Eyfel qülləsinə giriş qadağan olunub

Eyfel qülləsinə giriş qadağan olunub
21:36
20.05.2019
773
Dünya
A
Eyfel qülləsinə giriş-çıxış dayandırılıb.

"Ölkə.Az" Türkiyə mediasına istinadən xəbər verir ki, buna səbəb naməlum şəxsin tarixi tikiliyə dırmaşmasıdır. 

Qüllənin birinci və ikinci mərtəbəsində, həmçinin ətrafında olan insanlar təxliyyə edilib, yalnız üçüncü mərtəbədə bir neçə turist qalmaqdadır. 

Hazırda polis və xilasedicilər hadisə yerindədir. 

Məlumata əsasən, Eyfel qülləsinə naməlum şəxsin dırmaşdığı onun ikinci mərtəbədən yuxarıda, təxminən, 115 metr hündürlükdə olarkən bilinib. 

Eyfel qülləsinin istismarına məsul olan şirkətin (SETE) sözçüsü jurnalistlərə deyib ki, tikiliyə dırmaşan naməlum şəxs ikinci mərtəbəyədək hamı kimi lift vasitəsilə çıxıb. Daha sonra icazə verilən həddən kənara çıxdığı zaman həyəcan siqnalı işə düşsə də, ancaq qülləyə çox cəld dırmaşmağa nail oub və onu saxlamaq cəhdləri nəticəsiz qalıb.

Qeyd edək ki, 2015-ci ildə də daha bir naməlum şəxs gecə yarısı yerdən tarixi tikiliyə dırmaşıb. Ancaq polislər onu birinci mərtəbənin yaxınlığında yaxalamağa nail olublar. 1996-cı ildə isə "hörümcək adam" adlanan şəhər alpinisti Alən Rober Eyfelə qanunsuz surətdə dırmaşıb və 45 dəqiqəyə qüllənin başınadək çıxmağa nail olub.

Ölkə.Az

ŞƏRH YAZ
0

Məşhur "Tik Tok" ulduzu CANLI YAYIMDA ÖLDÜ — VİDEO

Məşhur
12:08
Bu gün
1168
Dünya
A
Məşhur "Tik Tok" ulduzu, bloger Daniel Xan və dostları canlı yayım zamanı faciəvi şəkildə həlak olublar.

“Ölkə.Az” xəbər verir ki, hadisə Pakistanın İslamabad şəhərində baş verib.

Qəza zamanı gənclər canlı efirdə olublar. Dostları və Xan yüksək sürətlə hərəkət etdiyinə görə, idarəetməni itirərək yük maşınına çırpılıb.

Avtomobildə olan 4 nəfərdən 3-ü yerindəcə keçinib, digəri isə xəstəxanada həyatını itirib.

Qeyd edək ki, Xanın "Tik Tok"-da 350 minə yaxın izləyicisi vardı.

 

Vüsalə Balayeva

Ölkə.Az

ŞƏRH YAZ
0

Hərbi hava qüvvələri ən güclü olan ölkələr — SİYAHI

Hərbi hava qüvvələri ən güclü olan ölkələr
05:03
Bu gün
1235
Dünya
A
“GlobalPower” ən güclü hərbi hava qüvvələrinə malik olan ölkələrin yenilənmiş siyahısını hazırlayıb.

“Ölkə.Az” CNN Türk-ə istinadən siyahıda yer alan 10 ən güclü hərbi hava qüvvəsini tədim edir:

1. ABŞ - 13 398

2. Rusiya - 4078

3. Çin - 3187

4. Hindistan - 2082

5. Cənubi Koreya - 1,614

6. Yaponiya - 1572

7. Pakistan - 1342

8. Fransa - 1248

9. Misir - 1092

10. Türkiyə - 1067

Qeyd edək ki, siyahı döyüş və təlim təyyarələri, helikopter sayı, bombardımançı təyyarə və hərbi büdcə nəzərə alınaraq hazırlanıb.

Ölkə.Az

ŞƏRH YAZ
0
BAĞLA