ETNS DİN-lə reydlərə başladı

ETNS DİN-lə reydlərə başladı
11:33
10.08.2018
1725
Ölkə
A
Xəzər dənizi problemləri içərisində dəniz suyunun çirklənməsi və bununla əlaqədar ekoloji şəraitin korlanması son zamanların ən mühüm problemlərindəndir.

Ekologiya və Təbii Sərvətlər Nazirliyinin mətbuat xidmətindən "Ölkə.Az"a verilən məlumata görə, Xəzər dənizinin əsas çirklənmə mənbələri onun sahillərində, hövzəsində və akvatoriyalarında yerləşən şəhərlərin və sənaye obyektlərinin tullantı suları, dəniz nəqliyyatından və neft mədənlərindən daxil olan müxtəlif çirkləndiricilərdir.

Respublikanın sahil zolağında yerləşən rayonların əksəriyyətində tullantı sularının təmizlənərək dənizə axıdılması üçün təmizləyici qurğular quraşdırılmadığından və ya quraşdırılan qurğuların fəaliyyətləri qənaətbəxş olmadığından qeyd edilən ərazilərdə formalaşan müxtəlif tərkibli qarışıq tullantı suları təmizlənmədən təbii axarlara və Xəzər dənizinə axıdılır. Bu da həmin rayonların sahil zolağının rekreasiya əhəmiyyətli və digər sahələrində ərazilərin ekoloji vəziyyətinin pozulmasına, antisanitar vəziyyətin yaranmasına gətirib çıxarır, eyni zamanda ekoturizmin inkişafına mənfi təsir göstərir.

Xəzər dənizinin sahil zolağında və çimərliklərdə məişət tullantılarının atılması, qalaqlanması, çirkab suların dənizə axıdılması hallarının qarşısının alınması məqsədilə Ekologiya və Təbii Sərvətlər və Daxili İşlər nazirliklərinin əməkdaşları tərəfindən artıq Xaçmaz, Lənkəran rayonları və Sumqayıt şəhərinin sahil zonalarında reydlər başa çatıb. Hazırda reydlər Bakı şəhərinin inzibati rayonlarının sahil zolağında davam etdirilir.

Reydlər zamanı qanunvericiliyin tələblərinə riayət etməyən istirahət mərkəzləri və ictimai-iaşə obyektləri barəsində qanunamüvafiq tədbirlər görülüb və nöqsanların aradan qaldırılması məqsədilə obyekt sahiblərinə icrası məcburi olan müddətli “məcburi göstəriş”lər verilib.

Ölkə.Az

ŞƏRH YAZ
0

Azərbaycanda koronavirus qorxusu — Həvəslə gözlədiyimiz poçt bağlamaları təhlükə saçır - ARAŞDIRMA

Azərbaycanda koronavirus qorxusu
18:31
Bu gün
17
Ölkə
A
Son günlərdə həkimlər ciddi ajiotaj yaradan koronavirusun ilkin əlamətləri olaraq soyuqdəymə, zökəm, qızdırma simptomlarını həyəcan təbili kimi qiymətləndirirlər. Azərbaycanda bu virusa yoluxma halları aşkarlanmayıb. Lakin həkimlərin sözlərinə görə, virusun ölkəmizə keçmə riski də istisna edilmir.

Ən son məlumatlara görə, Çində koronavirusdan ölənlərin sayı 106 nəfəri, təsdiqlənmiş yoluxma hallarının ümumi sayı isə 4,1 min nəfəri keçib. İctimaiyyəti narahat edən məqam isə bu xəstəliyin epidemiya halına çevrilmə ehtimalıdır. Həkimlər hələ də naməlum etimologiyalı koronavirusla doğru mübarizə yollarını tapa bilmirlər.

"Ölkə.Az" xəbər verir ki, məsələ ilə bağlı Oxu.Az kiçik bir araşdırma edərək bir neçə suala cavab tapmağa çalışıb.

Hazırda Çində xəstəliyin yayıldığı əyalətlərdə karantin elan edilib. Karantin elan olunmasına baxmayaraq, Çindən Azərbaycana gələn insanlar, eləcə də, gətirilən müxtəlif növ məhsullarla virusun ölkəmizə yayılması ehtimalı varmı? İnsanların həkim yoxlamasından keçməsi, məhsulların isə dezinfeksiya edilməsi virusun yayılmasının qarşısını almağa kifayət edirmi? Çindən Azərbaycana poçt yolu ilə daxil olan bağlamalar nə qədər risklidir?

Mövzu ilə əlaqədar Səhiyyə Nazirliyinin baş epidemioloqu İbadulla Ağayev redaksiyamıza bildirib ki, təhlükə saçan koronavirusun insanlara əşyalar vasitəsi ilə keçməsi mümkündür:

“Ümumiyyətlə, hər bir virusun insana yoluxma yolu var. Əgər siz öskürürsünüzsə, əşyalarınız başqa bir insan üçün təhlükəli ola bilər. Çünki öskürən zaman əşyanın üzərinə düşən ağız seliyi başqa bir şəxsləri də yoluxdurmağa kifayət edir. 

Tək koronavirus yox, bütün viruslar belədir. Bu səbəbdən koronavirusun əşyalar vasitəsilə Azərbaycana yayılması istisna edilmir. Biz ajiotaj yaratmırıq, insanları bir qədər diqqətli olmağa çağırırıq.

Ölkəyə Çindən gələn turistlər və onların əşyaları mütləq yoxlanılmalı, dezinfeksiya olunmalıdır. Əgər insanlarda şübhəli simptomlar varsa, onlar xüsusi təhlükəli infeksiyaların yoxlanıldığı Respublika Taun Əleyhinə Stansiyada həkimlər tərəfindən müayinə edilməlidirlər.

