Əsgərlikdən gəlib sevdiyi qıza təcavüz edib — MƏHKƏMƏ HÖKMÜ

Əsgərlikdən gəlib sevdiyi qıza təcavüz edib
21:31
21.08.2017
225
Hadisə
A
Bakıda sevdiyi qıza təcavüz etməkdə təqsirli bilinən Laçın rayon sakini, 1995-ci il təvəllüdlü Emin Alıyevin cinayət işi üzrə məhkəmə prosesi başa çatıb.

Ölkə.Az Publika.az-a istinadən xəbər verir ki, E.Alıyevin ailəsi 1992-ci ildə Laçın rayonundan məcburi köçkün düşüblər və Yasamal rayonunda “Qanlıgöl” yaşayış massivi, yeni məhəllədə məcburi köçkün kimi məskunlaşıblar.

1995-ci ildə anadan olan Emin yetkinlik yaşına çatandan sonra Dövlət Sərhəd Xidmətinin “N” saylı hərbi hissəsində kiçik çavuş rütbəsində xidmət etməyə başlayıb. O, xidmətdə olduğu müddətdə məzuniyyətə gəlib və elə məzuniyyətdə olduğu zaman da sevgilisinə təcavüz edib.

O, tanışı, 1999-cu il təvəllüdlü Samirə Məlikovanı (ad və soyad şərti verilib – red.) sevdiyinə inandırıb. Qızın yaşadığı ünvana gəlib.

Orada aralarında olan münasibətlər barədə onunla söhbət etmək niyyətində olduğunu bildirib. Bəhanə gətirib ki, ətrafda olan insanların onları görməsini istəmir. Beləcə, Samirəni aldadıb və onu heç kəsin olmadığı hündürmərtəbli binanın birinci mərtəbəsində yerləşən qeyri-yaşayış sahəsinə dəvət edib.

Samirə də Eminin sevgi münasibətinə inanıb və onun dəvəti ilə həmin yerə gedib. Orada Emin qızı qucaqlayaraq zorakılıq göstərib.

Samirə oradan qaçmaq istəyib, ona müqavimət göstərib və qışqıraraq köməyə adam çağırıb.

Buna baxmayaraq, Emin qızın hərəkətini məhdudlaşdırıb və ona fiziki güc göstərib. Amma Samirənin yenə də müqavimət göstərdiyini görən Emin onu döyərək bədən xəsarətləri yetirib.

Daha sonra onu güclə soyundurub və cinsi əlaqədə olub. Bundan sonra qızla evlənəcəyinə vəd edib və bu barədə heç kimə deməməsini tapşırıb.

Lakin Samirə ona inanmayıb və polisə şikayət edib. Şikayət əsasında E.Alıyev həbs edilib.

O, Cinayət Məcəlləsinin 150.2.3-cü (təqsirkar üçün aşkar surətdə yetkinlik yaşına çatmayan şəxs barəsində seksual xarakterli zorakılıq hərəkətləri etmək) maddəsi ilə ittiham edilib.

Bakı Ağır Cinayətlər Məhkəməsinin hökmü ilə E.Alıyev 7 il müddətinə azadlıqdan məhrum edilib. Hökmdən narazı qalıb və apelyasiya şikayəti verib.

O, hökmün ləğv edilməsini, bəraət hökmünün çıxarılmasını istəyib. Hesab edib ki, zərərçəkmiş şəxsə qarşı heç bir seksual xarakterli zorakılıq hərəkətləri etməyib.

Onun sözlərinə görə, zərərçəkmiş şəxsin verdiyi ifadələr ziddiyyətli olmaqla işin faktiki hallarına uyğun deyil.

Emin iddia edib ki, Samirə ilə aralarındakı münasibət könüllü olub. Buna görə də o, zorlama və seksual xarakterli zorakılıq hərəkətləri iddiası ilə razı deyil.

