“Euronews” Nəsimi Festivalı haqqında süjet hazırladı — VİDEO

“Euronews” Nəsimi Festivalı haqqında süjet hazırladı
09:00
07.10.2019
3258
Dünya
A
”Euronews” telekanalı Bakıda keçirilən İkinci Nəsimi-şeir, incəsənət və mənəviyyat Festivalı haqqında geniş reportaj yayımlayıb.

"Ölkə.Az" bildirir ki, videomaterialda dahi Azərbaycan şairi İmaməddin Nəsiminin yaradıcılığına həsr edilən, şeir sənətinin tərənnümü məqsədi daşıyan festivalın ölkəmizdə ikinci dəfə keçirildiyi bildirilib.
 
Genişmiqyaslı tədbir proqramı müxtəlif sənət növləri və bilik sahələrini əhatə edir. Filosoflar, musiqiçilər, incəsənət sahəsinin peşəkar üzvləri, eləcə də müxtəlif ölkələrin qiraətçiləri paytaxt Bakıda bir araya gəlib.
 
Süjetdə yeni kitabını təqdim edən alman yazıçısı və Nəsimi sənətinin tədqiqatçısı Mixail Hessenin fikirləri də öz əksini tapıb.
 
Qeyd edilib ki, Nəsiminin mürəkkəb düşüncəyə malik olması və bunu qısa, lakin gözəl şəkildə çatdırmaq qabiliyyəti gənc şairlərin də diqqətinə səbəb olub, onları ilhamdıra bilər.
 
Həmçinin, nəzərə çatdırılıb ki, tədbirlərin bir hissəsi Nəsiminin vətəni hesab edilən Şamaxıda keçirilib.
 
Yayımlanan reportajda dahi şair və böyük mütəfəkkir İmadəddin Nəsiminin "Sığmazam" qəzəlini möhtəşəm şəkildə geniş tamaşaçı auditoriyasına çatdıran Azərbaycan əsilli, dünya şöhrətli müğənni Sami Yusufun da müsahibəsi yer alıb.
 
7 dəqiqəlik həzin ifası ilə sözügedən əsəri izləyicilərə çatdıran sənətçi fikirlərini bu cür şərh edib:
 
"Nəsiminin yazdığı şeir və qəzəlləri diqqətlə nəzərdən keçirəndə aydın olur ki, bu gün bizim dövrümüzdə ehtiyac olan və verilən mesajlardır. Fikrimcə, bu musiqi insanları bir araya toplayır və onları adət-ənənələr ətrafında birləşdirir".
 
Bununla bərabər hazırlanan reportajda Almaniya, Fransa və Çindən olan musiqiçilərin də fikirləri geniş şəkildə yer alıb.

Ölkə.Az

ŞƏRH YAZ
0

SON DƏQİQƏ! “Barış Pınarı” əməliyyatı dayandırıldı

SON DƏQİQƏ! “Barış Pınarı” əməliyyatı dayandırıldı
22:42
Bu gün
805
Dünya
A
Türkiyə və ABŞ terrorçuların Suriyanın şərqində tamamilə yox edilməsi mövzusunda ortaq qərar qəbul ediblər.

"Ölkə.Az" məlumatına görə, bu barədə Türkiyə Prezidenti ilə görüşdən sonra ABŞ-ın vitse prezidenti Mayk Pens açıqlama verib.

Onun sözlərinə görə, Türkiyə Suriyanın Şərqində həyata keçirdiyi "Barış Pınarı" antiterror hərəkatını 120 saatlıq dayandırmağa razılıq verib. Bu müddət ərzində isə Amerika YPG-nin həmin bölgədən geri çəkilməsini təmin edəcək.

Qeyd edək ki, bu Türkiyə Prezidenti R.T.Ərdoğanın “Barış Pınarı” hərəkatının dayandırılması üçün irəli sürdüyü əsas şərt idi.

Xatırladaq ki, Amerika Prezidenti Donald Tramp da Türkiyə prerzidenti Rəcəb Tayyib Ərdoğana təşəkkür edib.

"Türkiyədən gözəl xəbərlər var, Ərdoğana təşəkkürlər, milyonlarla həyat xilas ediləcək", - deyə Ağ Ev rəhbəri bildirib. 

Ölkə.Az

ŞƏRH YAZ
0

"Barış pınarı": Suriyada zərəsizləşdirilən terrorçu sayı — 702-yə çatdı

20:45
Bu gün
432
Dünya
A
Türkiyə Silahlı Qüvvələrinin Suriyanın şimalında həyata keçirdiyi "Barış pınarı" antiterror əməliyyatı çərçivəsində PKK/PYD və YPG terror qruplaşmalarının 700-dən çox terrorçusu zərərsizləşdirilib.

"Ölkə.Az" bildirir ki, bu barədə Türkiyənin Milli Müdafiə Nazirliyi xəbər yayıb.

Qeyd edilir ki, oktyabrın 9-da Fərat çayından şərqdə keçirilən "Barış pınarı" əməliyyatında təmizlənən PKK/YPG terrorçularının sayı 702 nəfərə çatıb.

Ölkə.Az

ŞƏRH YAZ
0
BAĞLA