Baxmayaraq ki, bu virusun əşya ilə də keçmə ehtimalı var, bu gün Azərbaycanda koronavirusa yoluxma aşkar olunmayıb. Hələlik bu xəstəik Azərbaycanda yoxdur”.

Çindən Azərbaycana poçt yolu ilə daxil olan bağlamalar, onlayn alış-veriş vasitəsilə alınan mallar kifayət qədər çoxdur. Bəs bu risk faktoru kimi qiymətləndirilə bilər, yoxsa yox?

Məsələ ilə bağlı Azərbaycanın baş infeksionisti Cəlal İsayev isə həmkarının fikirlərinin əksinə olaraq, son günlər Çində insanların ölümü ilə nəticələnən təhlükəli koronavirusun ölkəmizə əşyaların üzərində gəlmə ehtimalını inkar edir. O bildirib ki, viruslar geyimlər vasitəsilə yayılsaydı, qripdən kütləvi şəkildə insan ölərdi:

“Virusun əşyalar, bağlamalar üzərindən insana yoluxma təhlükəsi yoxdur. Əgər viruslar geyim, əşyalarla geniş yayılsa, insanlar kütləvi şəkildə tələf olardı. Çindən ölkəyə idxal edilən məhsulların virus daşıyıcı kimi qiymətləndirilməsi doğru deyil. Çindən ilan, qurbağa əti almadığımıza görə, virusun qida məhsulları ilə yoluxma təhlükəsi də qalmır.

Ölkəyə gələn insanlar hava limanında yoxlanılmalıdır. Əgər temperatur, öskürək, qripə bənzər əlamətlər varsa, bu əlamətlər aşkarlanan şəxslər xüsusi aparatlar vasitəsilə yoxlanılmalıdır. 

Çində təhsil alan azərbaycanlı tələbələrə də potensial təhükə kimi baxmaq lazım deyil. Əgər onlar hələ də virusa yoluxmayıblarsa, ölkəyə gəldiklərində həkim yoxlamasından keçmələri bəs edir”.

Çindən Azərbaycana göndərilən bağlamalarla bağlı sualımızı isə “Azərpoçt” MMC cavablandırıb. Qurumun ictimaiyyətlə əlaqələr şöbəsindən sualımıza cavab olaraq bildirdilər ki, son günlər Çində naməlum etimologiyalı koronavirusun aşkar edilməsi ilə əlaqədar hazırda bu ölkədən Azərbaycana daxil olan poçt göndərişlərinin daşınmasında “Azərpoçt” MMC tərəfindən heç bir məhdudiyyət yoxdur.

ŞƏRH YAZ
0

Azərbaycanda qatarlar dezinfeksiya olunur — Koronavirusla bağlı

Azərbaycanda qatarlar dezinfeksiya olunur
18:16
Bu gün
163
Ölkə
A
Dəmir yolunda sanitar-epidemoloji tədbirlər gücləndirilib.

"Ölkə.Az" xəbər verir ki, bu barədə Azərbaycan Dəmir Yolları Qapalı Səhmdar Cəmiyyətindən Trend-in sorğusuna cavab olaraq bildirilib.

Bildirilib ki, Səhiyyə Nazirliyinin tədbirlər planına əsasən Çində ötən ilin sonunda yeni aşkarlanmış Koronavirus 2019-nCoV virusuna qarşı ölkəmizdə də qabaqlayıcı tədbirlər görülür:

"Dəmir yolu insanların kütləvi istifadə etdiyi nəqliyyat vasitəsi olduğundan burada da müntəzəm sanitar-epidemioloji tədbirlər aparılır. Bununla bağlı “Azərbaycan Dəmir Yolları” QSC-nin Həkim-Sanitar Xidməti tərəfindən Tədbirlər Proqramı hazırlanıb. Tədbirlər Proqramına əsasən, sərnişin qatarlarında, uşaq-yeniyetmə, tədris və tibb müəssisələrində, qaçqın və məcburi köçkünlərin sıx məskunlaşdığı yerlərdə sanitar-gigiyena norma və qaydalarına, dezinfeksiya rejiminə ciddi əməl edilməsi yoxlanılır. Dəmir yolu ərazisində yerləşən bütün obyektlərin profilaktik və cari dezinfeksiyası aparılır".QSC-dən bildirilib ki, ölkədaxili və beynəlxalq hərəkət edən qatarlarda lazımi tədbirlər görülür:

"Həmçinin sərhəd-keçid məntəqələri gücləndirilmiş rejimə keçib. Sərnişin qatarlarında çalışan briqadalar arasında təlimatlar aparılır. Onlar hər hansı bir xəstəliyə yoluxmaqda şübhəli bilinən şəxslə qarşılaşdıqda necə davranacaqları ilə bağlı maarifləndirilirlər. Yoluxucu xəstəliklərin profilaktikasında şəxsi gigiyena qaydalarının gözlənilməsinin vacibliyi barədə sərnişinlər və dəmiryolçular məlumatlandırılıb. Qatar heyətlərinin tibbi-sanitar biliklərinin artırılması istiqamətində işlər gücləndirilib. Hər hansı xəstəliyə yoluxmaqda şübhəli bilinən şəxs aşkarlanarsa, bu barədə məlumatlar dərhal Həkim-Sanitar Xidmətinə təqdim olunacaq".

Dəmir yolu vağzallarının radio qovşaqları vasitəsilə ümumi gigiyena qaydaları barədə sərnişinlərin məlumatlandırılmasına başlanılacaq.

ŞƏRH YAZ
0
BAĞLA