"Everest Dağçılar" İdman Klubunun üzvü: "İtkin düşən alpinistlər çadırı düzgün yerdə qurmayıblar"

23:16
17.05.2018
15464
Ölkə
A
"Ayın 25-də bizə xəbər gəldi ki, dağçılarla əlaqə kəsilib. Dedik ki, bircə gün gözləyək, çünki kəskin hava şəraiti zamanı dağçılıqda şəbəkədə bəzi problemlər olur. Lakin baxdıq ki, bir xəbər yoxdur. 26-da qərar verib könüllü dəstə yaratdıq və birgə Xınalığa yola düşməyə qərar verdik. Artıq ayın 27-də biz orda idik".

"Ölkə.Az" xəbər verir ki, bunu "Report"a açıqlamasında Şəmkirdə dəfn olunan alpinist Namin Bünyatzadənin dostu, "Everest Dağçılar" İdman Klubunun dağçısı Turan Əhmədov deyib.

Onun sözlərinə görə, əsas çətinliklər hava şəraiti ilə bağlı yaranıb:

"Alpinistlərin orda olduğu gün hava qəflətən kəskin dəyişib. Böyük ehtimalla bu zaman da onlar orda çadır quraraq havanın düzəlməsini gözləyiblər. Nə baş veribsə həmin çadırda gözlədikləri zaman baş verib. İlk gündən ehtimal olunurdu ki, qar uçqununda qalıblar. Normalda qar uçqunundan təxmini 1 saat içində xilas olmaq mümkündür. Bu o halda mümkündür ki, yaxınlıqda kimsə olub onlara köməklik etsin. Təssüflər olsun ki, onlara kömək edən kimsə olmayıb. Biz orda axtarışda olan zaman azı bir iz axtarırdıq, lakin qar bütün izləri itirmişdi".

Tural Əhmədov məhz bundan sonra artıq onlarda ümidsizlik yarandığını bildirib:

"Ümidlər sadəcə ona var idi ki, onlar başqa yerdə olar və ya başqa bir hadisə baş verib. Lakin qar uçqununu düşündükdə ümidimiz az idi. Cəsədlər tapılmayana qədər bir möcüzə gözləyirdik, lakin acı xəbəri eşitdikdən sonra, o möcüzə ümidini də itirdik".

O, dostu Naminin alpinist yoldaşları ilə birgə xaricə getməyi planlaşdırdığını da deyib:

"Onlar xaricə getmək üçün xüsusi hazırlıq keçirlərmiş. Buna görə dağa birlikdə gediblər. Yəni onların birlikdə olmasının başqa bir xüsusi səbəbi olmayıb. Azərbaycan ərazisində bu cür hadisə ilk dəfə idi baş verirdi. Düşünürəm ki, bu, artıq dağçılar üçün bir örnək olar və belə səfərlərə daha diqqətli və ehtiyatla yanaşarlar".

Ölkə.Az

ŞƏRH YAZ
0

Avtomobillərə qənim kəsilənlər tutuldu

Avtomobillərə qənim kəsilənlər tutuldu
18:55
Bu gün
342
Ölkə
A
Nizami (Gəncə) rayon Polis İdarəsi əməkdaşlarının keçirdikləri əməliyyat tədbirləri nəticəsində Gəncə şəhər sakini H.Allahverdiyevə məxsus avtomobildən 378 manat pul və sənəd oğurlamaqda şübhəli bilinən şəhər sakini A.Quliyeva saxlanılıb.

Daxili İşlər Nazirliyindən "Ölkə.Az"a verilən məlumata görə, Kəpəz RPİ əməkdaşlarının keçirdikləri əməliyyat tədbirləri nəticəsində bu ilin fevral-mart ayları ərzində 5 avtomobildən akkumulyator və yaddaş kartı, 1 həyətyanı sahədən inşaat materialları, habelə neft terminalı bazasındakı dəmiryol xəttinin hissələrini oğurlamaqda şübhəli bilinən şəhər sakini, əvvəllər məhkum olunan A.Qurbanov saxlanılıb. 

Ölkə.Az

ŞƏRH YAZ
0

Qusarda bacısına görə həmyerlisini bıçaqlayan şəxsin CƏZASI AZALDILDI

Qusarda bacısına görə həmyerlisini bıçaqlayan şəxsin CƏZASI AZALDILDI
18:18
Bu gün
485
Ölkə
A
Sumqayıt Apellyasiya Məhkəməsində qəsdən sağlamlığa ağır zərər vurmada təqsirləndirilən Elnur Abdullayevin barəsində olan hökmdən verilən apellyasiya şikayəti üzrə məhkəmə iclası başa çatıb.

"Ölkə.Az”ın məlumatına görə, hakim Ruhiyyə Əsgərovanın sədrliyi ilə keçirilən prosesdə qərar elan olunub.

Qərara əsasən, E.Abdullayevin apellyasiya şikayəti qismən təmin edilib, birinci instansiya məhkəməsinin çıxardığı hökm dəyişdirilib.

Belə ki, onun 1 il müddətinə azadlıqdan məhrumetmə cəzası 8 aya endirilib.

İttiham aktına əsasən, hadisə 2018-ci il iyulun 11-də Qusar rayonunda baş verib. E.Abdullayev sosial şəbəkədə əvvəllər tanıdığı həmyerlisi Mühür Mühürovun onun bacısı ilə çəkdirdiyi şəkili görüb. Daha sonra o, M.Mühürovu görüşə çağırıb, bacısı ilə münasibətlərini kəsməsini tələb edib.M.Mühürov isə onun bacısı ilə bir-birlərini sevdiklərini və münasibətlərini kəsməyəcəyini bildirib. Daha sonra hər iki şəxs arasında mübahisə yaranıb. Bu zaman E.Abdullayev üstündə gəzdirdiyi bıçaqla qısqanclıq zəminində M.Mühürovun qarın nahiyəsinə bir dəfə zərbə endirib.

Ölkə.Az

 

ŞƏRH YAZ
0
BAĞLA