Şikayətə Bakı Apelyasiya Məhkəməsində baxılıb. Hakim Əmir Bayramovun sədrliyi ilə baş tutan prosesdə E.Alıyevin apelyasiya şikayətinin təmin edilməməsi barədə qərar qəbul edilib.

Bu qərardan narazı qalan E.Alıyev kasasiya şikayəti verib. Onun kasasiya şikayətinə Ali Məhkəmədə hakim İlham Cəfərovun sədrlik etdiyi kollegiyada baxılıb. Hakim heyəti onun kasasiya şikayətini də təmin etməyib.

ŞƏRH YAZ
0

Metroda gənc özünü qatar yoluna atıb

Metroda gənc  özünü qatar yoluna atıb
10:19
Bu gün
185
Hadisə
A
Bu gün saat 09:25-də "Bakı Metropoliteni" QSC-nin "Koroğlu" stansiyasında insident baş verib.

Qurumun mətbuat xidmətinin rəhbəri Nəsimi Paşayevin "Ölkə.Az"a verdiyi məlumata görə, gənc oğlan özünü "Həzi-Aslanov" - "İçərişəhər" istiqamətində hərəkət edən qatarın yoluna atıb. 

Bununla bağlı maşinistə məlumat verilib və o, qatarı saxlayıb. Qatar yolundakı gərginlik dayandırılıb və oğlan oradan çıxarılıb. Hazırda qatarların hərəkəti normal qaydada davam edir.

ŞƏRH YAZ
0

13 yaşlı qız oğurlanaraq zorakılığa məruz qaldı — ŞOK HADİSƏ

13 yaşlı qız oğurlanaraq zorakılığa məruz qaldı
09:57
Bu gün
276
Hadisə
A
Bakı Ağır Cinayətlər Məhkəməsində azyaşlı qıza qarşı seksual xarakterli zorakılıq hərəkətləri edən şəxsin məhkəməsi başlayır.

“Ölkə.Az”ın məlumatına görə, cinayət məcəlləsinin 150.3.3-cü maddəsi ilə təqsirləndirilən Yaqub Ağabala oğlu Zöhrabovun məhkəməsinə hakim Ramella Allahverdiyeva sədrlik edəcək. 

İttiham aktına görə, bu il yanvar ayının 9-da Nailə Mirzəyeva (ad şərtidir) Sabunçu rayon polis İdarəsində itkin kimi qeydiyyata alınıb. Belə ki, Maştağa qəsəbəsi 5 d ünvanında yaşayan 13 yaşlı Nailə Mirzəyeva iki gün əvvəl yaşadığı evdən çıxıb və geri qayıtmayıb. Bundan sonra uşağın valideyinləri polisə müraciət ediblər. Uşağın atası Namiq Mirzəyev polisdə ifadə verərəkən bildirib ki, qızı evdən çıxarkən əynində açıq qəhvəyi rəngdə parça gödəkçə, qara rəngli cins şalvar və göy rəngli ayaqqabı olub. Ata iddia edib ki, Nailə Mirzəyevanı tanımadığı şəxslər aldadaraq oğurlayıblar. Üç qız atası olan Namiq Mirzəyevin sözlərinə görə, qızı bir neçə dəfə həyətdə kiminləsə söhbət edib. Bu isə atasında şübhələr yaradıb. Buna görə də qızına evdən çölə çıxmaması ilə bağlı xəbərdarlıq edib.

İlkin araşdırmalar zamanı məlum olub ki, Nailə Mirzəyevanın telefonu olmayıb. O, qızını hətta məktəbə getməyə də qoymurmuş. Faktla bağlı Sabunçu rayonu 14-cü polis bölməsində araşdırmalara başlanılıb və atanın ehtimalları düz çıxıb. Həqiqətən Nailə Mirzəyevanın Y.Zöhrabov tərəfindən aldadaraq oğurlandığı məlum olub. Y.Zöhrabov 13 yaşlı qızı aldadaraq ona qarşı zor tətbiq edərək seksual xarakterli hərəkətlər edib.

ŞƏRH YAZ
0
BAĞLA