Ətrafında almaz buludu olan ulduzlar kəşf edildi

“Ölkə.Az” xəbər verir ki, məqaləyə əsasən, bəzi yeni ulduzların qaz tozu kokonları saysız-hesabsız nano almazlardan təşkil olunub. Bu kokonlar mikro dalğa diapazonunda parlaq işıq saçır.

“Biz bilirdik ki, Qalaktikanın bəzi regionlarından saçılan sirli mikro dalğalı şüalanmalar hansısa mikroskopik hissələr yaradır. Amma iyirmi il ərzində onların nəydən ibarət olduğunu və belə göründüklərini anlaya bilmirdik. Bütün digər versiyaları gözardı edərək qənaətə gəldik ki, onun mənbəyi nano almazdır”, - deyə Ceyn Qrivs bildirib.

20 il əvvəl astronomlar təsadüfən növbəti kosmik anomaliyanı kəşf etdilər. Alimlər Böyük Partlayışın əks-sədası adlandırılan Kainat İşıqlanmasını tədqiq edirdilər. Bu müşahidəyə Qalaktikamızın müxtəlif regionlarından gələn mikro dalğalı şüalanmalar mane olub.

Şüaların mənbəyini anlamağa çalışan alimlər tədqiqata başlayıblar. Məlum olub ki, şüalanmalar əsasən yeni ulduzlar yaranan ulduz “bağça”ları yanında yerləşir.

Hikmət Həsənov
Ölkə.Az