"Əvvəl hər məhəllənin lotusu, cayılı, ağsaqqalı var idi" — ƏMƏKDAR ARTİSTDƏN SƏRT TƏNQİD

12:35
21.06.2018
6562
Maqazin
A
Əməkdar artist Cavanşir Məmmədov it saxlayanları tənqid edib.

Müğənni "Ölkə.Az"ın əməkdaşıyla söhbətində bildirib ki, aidiyyatı qurumlar məsələyə lazımınca nəzarət etmirlər:

"Bununla bağlı qanun qəbul edilməlidir. Kimsə it saxlayır deyə, şəhərin təmizliyi korlanır. Beş minlik it alır, beş manat verib "pampers", buruntaq almır. İt də hər yeri batırır. Gecə vaxtı kimsə keçəndə ayağı batır. Amma yağış yağanda avtomobilin nömrəsi palçıq olan kimi saxlayıb cərimə yazırlar. Bəs onlara niyə cərimə yazılmır? Elə olub ki, nəvəmlə yolla getdiyim yerdə it digər itə baxıb hürüb, nəvəm çox pis qorxub. Belə şey olar? Bəs bələdiyyə hara baxır? Bələdiyyəni qoyasan torpaq sata, torpaq ala. Buna yol polisi də, mühafizə polisi də nəzarət etməlidir".

C.Məmmədovun sözlərinə görə, belə məsələlərdə ictimai qınaq vacibdir: Şəhərimizi, ölkəmizi turistlərin üzünə açmışıq, amma şəhərimizi təmiz saxlamırıq.  Əvvəl hər məhəllənin lotusu, cayılı, ağsaqqalı var idi. İndi onlar yoxdur deyə, kimə bir söz deyirsən aparıb səni məhkəməyə verir, 20-30 min cərimələdir".

İntiqam VALEHOĞLU
Ölkə.Az

ŞƏRH YAZ
0

“10-ci sinifi bitirməmiş qızı ərə verirlər” — 5-ci sinifdə müəlliminə aşiq olan əməkdar artist – VİDEO

“10-ci sinifi bitirməmiş qızı ərə verirlər”
17:05
Bu gün
15427
Maqazin
A
ARB TV-nin “Pəncərə” proqramının budəfəki qonağı əməkdar artist Çingiz Əhmədov olub.

"Ölkə.Az" xəbər verir ki, aktyor proqramda erkən nigahlardan danışıb:

“Mən 5-ci sinifdə oxuyanda müəllimimə vurulmuşdum. Evinə qədər çantasını da aparırdım. Bu uşaqlıq sevgisi idi. O zamanlar hind filmləri maraqlı gəlirdi. Ordan sevgi gəlmişdi. Azyaşlıların evlənməsi də Bakı kəndlərində, rayonlarda olur. 10-cu sinifi bitirməmiş qızı ərə verirlər. Əsas odur ki, uşaq olduqdan sonra qayğıları çəkdikcə biləcəklər ki, o nə deməkdir, hansı addımı atıblar”.

Ölkə.Az

ŞƏRH YAZ
0

Könül Kərimovaya qarşı dələduzluq edən qadın həbs edildi

Könül Kərimovaya qarşı dələduzluq edən qadın həbs edildi
15:59
Bu gün
13761
Maqazin
A
Bu gün Bakı Ağır Cinayətlər Məhkəməsində dələduzluqda təqsirləndirilən Məlahət Məmmədovanın cinayət işi üzrə məhkəmə iclası başa çatıb.

"Ölkə.Az"ın xəbərinə görə, hakim Fikrət Qəribovun sədrliyi ilə keçirilən prosesdə hökm oxunub.

Məhkəmənin hökmü ilə o, 5 il 6 ay müddətinə azadlıqdan məhrum edilb.

Xatırladaq ki, dövlət ittihamçısı Vüqar Quliyev çıxışında M.Məmmədovanın 6 il 9 ay 29 gün müddətinə azadlıqdan məhrum edilməsini istəmişdi.

Qeyd edək ki, M.Məmmədova dələduzluqda təqsirli bilinir. O, bir neçə şəxsin etibarından sui-istifadə edərək, ümumilikdə, 300 minə yaxın pulu dələduzluq yolu ilə ələ keçirib.

Cinayət işi üzrə zərərçəkmişlər arasında Azərbaycanın əməkdar artisti, müğənni Könül Kərimova da var.

İttiham aktına əsasən, M.Məmmədova müğənninin oğlu Rəşad Rəhimovu Rusiya universitetlərindən birinə qəbul etdirib, daha sonra Azərbaycan Dövlət İqtisad Universitetinə köçürtdürəcəyi vədini verib. O, bu işə görə K.Kərimovadan, ümumilikdə, 32 min manat pul alıb. Lakin sonradan verdiyi vədə əməl etməyib.

ŞƏRH YAZ
0
BAĞLA