Etimad İsmayılovu qətlə yetirən keçmiş polis rəisi Gözəl Dəmirov həbs edildi

“Ölkə.Az” xəbər verir ki, Etimad digər azərbaycanlı iş adamı və şəriki Gözəl Dəmirov tərəfindən odlu silahla öldürülüb.

İnşaat işləri ilə məşğul olan və aralarında borc məsələsi olan şəriklər arasında mübahisə düşüb. Mübahisə davaya çevrilib. Bu zaman Dəmirov silahını çəkərək şərikinə 3 dəfə atəş açıb. Güllələrdən ikisi onun başına, biri isə ürəyinə dəyib. Silah səsi eşidən ətrafdakı insanlar polisə və təcili tibbi yardıma zəng vurub. Dəmirov isə hadisə yerindən qaçıb.

Məlum olub ki, Gözəl Dəmirov bir müddət Azərbaycanda polis rəisi işləyib. Cinayətdən 4 saat sonra İstanbul polisinin keçirdiyi əməliyyat nəticəsində Gözəl Dəmirov Beşiktaş səmtində saxlanılıb.

Təqaüddə olan Gözəl Dəmirov 1990-cı illərdə Azərbaycanda rayon polis şöbəsinin rəisi işləyib. Eyni zamanda Bakıda soyuducu istehsal edən zavodun direktoru olub. Azərbaycanda və Türkiyədə iş qurub.

Hikmət Həsənov
Ölkə.Az