Ətrafınızdakı insanların mövqelərini nəzərə alın — Günün ulduz falı

Ətrafınızdakı insanların mövqelərini nəzərə alın
01:30
13.04.2018
3623
Maraqlı
A
"Ölkə.Az" Milli.az"a istinadən günün qoroskopunu təqdim edir:

Qoç - aşkar həll variantları və asan yollardan imtina etməyin. Bu gün məqsədə məhz onların vasitəsilə çata bilərsiniz. Ənənəvi metodlardan yararlanmaqla, təbii ki, novator olmayacaqsınız, amma can atdığınıza çatacaqsınız. Ətrafınızdakı mühit gərginləşsə də, soyuqqanlı və təmkinli olun.

Məkrli bədxahların təxribatlarına uymayın.

İşlə bağlı məsələləri telefon danışıqları və ya yazışma ilə yox, bilavasitə görüşdə müzakirə edin.

Günün ikinci yarısı faydalı məlumatlar vəd edir.

Yeni nəyəsə öyrənə bilərsiniz. Təşəbbüsünüz yox, xoş təsadüfə borclu olduğunuz maraqlı tanışlıqlar baş verəcək.

Buğa - ən çətin problemləri özünüz yaradacaqsınız. Yerdə qalan müşküllərə çox fikir verməyin.

Yaxın ətrafınızdakı insanlarla dil tapmaq çətin deyil.

Sadəcə, siz buna can atmırsınız. Başqasının fikrinə laqeyd yanaşmayın. Ətrafınızdakı insanların mövqelərini nəzərə alın.

Müstəqil iş, öz layihələrinizin gerçəkləşdirilməsi üçün yaxşı gündür.

Günün ikinci yarısında maliyyə durumu əlverişli olmayacaq. Bunu anlayın və alış-verişi təxirə salın.

Çətin anlarda yardım üçün dostlardan birinə üz tuta bilərsiniz.

Əkizlər - var gücünüzlə çalışmağa ehtiyac yoxdur. Qarşınıza qoyduğunuz məqsədə asanlıqla çata bilərsiniz. Üstəlik, yanınızda olan insanlardan biri qayğı və işlərinizin hamısını olmasa da, əhəmiyyətli hissəsini boynuna götürməyə hazırdır.

Planlarınızı müəyyənləşdirin. Şərtlər ilk əvvəl çox mürəkkəb və ağır təsir bağışlasa da, narahat olmayın.

Optimal çözüm yolunu seçə bilərsiniz.

Günün ikinci yarısı işgüzar danışıqlar və şəxsi münasibətlər müstəvisindəki görüşlər üçün əlverişlidir.

Romantik görüş, dost məclisi, korporativ tədbirə qatılın.

İstənilən şəraitdə yaxşı təsir bağışlamağa can atın.

Xərçəng - ağır gün olsa da, mübarizə hədəfi seçməyə çalışmayın.

Rəqiblər sakitləşiblər. Enerji və aktivliyinizdən qarşınızda duran problemlərin həlli üçün yararlansanız, yaxşı nəticələr əldə edəcəksiniz.

İşdə rəhbərlik, özəl fəaliyyətdə isə nüfuzlu şəxslərlə təmaslarda diqqətli və həssas olun. Sərt danışmayın, sözləriniz neqativ reaksiya yaratmasın. Zarafatlarınıza sərhəd qoyun.

Yaxınlarınıza diqqətlə yanaşın, qayğı bəsləyin. Amma hamiliyiniz ifrata varmasın.

Şir - başqalarının bacarmadığı işə başlayaraq müsbət nəticə əldə edə bilərsiniz.

İşi görəndən sonra soyuqqanlı olun. Əks təqdirdə yeni tapşırıq alacaqsınız.

Yardıma ehtiyacı olanlar sizə üz tuturlar. Başqalarının problemləri ilə məşğul olaraq bütün vaxtınızı bu işə ayırsanız, öz müşküllərinizin çözülməsinə zaman qalmayacaq.

Günün ikinci yarısı iri layihəyə başlamaq, anlaşma imzalamaq, iş yerinin dəyişdirilməsi və ya daşınmaz əmlak almaqla bağlı müzakirələr üçün düşərli zamandır.

Maraqlarınızın təminatını unutmayın.

