam şəkildə icra edir və buna xalq qarşısında yüksək borc kimi baxır. Dövlət başçısı ilə yerlərdə vətəndaşların canlı təmaslarına müasir Azərbaycan dövlət idarəçiliyi sistemində böyük önəm verildiyini Qaradağ rayonundakı açılış mərasimlərində bir daha gördük. Dövlət başçısı bir daha insanları canlı təmaslara dəvət etdi və bu canlı təmasların daha səmərəli idarəçilik üçün nə qədər əhəmiyyətli olduğunu çox sadə dildə onlara izah etdi. "Əgər o vaxt mənim qarşımda bu məsələ qaldırılmasaydı, bəlkə də indi bu xəstəxana da tikilməyəcəkdi", - deməklə Prezident-xalq ünsiyyətinin həm yenilməz güc mənbəyi olduğunu, həm də problemlərin həllinin əsas şərti olduğunu ifadə etdi".

Ekspert qeyd edib ki, Prezident bununla həm də cəmiyyətlə canlı təmaslar üçün öz qarşısında hər hansı manəe görmədiyini və bunu vacib hesab etdiyini bildirdi:

"Şübhə yoxdur ki, Prezidentin Qaradağ sakinləri ilə səmimi söhbəti bundan sonra insanları dövlət başçısı ilə işgüzar müstəvidə daha fəal olmağa ruhlandıracaq ki, bu da səmərəli dövlət idarəçiliyi üçün çox vacibdir. Azərbaycan dövləti üçün insanların sağlamlığının əsas strateji hədəflərdən biri olduğuna bir daha əmin olduq. Hər il azı 5 milyon insanın pulsuz tibbi müayinədən keçirildiyini bildirən cənab İlham Əliyev dünyanın nadir ölkələrinin bu yolla getdiyini dedi".

A.Quliyev əlavə edib ki, Qaradağda xəstəxana kollektivi ilə işgüzar və səmimi söhbət Azərbaycan Prezidentinin xalqa növbəti hesabat addımı kimi də dəyərlidir: "İndi hər kəsə yəqindir ki, dövlət başçısı bölgələrə səfərlərinə regionların sosial-iqtisadi mənzərəsini real olaraq dəyişən hadisə kimi baxır və bu imkandan dövlət mənafeyi üçün maksimum istifadə etməyə çalışır. O da dəqiqdir ki, Prezident bölgə səfərlərində insanların hər bir təşəbbüsünə xüsusi önəm verir, xalqın qaldırdığı hər bir məsələni necə və nə vaxt icra edəcəyi barədə özü üçün fəaliyyət planı işləyir. Hər dəfə Prezidentin müxtəlif bölgə sakinləri ilə görüşlərə həvəslə və inamlı getməsinin səbəbi budur. İlham Əliyev verdiyi sözlərin ağası olduğu üçün xalqla canlı ünsiyyətlərdən çəkinmir və belə ünsiyyətlərin təsir gücünə mühüm önəm verir".

Ölkə.Az

ŞƏRH YAZ
0

Ekspert: "Rusiyaya uğursuz səfər Paşinyanın balanslı xarici siyasət doktrinası yarada biləcəyi ilə bağlı son ümidləri də məhv etdi"

Ekspert:
16:48
30.12.2018
687
Analitika
A
Ermənistanın baş naziri vəzifəsini icra edən Nikol Paşinyan növbədənkənar parlament seçkilərindən sonra Moskva səfərinə böyük ümidlərlə getsə də, 2018-ci ilin may ayından Rusiya-Ermənistan münasibətlərində başlanmış gərginlik bir az da dərinləşdi və əslində iki ölkənin münasibətlərindəki aktual problemlərin heç biri həll edilmədi.

"Ölkə.Az" bildirir ki, bunu trend-ə açıqlamasında "Bakı xəbər" qəzetinin baş redaktoru, siyasi ekspert Aydın Quliyev deyib.

