Eyfel Qülləsi Yeni Zelandiya üçün işıqlarını söndürdü

Eyfel Qülləsi Yeni Zelandiya üçün işıqlarını söndürdü
10:12
16.03.2019
1551
Dünya
A
Fransanın paytaxtı Parisin simvolu olan Eyfel Qülləsinin işıqları Yeni Zelandiyada iki məscidə təşkil edilən terror hücumunda həlak olan müsəlmanların xatirəsinə söndürülüb.

"Ölkə.Az" xəbər verir ki, bu barədə təlimatı Parisin bələdiyyə sədri Anne Hidalqo verib.

Hidalqo sosial şəbəkədəki səhifəsindən terror hücumu ilə bağlı yazıb:

“Nifrət müsəlman olduqları üçün qadınları, kişiləri və uşaqları bir daha öldürdü. Paris sakinləri adından Yeni Zelandiya xalqına və müsəlman icmasına baş sağlığı verirəm”.

Qeyd edək ki, Yeni Zelandiyanın Kristçerç şəhərində cümə namazı vaxtı 10 dəqiqə fasilə ilə iki məscidə terror hücumu təşkil edilib. Terror hücumu zamanı 49 nəfər həlak olub.

Hikmət Həsənov
Ölkə.Az

ŞƏRH YAZ
0

Braziliya həbsxanasında kütləvi dava — 15 ölü

Braziliya həbsxanasında kütləvi dava
13:51
Bu gün
76
Dünya
A
Braziliyanın Amazonas ştatındakı həbsxanada kütləvi dava baş verib.

 “Ölkə.Az” xəbər verir ki, məhkumlar arasında baş tutan davada ən azı 15 nəfər həlak olub. 

İnsident ştatın paytaxtı Manaus şəhərindəki həbsxanada meydana gəlib. Hazırda təhlükəsizlik qüvvələri vəziyyəti nəzarətə alıblar. Məhkumlardan qaçan olmayıb. Bu həbsxanadan 2017-ci ildə məhkumlar qaça bilmişdi. Bu zaman isə toqquşmalar 60 nəfərin ölümü ilə nəticələnmişdi.

Hazırda Braziliya həbsxanalarında 730 min məhkum var. Bu isə müəssisələrin tutumundan 2 dəfə çoxdur. Ağır şərtlər isə məhkumların tez-tez üsyana qalxmasına səbəb olur.

Ölkə.Az

 

ŞƏRH YAZ
0

Nurməhəmmədov atası ilə rinqə çıxdı — FOTO

Nurməhəmmədov atası ilə rinqə çıxdı
13:10
Bu gün
444
Dünya
A
UFC çempionu Həbib Nurməhəmmədov atası Əbdülmanaf Nurməhəmmədovlar rinqə çıxıb.

“Ölkə.Az” xəbər verir ki, idmançının məşqçisi Xavyer Mendes bu anları lentə alaraq İnstaqram səhifəsində paylaşıb.

Mendes qeyd edib ki, Nurməhəmmədov üçün atası ilə rinqdə məşq etmək vacibdir və bunu təkrar edəcək. Həbib 2018-ci ilin oktyabr ayından rinqə çıxmır. Bu zaman rusiyalı idmançı irland döyüşçü Konor Makreqoru məğlub etmişdi. Döyüşdən sonra baş verən davada iştirak etdiyi üçün Həbib 9 ay müddətinə idmandan uzaqlaşdırılıb. Onun növbəti döyüşü UFC 242 turnirində amerikalı Dastin Poryeyə qarşı 7 sentyabrda baş tutacaq.

Ölkə.Az

ŞƏRH YAZ
0
BAĞLA