Gün gərgin keçsə də, çox yorulmayacaqsınız. Xoş əhvalda olun. Axşam saatlarını ailə üzvləri, sevdiyiniz insanla birlikdə keçirin.

Qız - geniş dünyagörüşü və zəngin təxəyyülünüz çətin məsələlərin həlli, sədlərin dəf edilməsində dadınıza çatacaq.

Böyük uğurlara nail olmağınız bədxahlarınızın neqativ reaksiyasına səbəb olacaq, onlardakı paxıllıq yanğısını daha da gücləndirəcək. Haqqınızda axmaq şayiələr yayılacaq, dedi-qodu obyekti olacaqsınız.

Sakit olun, hövsələli davranın. Kimsə sizə ziyan vurmağa çalışsa da, mövqeyi və sözü sizin üçün önəm kəsb edən insanlar sayğıya layiq olduğunuza qətiyyən şübhə etməyəcəklər.

Kimin sizə dost, kimin də düşmən olduğunu günün ikinci yarısında anlayacaqsınız. Konkret şəxsin xətrinə dəydini, kiməsə heç bir əsas olmadan inandığınızı biləcəksiniz.

Səhvləri aradan qaldırmaq gec deyil

Tərəzi - ağır, görüləsi işlərin çox olduğu gündür. İndiyədək rəğbət bəslədiyiniz insanlarla ünsiyyətdən çox tez yorula bilərsiniz.

Maliyyə və əmlakla bağlı xoşagəlməz xəbərlər istisna deyil.

Yaranmış problemləri həll etmək üçün hadisə yerində olmalısınız.

İnsanların gur olduğu yerlərdən kənarda çalışın, tədbirlərə qatılmayın. Belə tədbirdə narahatlıq hissinin yaranması, kiminləsə sərt danışmağınız istisna deyil.

Alış-verişdə bədxərclik etməyin.

Əqrəb - bu gün dəf edə bilməyəcəyiniz səd, aşmayacağınız maneə yoxdur. Təxəyyül və bacarıqlarınız sərhəd tanımır. Enerjiniz də az deyil. Məhz bu səbəbdən də qarşınıza qoyduğunuz məqsədə çata bilərsiniz.

Yeni tanışlıqlar yaranır. Bu gün başlayacaq münasibətlər uzunmüddətli olmasa da, müsbət emosiyalar bəxş edəcək.

Səyahətə və ya səfərə hazırlaşırsınızsa, gərəkli əşyaları alın.

Günün ikinci yarısında dost məclisinə qatıla bilərsiniz.

Oxatan - çətinliklər qarşısında geri çəkilməyin, ruhdan düşməyin.

Sədlər və maneələri qətiyyətlə dəf edin. İşdə ciddi uğurlar əldə etmək şansı var. Gözlənilməz işgüzar təklif istisna deyil. Həmin təklifi qəbul etsəniz, potensialınızı tam miqyasda reallaşdıra bilərsiniz.

Münasibətlərdə və təmaslarda həssas, diqqətli, nəzakətli olun. Kobudluğu unutsanız, nüfuzlu şəxsdən dəstək alacaqsınız.

Anlaşmalar və iri həcmli iş, sifariş və ya layihəni reallaşdırmaq, alış-veriş etmək üçün əlverişli zamandır.

Günün ikinci yarısında ev işlərinin həcmi gözlədiyinizdən, güman etdiyinizdən də artıq olacaq.

Təlaşa düşməyin: ailə üzvləri və yaxınlarınız sizə nəzarət edəcəklər.

Sevdiyiniz insanlarla dil tapın, onların qarşılaşdığı problemlərin həllinə qatılın.

Oğlaq - səhər saatları genişmiqyaslı layihə çərçivəsində çalışmaq, mürəkkəb məsələləri həll etmək üçün əlverişli zamandır.

Özünüzə və potensialınıza güvənsəniz, çətin vəziyyətlərdən çıxış yolu tapacaqsınız. Yardım çağırışınızı dostlar eşidəcəklər.

Günün ikinci yarısı romantik təmaslar və şəxsi münasibətlərdə irəliləyiş üçün əlverişlidir.

Günün ikinci yarısında mənfi təmayüllərin təzahür zamanıdır. İşdə və ya evdə çətinlik yarana bilər.

İllüziyalara qapılmaqdansa, dərhal fəaliyyətə başlayın və konkret nəticələrə can atın.

Dolça - mühüm qərarların qəbul edilməsi üçün əlverişli gün deyil.

Emosiyaların təsiri altına düşsəniz, soyuqqanlı davranaraq məntiqli qərarlar qəbul edə bilməyəcəksiniz. Problemlərinizi yaxın ətrafınızdakı, inandığınız insanlarla bölüşün. Yaxşı məsləhət ala bilərsiniz.

İş yerini dəyişmək, təmirə başlamaq, alış-veriş etmək üçün münasib vaxt deyil.

Diqqətli olsanız, ətrafınızdakı insanların sizə münasibətini anlayacaqsınız.

Axşam saatlarını sakit istirahətə, qüvvələrin bərpasına həsr edin.

Balıqlar - hər şey istədiyiniz kimi, hətta daha yaxşı ola bilər. Gözlənilməz işgüzar təklif ala bilərsiniz. Gəlir də istisna deyil.

Yeni işə başlamaq və ya biznesə start vermək üçün əlverişli zamandır.

Yaradıcılıq potensialı yüksəkdir. Yaxşı ideyalar da qıt deyil.

Günün ikinci yarısı xoş görüşlər vəd edir. Dostlar və qohumlarla ünsiyyət pozitiv emosiyalara səbəb olacaq.

Romantik təmaslar ümidlərinizi doğruldacaq.

Çoxdan gözlədiyiniz etiraf və ya təklifi eşidəcəksiniz.

Ölkə.Az

ŞƏRH YAZ
0

Yaşananlarda sizin də günahınız var

Yaşananlarda sizin də günahınız var
00:58
Bu gün
267
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - dostlarla ünsiyyət və birgə fəaliyyətin intensivləşdirilməsi üçün yaxşı gündür. İşləmək əvəzinə düşünməyə və xəyallara üstünlük verməyin. Fəaliyyətinizə bir qədər ara verin, amma istirahət uzun çəkməsin. İşgüzar səfərlər üçün əlverişli vaxtdır.

Evdən uzaqda əlverişli alış-veriş edə bilərsiniz.

Qohumlarınız arasında bir şəxsin təcili yardıma ehtiyacı var. Köməyinizi əsirgəməyin. Məsləhətlərin sayını artırmayın. Əks təqdirdə ətrafınızdakı şəxslərdə qıcıq yarada bilərsiniz.

Buğa - yaranmış problemlərin həllini uzatmayın. Cari məsələlərin çözümündə diqqətli olun, sayıq davranın. Yaxınlarınızdan biri ilə münasibətlərdə problemlərin formalaşması istisna deyil. Mübahisəli məsələlərdə qarşılıqlı anlaşmaya nail olun. Mühüm söhbəti daha əlverişli saydığınız vaxtadək ertələməyin.

Günün ikinci yarısında önəmli görüş və ya danışıqlar ola bilər. Yaxın ətrafınızdakı insanlarla ünsiyyətdə intonasiyanın xüsusi əhəmiyyəti var. Bədgüman və şübhəli olmayın. Neqativ sözlər durumu daha da ağırlaşdıra bilər.

Əkizlər - həftənin ən uğurlu günlərindən biri deyil. Cəhdləriniz və əməyinizin məhsuldarlığı planlarınızın reallığından asılıdır. Diqqətli olun, emosiyalara qapılmayın. Yaxın ətrafınızdakı insanlardan biri etimadı doğrultmaya bilər.

Rutin işlərdən usanma, yaradıcılıq durğunluğu da istisna deyil. İşgüzar sənədlərdə, yazışmalarda kobud səhvlərə yol verməyin. Axşam saatlarına yaxın yola çıxsanız, gecikmələr və təxirəsalmalar istisna deyil. Eyni vaxtda bir neçə işə başlamağa çalışmayın. Əks təqdirdə ifrat yorğunluğa qapıla bilərsiniz.

Xərçəng - təmkinli və sayıq olun. Düşünülməmiş addımlar atmayın. Radikallıq, aqressivlik zamanı deyil. Səbrli davranın. Cari işləri və rutin problemləri həll etmədən irəliləmək mümkün deyil. Ona görə də yarımçıq işlər qoymayın. Əks təqdirdə sabahkı gündə görüləsi işlərin sayı artacaq.

Günün ikinci yarısında maraqlı işlər olacaq. Alış-verişdə bədxərclik etməyin. Maliyyə vəsaitinizin qədrini bilin. Pulları xərcləmək əvəzinə yığın. Qətiyyətli olun, kiçik problemlərin qarşısında geri çəkilməyin.

Şir - günün ilk yarısında əhvalınız pisləşə bilər. Neqativ hisslərin əsiri olmayın. Kiçik diskomfort sizi təbdən çıxarmasın. Yaxın ətrafınızdakı insanları narahat edən məsələlərin fərqinə varın. Situasiyaya maksimum dərəcədə uyğunlaşın.

Günün ikinci yarısında fəaliyyət və yaşam arealını qaydaya salın. Dəyər verdiyiniz insana ünvanladığınız iradların sayını artırmayın. Yaşananlarda sizin günahınız da var.

Qız - həmkarlar və işgüzar tərəfdaşlarla bir sıra məsələləri həll etmək, münasibətləri rəvanlaşdırmaq üçün əlverişli gündür. Gün asan deyil. Lakin vaxtınızı hədər itirməsəniz, məhsuldar ola bilər. Diqqət və sayıq davranış tələb edən işlər müxtəlifdir.

Onları həll edə bilərsiniz. Müstəqil şəkildə düşünməli, hərəkət etməli və suallara cavab tapmalı olacaqsınız.

Yaxın ətrafınızdakı insanlarla münasibətlər normal olacaq. Haqlı olduğunuzu sübut etməyə lüzum yoxdur. İdeyalarınız rəğbətlə qarşılanacaq.

Qətiyyətli və təşəbbüskar olun.

Tərəzi - işgüzar məsələlərin həlli üçün uğurlu gündür. Yaşam potensialının səviyyəsi yüksəkdir, enerjiniz və ruhi qüvvəniz çoxdur. Uğura nail olmaq üçün bütün komponentlər var.

Yeni, çətin və mürəkkəb işlər peyda olur. Fəqət, çəkinməyin və narahat olmayın: həmin işlərin öhdəsindən gələcəksiniz. Məqsədə doğru qətiyyətlə irəliləyin. Hansısa şəxs, hadisə və ya nəsnə sizə mane olmamalıdır.

Köçmək, təmirə başlamaq, şəraiti dəyişmək olar.

Əqrəb - aqressiv, davakar olmayın. Sərt danışıqlar zərər verə bilər. Güzəştlərə meylli olun. Açıq hücum heç də həmişə qələbənin rəhni deyil. Kobud taktika, izafi sərtlik qarşı tərəfdə də qeyri-adekvat davranışa səbəb olacaq.

Günün ikinci yarısında dəyər verdiyiniz insanlarla münasibətlərdə düşünülmüş taktikaya üstünlük verin. Riskli sövdələşmələrdən və anlaşmalardan uzaq olun.

Qanunsuzluq təsiri bağışlayan əməliyyatlar heç bir xeyir verməyəcək.

Oxatan - günün ilk yarısında işlərdə çətinliklər yaranacaq. Ən kiçik uğurun önəmi artacaq. Texniki detallar və təfərrüatlar hədəfə doğru irəliləyişinizi çətinləşdirə bilər.

Diqqətli olun, bədxahların məkrli planlarına aldanmayın.

Günün ikinci yarısında səhhətinizə fikir verin. Orqanizminizdəki kiçik ağrı sonradan ciddi fəsad yarada bilər.

Yarımçıq işləri tamamlamadan yeni layihəyə başlamayın.

Oğlaq - günün ilk yarısında qarşınıza qoyduğunuz məqsədə çatmaq üçün maksimal sürət və intensivliklə çalışın. Ən yaxın insanlardan biri sizi sərt tənqid edə bilər. Sizi narahat edən məsələni çözmək üçün təcrübəli, bilikli insanla məsləhətləşin.

Günün ikinci yarısında qohumlardan və ya dostlardan biri sizdən yardım istəyə bilər.

Bütün hallarda situasiyanın mozaikalarını ayrıd etməyə çalışın. Profiliniz üzrə mütəxəssisləri işə cəlb edə bilərsiniz. Fəaliyyətinizin effektiv olmasına çalışın.

Axşam saatlarını açıq havada keçirin.

Dolça - günün ilk yarısında yaxın ətrafınızdakı insanlarla ünsiyyətdə çətinliklər yaranacaq. Davranışınıza nəzarət edin. Həmkarlarınız sizinlə danışıqlarda izafi kəlmələr söyləyə bilərlər.

Günün ikinci yarısında yeni təmaslar və əlaqələr qurmaq olar. Yaranmaqda olan münaqişənin böyüməməsi üçün qarşı tərəfin əsla xoşlamadığı mövzulara toxunmayın.

Daşınmaz əmlak, maliyyə və ya texniki avadanlıqlar, vasitələrlə bağlı məsələnin həllini bir qədər ertələyin.

Axşam saatlarını dostlarla keçirin.

Balıqlar - günün ilk yarısı asan olmayacaq. Cari problemlərin həllində ciddi çətinliklərlə qarşılaşa bilərsiniz. Hətta ən adi, "alışdığınız" məişət problemlərinin çözümündə yeni maneələr və sədlər yaranacaq. Aktiv olun, süst davranmayın.

Günün ikinci yarısında yolda problemlər yarana bilər. Nəqliyyat vasitəsində texniki nasazlıq, marşrutun nəzərdə tutulmamış dəyişikliyi istisna deyil. Adi günlərdən fərqli olaraq intellektual fəaliyyətdə çətinliklər yaranacaq. İşdə həmkarlar və rəhbərliklə təmaslarda diqqətli, eyni zamanda nəzakətli olun.

Axşam saatlarında əylənə bilərsiniz.

Ölkə.Az

ŞƏRH YAZ
0

Təngnəfəslik zamanı nə etməli? — TƏBİİ ÜSULLAR

Təngnəfəslik zamanı nə etməli?
00:43
Bu gün
259
Maraqlı
A
Bəzən bir neçə mərtəbə çıxdıqda və ya bir neçə metr getdikdə təngnəfəsliklə üzləşənlər olur. Şübhəsiz ki, bu, ilk növbədə, ürək-damar sistemində yaranan problemin əlamətidir. Hansı üsullardan istifadə etməklə bu sahədə olan problemi aradan qaldırmaq olar?

"Ölkə.Az" xəbər verir ki, Respublika Neyrocərrahiyyə Xəstəxanasının həkim-kardioloqu Nərgiz Məmmədova AzərTac-a müsahibəsində həmin hallarla üzləşənlərin istifadə edə biləcəyi bir neçə resept haqqında məlumat verib .

Onun sözlərinə görə, heyva şirəsi, quru əncir suyu və ilıq hala gətirilmiş üzüm şirəsi təngnəfəsliyə qarşı istifadə olunan ən təsirli təbii vasitələrdir. Xörəkdə darçın işlətmək nəfəs yollarını genişləndirir, kərəviz yemək isə bu orqana faydalı təsir göstərir. Zəfəran ağciyərləri möhkəmləndirir və nəfəsalmanı genişləndirir.

O, bununla əlaqədar daha bir neçə sadə üsul haqqında danışıb: “Bir litr alma sirkəsinin içərisinə yarıya qədər şam ağacının qoz boyda təzə qozaları tökülür, 10 gün saxlanılandan sonra qozalar çıxarılır. Hazır sirkədən gündə iki dəfə səhər-axşam 1 xörək qaşığı 1 stəkan suya qarışdıraraq içilir.

Üç xörək qaşığı şam qozası üç stəkan suda dəmlənilir, gündə üç dəfə yeməkdən əvvəl bir stəkan içilir. Bu tərkibin varikoz və daxili göbələk əleyhinə təsiri də var.

Təngnəfəsliklə üzləşənlərin cirə yeməsi də faydalı hesab olunur. Onun süsən kökü ilə qaynadılıb içilməsi daha xeyirlidir. Aptek çobanyastığı da eyni təsirə malikdir.

Badam yağını bal, mum və gül yağı ilə qarışdırıb istifadə etmək, eləcə də təzə süd içmək məsləhətdir. Bu sahədə ən yaxşı vasitələrdən biri də dəvə südüdür”.

Ölkə.Az

ŞƏRH YAZ
0
BAĞLA