"Etika - Media Məktəbi" layihəsi çərçivəsində Gəncə şəhərində 100 gəncə təlim keçirildi — FOTOLAR

14:53
19.05.2017
176
Ölkə
A

"Ölkə.Az" xəbər verir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2017-ci il qrant müsabiqəsində qalib gələrək maliyyələşdirdiyi, Gənclərin Sağlam İnkişafı İctimai Birliyinin təşkilatçı qismində iştirak etdiyi “Etika-Media Məktəbi” layihəsinə ilkin olaraq Gəncə şəhərindən start verilib.

Təlimin ilkin mərhələsi may ayının 17-si Gəncə Dövlət Universitetində, Gəncə Şəhər İcra Hakimiyyəti rəsmilərinin və 100 nəfərə yaxın gənc tələbənin iştirakı ilə baş tutub. Təlimin növbəti hissəsi daha sonra 18 May tarixində Gəncə Şəhər Yeni Azərbaycan Partiyasının inzibati binasında “Gənclərin Sağlam İnkişafı İctimai Birliyi” və partiya rəsmilərinin iştirakı ilə davam edib.  

Təlimlərin gedişi zamanı qeyd olunmuşdur ki, məqsəd Azərbaycan mediasında yeni düşüncəyə malik və həmçinin dövlətin maraqlarını hər şeydən üstün tutan gənc jurnalist ordusunun yaranmasına dəstək olmaqdır. Jurnalistikanın əsas məqsədi vətəndaşların cəmiyyətdə fəaliyyət göstərə bilmələri üçün onları dəqiq və etibarlı məlumatlarla təmin etməkdir. Güclü media cəmiyyətdə maarifləndirmə işini irəliyə aparır və dayanıqlı inkişafı sürətləndirir. Medianın güclü olması jurnalistlərin öz işlərində peşəkar bacarıqlara və ümumi standartlara nə dərəcədə yiyələnmələrindən asılıdır. Azərbaycanın informasiya kommunikasiya texnologiyaları sahəsindəki uğurları ölkədə internet istifadəçilərinin sayını artırmışdır.

Birliyin sədri Məmməd Gülməmmədov “Biz informasiya müharibəsində gənclərimizin düşmənlərlə mübarizəsinə ehtiyac duyuruq. Gənclərin əsasən sosial mediada aktiv fəaliyyətinin təbliği və onların yetişdirilməsi üçün belə bir layihənin keçirilməsini planlaşdırdıq”,- deyə çıxışı zamanı qeyd etmişdir.

Təlimin sonunda layihə iştirakçıları sertifikatlar ilə təltif edilmişlər.

“Etika-Media Məktəbi” layihəsi 3 ay müddətinə nəzərdə tutulsa da 1 il davam edəcək. Gəncə şəhərindən sonra Mingəçevir və Yevlax şəhərlərindən daha 100 nəfər gəncin cəlb edilməsi ilə layihə davamlılığını qoruyacaq. Bundan başqa, müfəssəl hazırlanmış təlim proqramı və praktik məşğələlər vasitəsi ilə jurnalistikaya dair müasir bilik və bacarıqlar öyrədiləcək. Daha sonra layihənin son mərhələsi olaraq Bakıda gənclərə kurslar təşkil olunacaq.

Ölkə.Az

ŞƏRH YAZ
0

Konstitusiya Məhkəməsinin hakimi Südabə Həsənovanın qardaşı oğlu yenidən hakim qarşısında — SƏBƏB

Konstitusiya Məhkəməsinin hakimi Südabə Həsənovanın qardaşı oğlu yenidən hakim qarşısında
17:48
Bu gün
507
Ölkə
A
Nəsimi Rayon Məhkəməsində vətəndaşın əmlakını mənimsəyən şəxsin məhkəməsi başlayır.

“Ölkə.Az”ın xəbərinə görə, cinayət məcəlləsinin 179.2.4-cü maddəsi ilə təqsirləndirilən Həsənov Yalçın Rəşid oğlunun məhkəməsinin hazırlıq iclası may ayının 23-də hakim Babək Pənahovun sədrliyi ilə keçiriləcək. Qeyd edək ki, Südabə Həsənovanın qardaşı oğlu Y.Həsənov cinayət işində zərərçəkən qismində tanınan Rəhmanova Mehriban Əjdər qızına 7500 manat dəyərində ziyan vurub. 

Adı “ekstazi işi”ndən ictimaiyyətə bəlli olan Yalçın Rəşid oğlu Həsənovun adı bu dəfə Bakı sakini Mehriban Rəhmanovaya qarşı fırıldaqda hallanır. Belə ki, Yalçın Həsənov onun evini kirayə götürüb və evdəki bütün əşyaları mənzil sahibibəsinin icazəsi olmadan satıb.