Onun sözlərinə görə, səfər çərçivəsində çoxdan gündəmin əsas mövzusu olan qaz satışının qiyməti barədə razılaşma da əldə edilmədi: "Həmçinin səfər zamanı Dağlıq Qarabağ problemi ilə əlaqədar ətraflı müzakirə aparıldığına dair heç bir məlumat yoxdur, iki ölkənin münasibətlərinin konkret məsələlər üzərində dərinləşdiriləcəyinə dair hər hansı mesajlara rast gəlinmədi və s. Üstəlik, Paşinyan formal nəzakət xatirinə olsa belə, Rusiya liderindən seçki və yeni il münasibətilə təbriklər ala bilmədi. Əksinə, Paşinyanın var gücü ilə təqib etdirdiyi siyasi rəqibi olan Robert Koçaryan hətta həbsxanada olduğu halda Rusiya liderindən ad günü ilə bağlı xüsusi təbrik məktubu aldı. Bunlar böyük siyasətdə kiçik faktlar sayılmır və hər birinin cari və perspektiv anlamda böyük mənası var. Faktiki olaraq RF lideri göstərdi ki, Paşinyanın siyasətindən məmnun deyil, Rusiyanın önəm verdiyi siyasi fiqurların siyasi repressiyalara məruz qoyulmasına çox anormal baxır və ən əsası isə budur ki, Putin Koçaryanın ad gününə Paşinyanın öz aləmində böyük dəyər verdiyi seçki qələbəsindən böyük əhəmiyyət verdi".

A.Quliyev qeyd edib ki, Moskvada Putin-Paşinyan danışıqları Rusiyanın hazırda Ermənistanla münasibətlərə regional sülh və inkişaf nöqteyi-nəzərindən hər hansı bir önəm verdiyinə dair heç bir mesaj vermədi:

"Görüşün nəticəsi olaraq daha çox iki tezisin üzərində dayanmağa əsaslar var: "Birincisi odur ki, Paşinyan özünün ziddiyyətli siyasəti ilə iki ölkənin əməkdaşlığına qeyri-müəyyən və narahatlıq doğuran elementlər gətirdi. İkincisi isə Rusiya Ermənistana artıq həm regionda, həm də qlobal miqyasda tam etibarlı tərəfdaş və müttəfiq kimi baxmağa çox ehtiyatla yanaşır. Paşinyanın özünün də görüşdən çox məyus olduğu keçirdiyi mətbuat konfransında ifadə etdiyi baş-ayaq mətləblərdən və narahat emosional vəziyyətdən çox aydın sezilirdi. Paşinyan daxili siyasətdə uğursuz olduğu kimi, xarici siyasət sahəsində də Ermənistanın qarşısındakı vəzifələrin həllində səriştəsiz və bacarıqsız olduğunu ən azı bütün erməni cəmiyyətinə göstərdi".

Ekspert xüsusi vurğulayıb ki, Rusiyanın dövlət elitası və şəxsən Vladimir Putinin özünün bu görüşdən çox maraqlı nəticələr çıxardığını böyük ehtimalla söyləmək olar: "İndi Rusiyada çoxları əmindir ki, Paşinyan böyük regional və qlobal siyasi-iqtisadi-strateji layihələrin səmərəli müzakirə edilə biləcəyi lider deyil. Məncə, Moskvada Putinlə son uğursuz və nəticəsiz müzakirədən sonra həm Rusiyada, həm də daha çox Ermənistanın özündə yeni bir ciddi siyasi fiqurun axtarış cəhdləri intensivləşəcək. Moskvadakı uğursuzluq Paşinyanın balanslı xarici siyasət doktrinası yarada biləcəyi ilə bağlı kimlərdəsə olan-qalan son ümid işartılarını da məhv etdi. Ermənistanın daxili və xarici siyasətdə yeni silsilə uğursuzluqlar mərhələsinin əsasının qoyulduğunu düşunmək olar".

Ölkə.Az

ŞƏRH YAZ
0
BAĞLA