Əsgərlikdən gəlib sevdiyi qızı kimsəsiz binaya apardı və... — Bakıda İNANILMAZ TƏCAVÜZ olayı

Əsgərlikdən gəlib sevdiyi qızı kimsəsiz binaya apardı və...
16:42
21.08.2017
553
Hadisə
A
Bakıda sevdiyi qıza təcavüz etməkdə təqsirli bilinən Laçın rayon sakini, 1995-ci il təvəllüdlü Emin Alıyevin cinayət işi üzrə məhkəmə prosesi başa çatıb.

"Ölkə.Az" publika.az-a istinadən xəbər verir ki, E.Alıyevin ailəsi 1992-ci ildə Laçın rayonundan məcburi köçkün düşüblər və Yasamal rayonunda “Qanlıgöl” yaşayış massivi, yeni məhəllədə məcburi köçkün kimi məskunlaşıblar.

1995-ci ildə anadan olan Emin yetkinlik yaşına çatandan sonra Dövlət Sərhəd Xidmətinin “N” saylı hərbi hissəsində kiçik çavuş rütbəsində xidmət etməyə başlayıb. O, xidmətdə olduğu müddətdə məzuniyyətə gəlib və elə məzuniyyətdə olduğu zaman da sevgilisinə təcavüz edib.

Sevgi münasibəti

O, tanışı, 1999-cu il təvəllüdlü Samirə Məlikovanı (ad və soyad şərti verilib – red.) sevdiyinə inandırıb. Qızın yaşadığı ünvana gəlib.

Orada aralarında olan münasibətlər barədə onunla söhbət etmək niyyətində olduğunu bildirib. Bəhanə gətirib ki, ətrafda olan insanların onları görməsini istəmir. Beləcə, Samirəni aldadıb və onu heç kəsin olmadığı hündürmərtəbli binanın birinci mərtəbəsində yerləşən qeyri-yaşayış sahəsinə dəvət edib.

Zorakılıq

Samirə də Eminin sevgi münasibətinə inanıb və onun dəvəti ilə həmin yerə gedib. Orada Emin qızı qucaqlayaraq zorakılıq göstərib.

Samirə oradan qaçmaq istəyib, ona müqavimət göstərib və qışqıraraq köməyə adam çağırıb.

Zorlama

Buna baxmayaraq, Emin qızın hərəkətini məhdudlaşdırıb və ona fiziki güc göstərib. Amma Samirənin yenə də müqavimət göstərdiyini görən Emin onu döyərək bədən xəsarətləri yetirib.

Daha sonra onu güclə soyundurub və cinsi əlaqədə olub. Bundan sonra qızla evlənəcəyinə vəd edib və bu barədə heç kimə deməməsini tapşırıb.

Cinayət işi

Lakin Samirə ona inanmayıb və polisə şikayət edib. Şikayət əsasında E.Alıyev həbs edilib.

O, Cinayət Məcəlləsinin 150.2.3-cü (təqsirkar üçün aşkar surətdə yetkinlik yaşına çatmayan şəxs barəsində seksual xarakterli zorakılıq hərəkətləri etmək) maddəsi ilə ittiham edilib.

7 il cəza

Bakı Ağır Cinayətlər Məhkəməsinin hökmü ilə E.Alıyev 7 il müddətinə azadlıqdan məhrum edilib. Hökmdən narazı qalıb və apelyasiya şikayəti verib.
O, hökmün ləğv edilməsini, bəraət hökmünün çıxarılmasını istəyib. Hesab edib ki, zərərçəkmiş şəxsə qarşı heç bir seksual xarakterli zorakılıq hərəkətləri etməyib.

Onun sözlərinə görə, zərərçəkmiş şəxsin verdiyi ifadələr ziddiyyətli olmaqla işin faktiki hallarına uyğun deyil.

O iddia edib ki, Samirə ilə aralarındakı münasibət könüllü olub. Buna görə də o, zorlama və seksual xarakterli zorakılıq hərəkətləri iddiası ilə razı deyil.
Şikayətə Bakı Apelyasiya Məhkəməsində baxılıb. Hakim Əmir Bayramovun sədrliyi ilə baş tutan prosesdə E.Alıyevin apelyasiya şikayətinin təmin edilməməsi barədə qərar qəbul edilib.

Bu qərardan narazı qalan E.Alıyev kasasiya şikayəti verib. Onun kasasiya şikayətinə Ali Məhkəmədə hakim İlham Cəfərovun sədrlik etdiyi kollegiyada baxılıb. Hakim heyəti onun kasasiya şikayətini də təmin etməyib.

ŞƏRH YAZ
0

Əvvəl yeyib içdilər, sonra əlbəyaxa davaya çıxdılar — Yaralanan var

Əvvəl yeyib içdilər, sonra əlbəyaxa davaya çıxdılar
01:29
Bu gün
161
Hadisə
A
Abşeron rayonunun Xırdalan şəhərində bıçaqlanma olub.

"Ölkə.Az" “Report”a istinadən xəbər verir ki, 1978-ci il təvəllüdlü Zeynalov Mahir Rafiq oğlu kafedə yeyib- içdikdən sonra tanışı ilə əlbəyaxa dava edib.

O, əvvəlcə döyülüb, daha sonra isə tanışı ona iki bıçaq zərbəsi vurub. Yaralı 1 saylı Kliniki Tibbi Mərkəzə yerləşdirilib.

Faktla bağlı Abşeron Rayon Polis İdarəsi tərəfindən araşdırma aparılır.

Ölkə.Az

ŞƏRH YAZ
0

Motosikleti aşırdı — Ağır yaralandı

Motosikleti aşırdı
00:33
Bu gün
279
Hadisə
A
Saatlı sakini motosikleti idarə edərkən aşırıb və ağır yaralanıb.

"Ölkə.Az"ın APA-ya istinadən məlumatına görə, 23.30 radələrində Saatlı rayonunun Heydərabad kəndində yol-nəqliyyat hadisəsi qeydə alınıb. Saatlı sakini 1989-cu il təvəllüdlü Cəfərov Elgün Cəfər oğlu idarə etdiyi motosikleti aşırıb. Nəticədə bel nahiyəsindən ağır xəsarət alan yaralı Saatlı rayon xəstəxanasına, daha sonra isə Şirvan şəhər xəstəxanasına yola salınıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA