Evini və telefonunu qardaşı oğluna vəsiyyət edib özünü asdı

Evini və telefonunu qardaşı oğluna vəsiyyət edib özünü asdı
17:43
19.06.2017
91
Hadisə
A
Bakıda intihar hadisəsi baş verib.

"Ölkə.Az"ın lent.az-a istinadən verdiyi məlumata görə, Xəzər rayonunun Buzovna qəsəbəsində Naxçıvan sakini, 1979-cu il təvəllüdlü Anar Məmməd oğlu Məmmədov yaşadığı evdə məftillə özünü asıb.

Məmmədov özünə qəsd etməzdən əvvəl məktub yazıb. Məktubda o, ölümündə heç kimin günahı olmadığını bildirib.

38 yaşlı Anar bir neçə ay əvvəl Naxçıvan Muxtar Respublikasının Şərur rayonundan Bakıya gəlibmiş. O, Buzovnada qardaşının yaşadığı evin həyətindəki digər mənzildə yaşayırmış və işsiz imiş. 

A.Məmmədov həyatına qəsd etməzdən əvvəl yazdığı məktubda isə evini və telefonunu qardaşı oğluna bağışladığını qeyd edib. İntiharına görə bacısına üzrxahlıq edən 38 yaşlı kişi hansı səbəbdən həyatına son qoymasına isə toxunmayıb. Bununla belə o, bu həyatda daha yaşaya bilmədiyini və həyatına son qoymaq istədiyini yazıb.

Faktla bağlı Xəzər rayon Prokurorluğu tərəfindən cinayət işi başlanıb, araşdırma aparılır. 

 

ŞƏRH YAZ
0

Bakıda orta yaşlı kişi bıçaqlanıb

Bakıda orta yaşlı kişi bıçaqlanıb
01:30
Bu gün
511
Hadisə
A
Bakıda bıçaqlanma hadisəsi baş verib.

"Ölkə.Az" "Report"a istinadən xəbər verir ki, hadisə Sabunçu rayonunda qeydə alınıb.

Zabrat qəsəbəsindəki "Madera" mebel evinin arxasında 1987-ci il təvəllüdlü Mirzəyev Ramin Azad oğlu tanıdığı şəxslə əlbəyaxa dava edib. Nəticədə onun qarnının ön divarına iki bıçaq zərbəsi vurulub. Yaralı 3 saylı Kliniki Tibbi Mərkəzə yerləşdirilib.

Faktla bağlı Sabunçu Rayon Polis İdarəsində araşdırma aparılır.

Ölkə.Az

ŞƏRH YAZ
0

Lənkəranda evdə partlayış olub — Xəsarət alan var

Lənkəranda evdə partlayış olub
00:23
Bu gün
790
Hadisə
A
Lənkəranda evdə partlayış olub.

"Ölkə.Az" "Report"a istinadən xəbər verir ki, hadisə Xolmili kəndində baş verib.

Hadisəyə hamam otağında su qızdırıcısı ilə ehtiyatsız davranma səbəb olub. Partlayış nəticəsində ev sahibi, 57 yaşlı Bağırov Sübhan Baloğlan oğlu bütün bədən səthinin 2-ci dərəcəli termik yanığı diaqnozu ilə Lənkəran Rayon Mərkəzi Xəstəxanasına çatdırılıb. 

Ağır yanıq xəsarəti alan yaralının vəziyyəti ağır olduğundan o, reanimasiya şöbəsinə yerləşdirilib.

Ölkə.Az

ŞƏRH YAZ
0
BAĞLA