Eynşteynin məşhur fotosu hərraca çıxarılacaq
"Ölkə.Az" xəbər verir ki, alimin dilini çıxardığı foto 27 iyul tarixində hərracda alıcısını axtaracaq.
Hərraca çıxarılacaq fotoda alimin yanında oturan şəxslər-perspektiv tədqiqatlar institutunun direktoru Frenk Eydellot və onun həyat yoldaşı Mari Janettin də üzü düşüb.
Bildirilir ki, fotonun surətini əvvəllər 44 min dollara satmaq mümkün olub. Amma fotolar elə kəsilib ki, orada ancaq Eynşteynin üzünü görmək mümkün olub.
Bu foto Artur Sassenin ən məşhur fotosudur. Bu foto alimin 72 illiyinə həsr edilmiş gecədən sonra lentə alınıb. Yorğun Eynşteyn avtomobilə əyləşəndə fotoqraf maşına yaxınlaşır və fotosunu çəkməyə icazə istəyir. Eynşteyn fotoqrafa tərəf çevrilir və dilini çıxarır. Beləcə, Eynşteynin ən məşhur fotosu ortaya çıxır.
Hikmət Həsənov
Ölkə.Az