AXTAR

Axtarışın nəticələri

Bütün nəticələr
29 May 2017

Eurovision-2017: ikinci yarımfinalı bitdi — FİNALÇILAR + VİDEO

“Eurovision-2017” mahnı müsabiqəsinin ikinci yarımfinalı başlayıb.

11.05.2017 23:59 Bölmə: Maqazin Oxunma sayı: 2040
A- A A+

Ukraynanın paytaxtı Kiyevdə keçirilən “Eurovision-2017” mahnı müsabiqəsinin ikinci yarımfinalı ykunlaşıb. Yarışmanın ikinci yarımfinal mərhələsində çıxış edən 18 ölkədən 10 ölkə finala vəsiqə qazanıb.

Finala vəsiqə qazanlar  İsrail, Niderland, Macarıstan, Danimarka, Rumıniya, Norveç, Avstriya, Belarus, Xorvatiya və Bolqarıstan iştirakçıları olublar.

***

“Ölkə.Az” xəbər verir ki, yarışma Ukraynanın paytaxtı Kiyevdə yerləşən Beynəlxalq Sərgi Mərkəzində baş tutub.

Birinci yarımfinal mayın 9-da keçirilib. Birinci yarımfinalda 10 ölkə uğurla çıxış edib. Bunlar Azərbaycan, Moldova, Yunanıstan, İsveç, Portuqaliya, Polşa, Ermənistan, Avstraliya, Kipr, Belçika və Ermənistandır. 

İkinci yarımfinalda isə 18 ölkənin nümayəndələri iştirak edəcəklər. Bunlar Serbiya, Avstriya,  Makedoniya, Malta, Rumıniya, Hollandiya, Macarıstan, Danimarka, İrlandiya, San Marino, Xorvatiya, Norveç, İsveçrə, Belarus, Bolqarıstan, Litva, Estoniya və İsraildir.

Çıxışlardan sonra keçiriləcək 15 dəqiqəlik səsvermənin nəticələrinə əsasən, finala daha çox səs toplamış 10 ölkə vəsiqə qazanacaq.   
 
Yarışmanın qanunlarına görə. finala birbaşa vəsiqə qazanan ölkələr - müsabiqənin bu ilki ev sahibi Ukrayna və  “böyük beşlik” ölkələri Fransa, İtaliya, Almaniya, İspaniya və Böyük Britaniyadır.

Yarımfinaldan sonra mayın 13-də keçiriləcək final mərhələsinin bütün iştirakçıları məlum olacaq. Finala vəsiqə qazanmış  təmsilçilər canlı şoudan sonra mətbuat konfransı keçirəcək. Bu mətbuat konfransında püşkatma nəticəsində finala keçən ölkələrin mayın 13-də çıxış ardıcıllığı müəyyən olunacaq.

Qeyd edək ki, bu il “Eurovision” Kiyevdə keçiriləcək. Müsabiqənin rəsmi açılığı mayın 7-nə təsadüf edir. Yarışmanın yarım finalları 9-11 mayda keçiriləcək. Yarışmanın finalı isə 13 mayda baş tutacaq. Yarışda 42 ölkənin təmsilçisi iştirak edəcək. Rusiya isə bu il yarışmada iştirak etməyəcək. Belə ki, Ukrayna tərəfi təhlükəsizlik məsələlərini əsas gətirərək Rusiyalı müğənni Yuliya Samoylovaya viza verməyib. “Eurovision” Mahnı müsabiqəsinin təmsilçiləri Rusiyaya təklif ediblər ki, müğənninin ifası canlı olaraq Rusiyada kanalların birində sputnik vasitəsilə yayımlansın. Lakin Rusiyanın 1-ci kanalı bunu düzgün hesab etməyib və Rusiya yarışda iştirak etməkdən imtina edib.

Xatırladaq ki, Azərbaycanı “Eurovision-2017” mahnı müsabiqəsində “Skeletons" mahnısı  ilə təmsil edən Diana Hacıyeva mayın 9-da birinci yarımfinalda çıxış edərək finala vəsiqə qazanıb. Azərbaycan təmsilçisi “Eurovision” finalının birinci hissəsində çıxış edəcək.  
 
Ziya Səccad
Ölkə.Az