Evlilik qərarını kim verməlidir? Valideynlər, yoxsa gənclərin özü? — VİDEO

Evlilik qərarını kim verməlidir? Valideynlər, yoxsa gənclərin özü?
14:55
12.02.2019
1717
Ölkə
A
"Günümüzdə gənclər ailə həyatı qurarkən seçim etməkdə çətinlik çəkirlər. Ya onun bəyəndiyini valideynlər bəyənmir ya da, valideynlərin seçimi onun ürəyincə olmur".

Bəs doğru olan hansıdır? Öz seçimimiz, yoxsa valideynlərin fikirləri?

"Ölkə.Az" xəbər verir ki, ARB TV-nin “Günə Doğru” proqramında mövzu ilə bağlı süjet hazırlanıb.

Sakin: “Valideynim təklif edib. Bir nəfər olmayıb, bir neçə nəfər olub mən bəyənmişəm”.

Sakin: “Öz seçimim olub”.

Sakin: “İndi cavanlar hamısı internetdə tanış olurlar, bir aydan sonra boşanırlar. Öz seçimi, valideynlərinin də məsləhəti olmalıdır”.

Cavid İmamoğlu – Sosioloq: “Hal-hazırda Azərbaycanda mentalitetlə müasirlik üz-üzə gəlib. 20 il əvvəl ailə cəmiyyətin dayağı idi, ona görə ki, orda uşaq dünyaya gələcək deyirdilərsə, müasir dünyamızda ailə ona görə cəmiyyətin dayağıdır, orda sevgi var. Bir şeyin ki, kökündə sevgi durur, onu gərək insanlar mütləq öz seçimlərini nəzərə almalıdırlar”.

Aida Nəbiyeva – Psixoloq: “Bəzən doğrudan da analar-atalar düşünür ki, bu insan filankəsin övladıdırsa, bu da onun kimi yaxşı övladdır, yaxşı insandır və yaxşı həyat yoldaşı olacaq. Amma bəzən genetik amil heç də üst-üstə düşmür və tamam əks bir göstərici olur. Biz dəfələrdə valideyn təəssüfünün belə şahidi olmuşuq”.

Hər bir insan müəyyən yaş həddinə gəldikdən sonra öz yarını axtarır və ailə qurmaq istəyir. Amma ailə qurulacaq seçim isə çox zaman valideynlə övladları üz-üzə qoyur. Kimisi valideyninin seçimi ilə, bəziləri valideyn razılığı olmasa belə, öz sevdikləri insanla ailə qururlar.

Cavid İmamoğlu – Sosioloq: “Ailənin seçiminə gedəndə görürsüz ki, evlənəcək cütlüklər bəzən sevməyərək ailə qururlar və bunun da nəticələri yaxşı olmur. Ona görə də hər nə olursa olsun kökündə sevgi durmalıdır. Ailə də seçsə, dostun da yönləndirsə qarşılıqlı sevgi əsasında ailə qurulmalıdır”.

Aida Nəbiyeva – Psixoloq: “Münasibətlərin qarşılıqlı sevgi, anlaşma və qarşılıqlı inam əsnasında qurulmağının tərəfdarıyam, nəyə görə? Ancaq bu prinsiplərlə bu maneələri aşmaq olur. Böyük faizlə gənclərin fikirləri önəmlidir, valideynlərin isə məsləhətləri önəmlidir”.

Milli mentalitetə söykənən bəzi adətlərimiz  varki, əsrlərdir özümüzlə gəzdiririk. Valideyn düşünməlidir ki, şəxi seçimini edə bilməyən övlad, gələcəkdə ailə məsuliyyətinin yükünü daşıya bilməz. Odur ki, övladınızın seçiminə müdaxilə etməyin, məsləhət verin ki, gələcəkdə yarana biləcək hansısa məsuliyyətin qınağı da üzərinizdə qalmasın.

Ölkə.Az

ŞƏRH YAZ
0

Xəzərin sahilini zəbt edən 39 nəfər məhkəməyə verildi

Xəzərin sahilini zəbt edən 39 nəfər məhkəməyə verildi
11:13
Bu gün
169
Ölkə
A
Əmlak Məsələləri Dövlət Komitəsi tərəfindən Xəzər dənizinin 20-50 metrlik sahilboyu torpaqlarının mühafizəsi ilə bağlı nəzarət daha da gücləndirilir. Bununla əlaqədar olaraq Xəzər dənizinin Bakı şəhərinin Qaradağ, Xəzər, Suraxanı, Binəqədi rayonları, eləcə də Sumqayıt şəhərinin ərazisində olan zonalarında monitorinq qrupları yaradılıb.

