Əsgər görüşünə gedən ailə qəzaya düşdü — Ölən və yaralılar var

Əsgər görüşünə gedən ailə qəzaya düşdü
16:06
12.11.2017
4570
Hadisə
A
Beyləqana əsgər görüşünə gedən ailə qəzaya düşüb.

Hadisə rayonun Binnətli kəndində baş verib. Ağstafa rayon sakini 1952-ci il təvəllüdlü Əhmədov Nizami Əhməd oğlu idarə etdiyi “QAZ” markalı minik maşınını maneəyə çırpması nəticəsində avtomobildə yanğın baş verib.

Hadisə yerinə FHN-nin yanğınsöndürənləri cəlb olunaraq yanğını söndürüb. Qəza nəticəsində avtomobilin sərnişini Ağstafa rayon sakini 1962 ci il təvəllüdlü Salahov Bəhruz Kakoy oğlu hadisə yerində ölüb. Sürücü N.Əhmədov və sərnişinlər - Ağstafa rayon sakinləri 1958 təvəllüd Hacıyeva Südabə Kakoy qızı, və 1960-cı il təvəllüdlü Əhmədova Gülüstan Kakoy qızı Beyləqan Mərkəzi Rayon Xəstəxanasına çatdırılıb.

Xəstəxanadan verilən məlumata görə, G. Əhmədovanın vəziyyəti ağır olduğundan reanimasiya şöbəsinə yerləşdirilib və paytaxtdan həkim qrupu çağırılıb. (APA)

Ölkə.Az

ŞƏRH YAZ
0

Bakıda dəhşətli qəza: 4 nəfər öldü — Birinin meyiti tanınmaz haldadır + VİDEO + YENİLƏNİB

Bakıda dəhşətli qəza: 4 nəfər öldü
20:44
Bu gün
4273
Hadisə
A
"Bakı şəhərində minik avtomobilinin elektrik dirəyinə çırpılması nəticəsində ölənlərdən üçünün şəxsiyyətini dəqiqləşdirmək mümkün olub".

"Ölkə.Az" xəbər verir ki, bunu "Report"a açıqlamasında Bakı şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov bildirib. 

Onun sözlərinə görə, hazırda faktla bağlı Xətai rayon Polis idarəsində araşdırma başlanılıb: "Ölənlərdən birinin meyiti tanınmaz halda olduğundan onun şəxsiyyətini dəqiqləşdirmək mümkün olmayıb. Hadisənin hansı səbəbdən baş verdiyi araşdırılır".

***
Bakıda ağır yol nəqliyyat hadisəsi baş verib.

"Ölkə.Az" xəbər verir ki, hadisə Nobel prospektində qeydə alınıb.  

Məlumata görə, "Hyundai Elantra" markalı minik avtomobili yol kənarındakı elektrik dirəyinə çırpılıb. Nəticədə 4 nəfər hadisə yerində ölüb. Ölənlərin şəxsiyyəti dəqiqləşdirilir.

Faktla bağlı araşdırma aparılır. 

Ölkə.Az

ŞƏRH YAZ
0

Ər-arvad qonşuları tərəfindən döyüldü

Ər-arvad qonşuları tərəfindən döyüldü
15:25
Bu gün
2872
Hadisə
A
Ağstafa rayonunda ər-arvad qonşuları tərəfindən döyülüb.

"Ölkə.Az"ın Report-a istinadən verdiyi məlumatına görə, hadisə rayonun Köçəsgər kəndində qeydə alınıb. 

Belə ki, həmin kəndin sakinləri - 1987-ci il təvəllüdlü Ramiz Aslan oğlu Sultanov və həyat yoldaşı, 1988-ci il təvəllüdlü Aliyə Zahid qızı Sultanova qonşuları tərəfindən döyülərək müxtəlif dərəcəli bədən xəsarətləri alıblar. Onların hər ikisi xəstəxanaya yerləşdirilib və lazımi tibbi yardım göstərilib. Vəziyyətlərinin orta-ağır olduğu bildirilir.

Məlumata görə, qonşular arasında müxtəlif səbəblərdən əvvəllər də mübahisə yaşanırmış.

Faktla bağlı araşdırma aparılır.

ŞƏRH YAZ
0
BAĞLA