KORONAVİRUSA YOLUXANLARIN SAYI - CANLI STATİSTİKA

Evdən çıxmaq məqsədilə 8103-ə yanlış SMS göndərənlərə — XƏBƏRDARLIQ

Evdən çıxmaq məqsədilə 8103-ə yanlış SMS göndərənlərə
01:12
03.04.2020
9290
Ölkə
A
Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi xüsusi karantin rejimi dövründə yaşayış yerini tərk etmək üçün icazə almaq məqsədilə nəzərdə tutulmuş 8103 nömrəsinə müraciətlə bağlı vətəndaşlara xəbərdarlıq edib.

"Ölkə.Az" bildirir ki, bu barədə Dövlət Agentliyinin sədri Ülvi Mehdiyev bildirib.

O, xəbərdarlığında 8103 SMS nömrəsinə yanlış məlumatlar verənlərin inzibati və cinayət məsuliyyətinə cəlb olunacaqlarını xatırladıb:

“Vətəndaşlar bu SMS xidmətinə bilərəkdən yanlış məlumatlar vermək, aidiyyatı olmayan məzmunlu SMS-lər göndərməkdən çəkinsinlər. Çünki bu sistemin arxasında analitik monitorinq sistemi dayanır. Real vaxt rejimində daxil olan məlumatlar təhlil olunur. Ona görə də sui-istifadə halları müəyyən edilərsə, hüquq-mühafizə orqanlarına bu barədə məlumat veriləcək. Çünki bu, karantin rejiminin qaydalarının pozulması deməkdir. Ona görə də bu, inzibati və cinayət məsuliyyətinə səbəb olacaq hallardır”.

Qeyd edək ki, koronavirus (COVID-19) infeksiyasının yayılmasının qarşısının alınması məqsədilə tətbiq edilən xüsusi karantin rejimi çərçivəsində ölkədə hərəkət məhdudiyyətləri müəyyən olunub. Belə ki, aprelin 5-dən Azərbaycanda vətəndaşlar yaşayış yerini tərk etmək üçün icazə almaq məqsədilə 8103 nömrəsinə SMS məlumat göndərəcəklər.

ŞƏRH YAZ
0

Azərbaycanlı jurnalist koronavirusdan ölən anasının dəfnində iştirak edə bilmədi

Azərbaycanlı jurnalist koronavirusdan ölən anasının dəfnində iştirak edə bilmədi
23:47
30.05.2020
2877
Ölkə
A
Azərbaycanlı jurnalist Anar Cəfərsoy koronavirusdan dünyasını dəyişən anasının dəfnində iştirak edə bilməyib.

Bu barədə baş redaktor, 44 yaşlı Anar Cəfərsoy sosial media hesabında paylaşım edib. 

Özü də koronavirusdan əziyyət çəkən jurnalist anası Zöhrə Cəfərovaya son sözlərini belə ifadə edib: 

“Bütün varlığım, tacım, canım Ana, koronavirusdan sənin həyatını xilas edə bilmədik, cəhdlər alınmadı, bacarmadıq, vida görüşündən də kənarda qaldım. Allahın əmri qarşısında hər kəs acizdir. Uca Rabbimin lütfünə, mərhəmətinə, məğfirətinə tam əminəm. Atamı itirəndə də fədakarlığın, sonsuz zəhmətinlə bizi çiyinlərində daşıdın Ana. Allah anamı, atamı qəbr əzabı, cəhənnəm atəşindən qorusun, cənnətlik etsin.

Anam Zöhrə, atam Kamil, rahat olun. Allah rizasını dərk edərək, son nəfəsimizə kimi üç qardaş olaraq Vətənə, millətə, xalqa, insanlara düzgün xidmət etməyə davam edəcəyik. vida görüşündən kənar qalıb”.

Qeyd edək ki, 69 yaşlı Z.Cəfərova, mayın 28-də Mərkəzi Neftçilər Xəstəxanasında vəfat edib. oxu.az

ŞƏRH YAZ
0

Virusun ikinci dalğasından qorunmaq üçün evdə, dükanda və nəqliyyatda bunları edin

Virusun ikinci dalğasından qorunmaq üçün evdə, dükanda və nəqliyyatda bunları edin
23:23
30.05.2020
2039
Ölkə
A
Son həftələr ərzində Azərbaycanda aparılan bütün elmi-statistik təhlillər göstərirdi ki, bizi Covid-19-un ikinci dalğası gözləyir.

"Ölkə.Az" e-tibb.az-a istinadən bildirir ki, bu barədə Səhiyyə Nazirliyinin açıqladığı məlumatda bildirilir.

Məlumatda qeyd olunub ki, Azərbaycan səhiyyəsinin buna tam hazır olduğuna baxmayaraq, hər bir vətəndaş yoluxmadan qorunmağını özü düşünməlidi: "Bu baxımdan şəxsi gigiyena profilaktikanın əsas amillərindən biridir. Əllərinizi tez-tez yumaq, evinizi təmiz saxlamaq və paltarları tez-tez yumaq kimi sadə qaydalara riayət etməklə Siz özünüzü, yaxınlarınızı və ərtafdakı insanları yoluxma təhlükəsindən azad etmiş olursunuz.

Bundan başqa, dükan və ictimai nəqliyyatda da antibakterial vasitələrindən istifadə koronavirusun yayılmasının qarşısını ala bilər.

Gəlin, birlikdə karantin rejimindən sağlam çıxaq".

ŞƏRH YAZ
0
BAĞLA