KORONAVİRUSA YOLUXANLARIN SAYI - CANLI STATİSTİKA

Evə basqın edib qadını dəfələrlə ZORLADI — ŞƏMKİRDƏ DƏHŞƏTLİ HADİSƏ

Evə basqın edib qadını dəfələrlə ZORLADI
14:30
17.02.2020
5695
Ölkə
A
Şəmkir rayonunda qadına qarşı amansız cinayət törətməkdə təqsirli bilinən Abbasov Elnur Fikrət oğlunun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Faiq Mahmudovun icraatına verilib.

İş üzrə məhkəmə hazırlıq iclası fevralın 24-də keçiriləcək.

Qeyd edək ki, Elnur Abbasov Şəmkir şəhər sakini olan E.İ adlı qadının evinə zorla daxil olaraq ona qarşı ağır dərəcəli seksual xarakterli cinayətlər, eləcə də quldurluq əməli törədib. O, qadını dəfələrlə zorlayıb və törətdiyi əməli heç kimə deməməsi məqsədilə onu ölümlə hədələyib.

E.Abbasova Azərbaycan Respublikasının Cinayət Məcəlləsinin 134 (Öldürməklə və ya sağlamlığa ağır zərər vurmaqla hədələmə), 150.1 ( Zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə),  149.2.4 (zərərçəkmiş şəxsi və ya başqa şəxsləri öldürmə və ya sağlamlığa ağır zərər vurma hədəsi ilə, habelə xüsusi amansızlıqla törədildikdə),  149.2.5 (149.2.4-cü maddələrdəki əməllər təkrar törədildikdə), 157.1 (Azərbaycan Respublikasının qanunları ilə müəyyən edilmiş əsaslar olmadan, mənzildə yaşayanın iradəsi ziddinə mənzilə daxil olma) və  181.1-ci (Quldurluq, yəni özgənin əmlakını ələ keçirmə məqsədi ilə hücuma məruz qalmış şəxsin həyatı və ya sağlamlığı üçün təhlükəli zorakılıqla və ya belə zorakılıq tətbiq ediləcəyi hədəsi ilə bağlı olan basqın) maddələri ilə ittiham verilib.

Natiq Allahverdiyev
Ölkə.Az

 

ŞƏRH YAZ
0

Magistraturaya qəbul olunanların NƏZƏRİNƏ!

Magistraturaya qəbul olunanların NƏZƏRİNƏ!
19:02
Bu gün
323
Ölkə
A
Dövlət İmtahan Mərkəzi ali təhsil müəssisələrinin magistratura səviyyəsinə qəbul olunan bakalavrlara müraciət edib.

DİM-dən "Ölkə.Az"a verilən məlumata görə, bakalavrların qəbul olunduqları təhsil müəssisələrində qeydiyyatı iyulun 15-dək davam edəcək. Bu proses ali təhsil müəssisələri tərəfindən onlayn qaydada həyata keçirilir.

Xatırladaq ki, ali təhsil müəssisələrinin magistratura səviyyəsinə qəbul olunanların qeydiyyatı 2020-ci il iyulun 6‑dan başlayıb.

Bakalavrlar qəbul olunduqları ali təhsil müəssisələrinin internet saytlarının müvafiq bölmələrinə daxil olmaqla qeydiyyat üçün tələb olunan sənədlər və onlayn qeydiyyatın forması ilə tanış ola bilərlər.

Qeyd olunan müddətdə sənədləri təqdim etməyən və onlayn qeydiyyatdan keçməyən bakalavrlar magistratura səviyyəsinə qəbul olunanlar siyahısından xaric ediləcəklər.

ŞƏRH YAZ
0

Sabahdan xüsusi ekspress avtobusların iş qrafiki dəyişdirilir

Sabahdan xüsusi ekspress avtobusların iş qrafiki dəyişdirilir
18:47
Bu gün
1085
Ölkə
A
Son 2-3 gün ərzində aparılan təhlillər nəticəsində sərnişin tələbatına uyğun olaraq ekspres xətlər üzrə avtobusların iş qrafiki dəyişdirilib.
"Ölkə.Az" xəbər verir ki, bu barədə Bakı Nəqliyyat Agentliyindən məlumat verilib.
 
Bildirilib ki, dəyişikliyə əsasən iyulun 9-dan ekspres xətlər üzrə avtobuslar başlanğıc məntəqədən səhər saat 06:30-dan xidmətə başlayacaq. Yeni qrafikə uyğun olaraq ekspres xətlər üzrə avtobuslar axşam saat 21:00-dək işləyəcək.
 
Məqsəd səhər və axşam saatlarında sərnişin tələbatını qarşılamaq, gündəlik ekspres xətlərdən istifadə edən sərnişinlərin mənzil başına rahat və vaxtında çatdırılmasını təmin etməkdir.
ŞƏRH YAZ
0
BAĞLA