M.Rəhmanova deyib ki, Yalçın Həsənov mənzili kirayə götürərkən özünü vəzifəli şəxsin qohumu kimi təqdim edib. Yalçın adlı şəxsə güvənib evini kirayə verən M.Rəhmanovanın sözlərinə görə, o, evdəki bütün əşyaları satıb, boş evdə “bomj” kimi yaşayıb:

“İnternet saytlarına mənzilimi kirayə verməyimlə bağlı elan yerləşdirdim. 2017-ci il 23 dekabr tarixində mənzilimi 1979-cu il təvəllüdlü Yalçın Rəşid oğlu Həsənova kirayəyə verdim. O, özünü keçmişdə Ali Məhkəmədə və Ədliyyə Nazirliyində çalışan Südabə Həsənovanın ( S.Həsənova indi Konstitusiya Məhkəməsinin hakimidir) qardaşı oğlu kimi təqdim etdi. Bununla da mənim etimadımı qazandı. Mən fikirləşdim ki, ölkədə belə yüksək və etibarlı hüquq sahəsində çalışan şəxsin qohumu da etibarlı biri olmalıdır. Əks təqdirdə, belə insanlar yüksək vəzifələrdə çalışmazdılar. Buna görə də, mən mənzilimi sonradan cinayətkar çıxan şəxsə verdim. Yalçın Həsənov məni əmin etdi ki, mənzilimdə həyat yoldaşı ilə uzun müddət yaşayacaq, mən də evimi ona kirayə verdim. Onun sözlərinə əsasən, 2 övladı anası ilə yaşayır və yalnız həftəsonları mənzilə gələcəklər. Sonra isə biz müqavilə bağladıq, o şəxsiyyət vəsiqəsini təqdim etdi, mən isə ona mənzilin açarını verdim. Bir ay ərzində mən ”whatsapp” vasitəsilə onun xanımı Fira ilə əlaqə saxladım. Mənzil pulunu vermədilər, telefonlarımı açmırdılar, daha sonra isə mənim nömrəmi qara siyahıya əlavə etdilər. 2018-ci il 25 yanvar tarixində mən bir neçə şahidlə mənzilimə daxil olub ev əşyalarımın oğurlandığını gördüm. Polisə müraciət etdim. 2 gün sonra onu, yəni Yalçın Həsənovu mənim mənzilimdə həbs etdilər. O, son günədək heç nə olmamış kimi mənzildə yaşamağa davam edib. O, “bomj” kimi döşəmədə yatırmış. Çünki evdəki bütün əşyaları satıb”.

 

Ev sahibəsi əlavə edib ki, Y. Həsənovun əvvəllər vəzifədə olmuş atası dəymiş ziyanı ödəyəcəyini vəd etsə də, sonda heç nə əldə edə bilməyib:

“Onu həbs etdikdən sonra Nəsimi RPİ-nin 19-cu polis bölməsinə atası Rəşid Həsənov gəldi. Oğlunu həmin gün azad etdilər, atası söz verdi ki, mənzildən satdığı bütün əşyaları 3 gün ərzində geri qaytaracaq. Lakin heç kim heç nə qaytarmadı. Mənə 7500 manat dəyərində zərər veriblər. Hazırda barəsində Cinayət Məcəlləsinin israf etmə maddəsi ilə cinayət işi başlanıb”.

Qeyd edək ki, sonradan Y.Həsənov barəsində Nəsimi Rayon Məhkəməsi tərəfindən barəsində həbs-qətimkan tədbiri seçilib.

Xatırladaq ki, Xəzər rayonunun keçmiş prokuroru Rəşid Həsənovun oğlu olan Yalçın Həsənov 2008-ci ildə Türkiyədən Azərbaycana daşınan uyuşdurucu – ekstazi işinə görə o dövrdə fəaliyyətdə olan Milli Təhlükəsizlik Nazirliyinin əməkdaşları tərəfindən həbs edilmişdi. Onunla bərabər mərhum xalq artisti İlhamə Quliyevanın oğlu Orxan Nadirov, Bakı şəhərinin sabiq prokuroru Ədalət Mirsalamovun oğlu Mahir Mirsalamov və daha 11 nəfərin tutulmuşdular. Yada salaq ki, Rəşid Həsənov 2011-ci ildə əfv sərəncamı əsasında həbsdən azad edilib.

ŞƏRH YAZ
0

Banka hücum edən şəxsin məhkəməsi başladı

Banka hücum edən şəxsin məhkəməsi başladı
17:43
Bu gün
444
Ölkə
A
Bu gün Bakı Ağır Cinayətlər Məhkəməsində quldurluqda təqsirləndirilən Nazim Məmmədovun cinayət işi üzrə məhkəmə iclası başlayıb.

“Ölkə.Az”ın xəbərinə görə, hakim Səbuhi Hüseynovun sədrliyi ilə keçirilən prosesdə N.Məmmədovun müdafiəsinə yeni vəkilin qoşulduğu elan edilib.

Vəkil işlə tanış olmaq üçün məhkəmədən vaxt istəyib.

Növbəti məhkəmə iclası mayın 29-na təyin edilib.

Qeyd edək ki, hadisə ötən il “Turan Bank” ASC-nin Yasamal filialında baş verib. Naməlum şəxs bankda müştəri olan, 1967-ci il təvəllüdlü Səriyyə Nəcəfovanın arxasına keçib və bıçağı onun boğaz nahiyəsinə dirəyib. Həmin şəxs xəzinədarlıqdan pul verilməsini tələb edib, əks halda, qadını öldürəcəyini deyib. Bu zaman mühafizə siqnalizasiyası işə düşüb və hadisə yerinə polis əməkdaşları cəlb edilib. Polis əməkdaşları həmin şəxsi tərksilah edərək tutub. Həmçinin ondan soyuq silah hesab edilən bıçaq götürülüb. Araşdırma zamanı həmin şəxsin paytaxtın Yasamal rayon sakini, 1967-ci il təvəllüdlü Məmmədov Nazim Novruz oğlu olduğu müəyyən edilib.

ŞƏRH YAZ
0
BAĞLA