Evə basqın etdilər
Lənkəran rayonunda evlərdən birinə basqın nəticəsində yerli sakin xəsarət alıb.
Ölkə.Az "Report"a istinadən xəbər verir ki, hadisə rayonun Xolmili kəndində baş verib.
Belə ki, 67 yaşlı kənd sakini Səfərov Vahab Xalıq oğlu ağır vəziyyətdə Lənkəran Rayon Mərkəzi Xəstəxanasına çatdırılıb. Xəstəxanada yaralıya açıq kəllə-beyin travması diaqnozu qoyulub. Onun vəziyyəti ağır qiymətləndirilir.
Xəsarət alan Vahab Səfərov uzun illərdir kənd ambulatoriyasının müdiri vəzifəsində işləyir. Qohumlarının bildirdiyinə gõrə, hadisəni evə qarət məqsədi ilə girmiş şəxs və ya şəxslər törədib. Ev sahibinin onların gəlişindən xəbər tutduğunu görən canilər, onun başına küt alətlə zərbə endiriblər.
Faktla bağlı Lənkəran şəhər rayon Polis şöbəsində araşdırmalara başlanıb.