Əmlak Məsələləri Dövlət Komitəsindən "Ölkə.Az"a verilən məlumata görə, aparılan monitorinq zamanı Xəzər dənizinin sahilboyu mühafizə zolağı torpaqlarından qanunsuz istifadə halları aşkarlanır. Xəzər dənizinin mühafizə zolağına aid ərazilərini qeyri-qanuni istifadə edən torpaq mülkiyyətçiləri barədə İnzibati Xətalar Məcəlləsinin 248-ci maddəsinə əsasən inzibati protokollar tərtib edilir. 

Hazırki dövrədək İnzibati Xətalar Məcəlləsinə əsasən təqsirkar şəxslər barədə 80 halla bağlı protokol tətbiq edilmiş, torpaq sahəsinin zəbtolunması ilə bağlı Cinayət Məcəlləsinin 188-ci maddəsinin əsasən 76 hal barəsində Daxili İşlər Nazirliyinə müraciətlər göndərilib, 39 işlə bağlı məhkəmələrdə iddia qaldırılıb. 

Məlumat üçün bildirilməlidir ki, qanunla 20-50 metr zolaqda hər hansı tikintinin aparılması üçün xüsusi razılıq olmalıdır. Dəniz sahilinin hasarlama və ya digər üsullarla bağlanılması yolverilməzdir. Hasarlama işləri yalnız qəfəsəli olmaqla uzunluğu 200 metrdən artıq olmamalıdır və hər 200 metrdən sonra dəniz sahilinə 6 metr enində gediş-gəliş yolu saxlanılmalıdır. 

Qeyd edilməlidir ki, Xəzər dənizinin (gölünün) Azərbaycan Respublikasına mənsub olan bölməsinin sahilboyu 20-50 metrlik zolağına aid olan torpaq sahələri ilə bağlı tələblərin pozulmasına görə fiziki, vəzifəli və hüquqi şəxslər müvafiq olaraq 4 min manat, 8 min manat və 40 min manat cərimələnir. Həmçinin Cinayət Məcəlləsində Xəzər dənizinin sahilboyu 20-50 metrlik zolağının altında olan torpaqlara münasibətdə vəzifəli şəxslər 7 ildən 10 ilədək müddətə azadlıqdan məhrum etmə nəzərdə tutulub. 

Bu hallar torpaq qanunvericiliyinin ciddi şəkildə pozulmasına səbəb olmaqla yanaşı, vətəndaşların Xəzər sahilində istirahət hüququnu da məhdudlaşdırır, bəzən tamamilə mümkünsüz edir. Eyni zamanda sahilboyu ərazilərin qanunsuz olaraq hasarlanması həmin yerin panoramik görünüşünü pozur. Bu isə turizm baxımından mənfi fəsadlara gətirib çıxarır. 

Xəzər dənizinin sahilboyu torpaqlarının mühafizəsi ilə bağlı monitorinqlər davam etdiriləcək. Əmlak Məsələləri Dövlət Komitəsi vətəndaşları torpaq istifadəçiliyi ilə bağlı qanunvericiliyin tələblərinə əməl etməyə çağırır. 

ŞƏRH YAZ
0

Bakıda qardaşını güllələyən şəxsin — MƏHKƏMƏSİ

Bakıda qardaşını güllələyən şəxsin
10:47
Bu gün
336
Ölkə
A
Bakıda qardaşını qətlə yetirməkdə təqsirləndirilən Hüseynbala Şamilovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsində hakim Fikrət Qəribovun icraatına verilib.

Qeyd edək ki, bu il mart ayının 31-də Sabunçu rayonu, Zabrat qəsəbəsində 43 yaşlı Kamran Şamilov odlu silahdan açılan atəşlə qətlə yetirilib.

Hadisəni mərhumun qardaşı Hüseynbala Şamilovun törətdiyi məlum olub. O, saxlanılıb. Saxlanılarkən H.Şamilovun üzərindən hadisəni törətdiyi “TOZ-34” markalı tüfəng götürülüb.

Qeyd edək ki, iki qardaş arasında mübahisə torpaq bölgüsü üstündə yaranıb. Mübahisə zamanı Hüseynbala evdən ov tüfəngini götürərək qardaşına atəş açıb. Sonuncu elə hadisə yerində dünyasını dəyişib.

Xatırladaq ki, qətlə yetirilən Hacı Kamran Şamilov Bakı məscidlərindən birinin axundu olub.

Natiq Allahverdiyev
Ölkə.Az

ŞƏRH YAZ
0
BAĞLA