Eyyub Hüseynov “Azərsun” çayları barədə sözlərini geri götürdü

Eyyub Hüseynov “Azərsun” çayları barədə sözlərini geri götürdü
14:36
13.10.2017
57
Ölkə
A
“Azad İstehlakçılar” İctimai Birliyinin (AİİB) sədri Eyyub Hüseynov “Azərsun Holding”in istehsalı olan çaylar barədə işlətdiyi ifadələri geri götürüb.

"Ölkə.Az" xtırladır ki, Eyyub Hüseynov demişdi:
 
“Bildirmək istəyirəm ki, böyük çay istehsalçısı kimi tanınan “Azərsun Holding”in istehsal etdiyi bütün çaylar xaricdən idxal edilir. Çaylar xaricdə yığılır, qurudulur və Azərbaycana gətirilir. Ölkəmizdə yalnız qablaşdırma həyata keçirilir.
 
Biz dəfələrlə o çay fabrikində olub rənglənmə məsələsini öyrənmək istəmişik. Həmin vaxt məlum olub ki, “Azərsun”un çayları Azərbaycanda qablaşdırılır. Ona görə də rənglənmə amilini araşdıra bilməmişik”.
 
“AZƏRSUN HOLDİNQ”İN ÇAYLARINDAN İSTİFADƏ MƏSLƏHƏT GÖRÜLÜR”
 
Bu gün Eyyub Hüseynov, “AİİB çaylara dair əlavə məlumat əldə etmişdir, tədqiqat davam edir” başlıqlı açıqlamasını “Marja”ya təqdim edib.
 
Açıqlamada deyilir:
 
"Azərbaycanın çay bazarındakı vəziyyətlə bağlı mətbuatda yayımlanan müsahibəmdə yer alan yanlış məqamlarla aydınlıq gətirmək istəyirəm. İlk olaraq, onu söyləyim ki, “Azərsun Holdinq”in çayı yalnız xaricdən idxal etməsi ilə bağlı verdiyim məlumat həqiqəti əks etdirmir. Ölkədə yerli fermerlər tərəfindən yetişdirilən çayın təxminən 90 faizi məhz “Azərsun” tərəfindən satın alınır. Bundan əlavə bu Şirkətlər Qrupunun Lənkəran və Astarada çay plantasiyaları mövcuddur. Masallıda isə bir neçə il öncə 100 hektar sahəsi olan yeni çay plantasiyası salınıb ki, bu da yaxın illərdə xammalın yerli məhsul hesabına təmin edilməsinin həcmini daha da artıracaq. “Azərsun Holdinq”in Astarada və Lənkəranda çay fabrikləri fəaliyyət göstərir və çayçılığın geniş yayıldığı bütün cənub bölgəsindən fermerlərdən çay toplayaraq qurudulması həyata keçirilir, məhsul istehsal üçün Bakıda yerləşən fabrikə göndərilir.Burada isə qurudulmuş çay qablaşdırılaraq istehlakçılara təqdim edilir.
 
Aydınlıq gətirmək istədiyim digər məqam isə çayın rənglənməsi ilə bağlı olan açıqlamadır. Qeyd etmək istəyirəm ki, dünyada çayın rənglənməsi praktikası yoxdur. Bu məhsul tərkibindəki təbii maddələr hesabına rəng alır. Beləliklə nəticə olaraq qeyd etmək istəyirəm ki, bu günlərdə verdiyim açıqlama anlaşılmazlığa səbəb olub, əksinə, başqa brendlərlə yanaşı “Azərsun Holdinq”in çaylarından istifadə etmək məsləhət görülür. Bütün istehlakçılardan bu məqamları nəzərə almağı, jurnalistlərdən isə daha öncə verdiyim açıqlamaya bu məlumatı əlavə etməyi xahiş edirəm. Çaylara dair ilginc bilikləri olan insanları təşkilatımıza dəvət edirəm ki, çaylara dair tədqiqatlarımızı davam etdirək.

ŞƏRH YAZ
0

İlhamə Quliyevanın oğlu sərbəst buraxıldı, həbs səbəbindən danışdı — EKSKLÜZİV AÇIQLAMA

İlhamə Quliyevanın oğlu sərbəst buraxıldı, həbs səbəbindən danışdı
22:30
10.12.2017
5007
Ölkə
A
Mərhum xalq artisti İlhamə Quliyevanın oğlu Orxan Nadirov azadlığa buraxılıb.

"Ölkə.Az"-ın eksklüziv məlumatına görə o, bir neçə saat öncə azad edilib. Nadirov saytımıza açıqlamasında bildirib ki, başqa bir cinayət işində şahid kimi dindirilmək üçün Binəqədi Rayon Polis İdarəsinə dəvət edilsə də, məsuliyyətsizlik edərək getməyib:

"Binəqədi Rayon Polis İdarəsinin baş müstəntiqi Mehman Ələsgərov tərəfindən bir cinayət işində şahid qismində dəvət edilmişdim. Ancaq məsuliyyətsizlik edərək getmədiyim üçün barəmdə məcburi gətirilmə qərarı çıxarıldı və 48 saat müddətinə azadlığım məhdudlaşdırıldı. Qanun qarşısında hamımız bərabərik. İki sutka dörd saat əvvəl tamam oldu, hazırda evimdəyəm", - deyə O.Nadirov bildirib.

Qeyd edək ki, Orxan Nadirovun həbs xəbərinin yayılmasından sonra  həyat yoldaşı Arifə Nadirova "Ölkə.Az"- a açıqlamasında bunun həqiqəti əks etdirmədiyini, onun rayonda olduğunu bildirmiş, lakin DİN O.Nadirovun saxlanıldığı məlumatını təsdiqləmişdi.

İntiqam VALEHOĞLU
Ölkə.Az

ŞƏRH YAZ
0

Cocuq Mərcanlıda gün ərzində 1,30 hektar ərazi tam təmizlənib

Cocuq Mərcanlıda gün ərzində 1,30 hektar ərazi tam təmizlənib
22:14
10.12.2017
2724
Ölkə
A
Cəbrayıl rayonunun Cocuq Mərcanlı kəndində gün ərzində 13 000 (1.30 ha) ərazi tam təmizlənib, 6 000 kv.m ərazi 20 sm dərinliyində və 3 600 kv.m ərazi isə xüsusi mexaniki vasitələrlə təmizləmə üçün hazırlanıb, mina və partlamamış hərbi sursat aşkar edilməyib.

Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) Ölkə.Az-a verilən məlumata görə, 23 gün ərzində 9 ədəd partlamamış hərbi sursat (PHS) (1 ədəd F-1 əl qumbarası, 1 ədəd UZRQM partladıcısı, 2 ədəd RQ-42 əl qumbarası, 2 ədəd TM-62 minasının gücləndiricisi və 3 ədəd tank əleyhinə idarə olunmayan raket (PQ-7)) və 1 ədəd piyada əleyhinə mina (OZM-72) aşkar edilib, 441 880 kv.m ərazi tam təmizlənib, 235 826 kv.m (23.58 ha) ərazi 20 sm dərinliyində 179 700 kv.m (17.97 ha) ərazi isə xüsusi mexaniki vasitələrlə təmizləmə üçün hazırlanıb.

Ərazinin mina və partlamamış hərbi sursatlardan təmizlənməsi əməliyyatı davam etdirilir.

Ümumilikdə agentlik tərəfindən 1 yanvar – 10 dekabr 2017-ci il tarixlərində müxtəlif rayonlarda ayrı-ayrı ərazilərə baxış keçirilib, 7529 ədəd partlamamış hərbi sursat, 204 ədəd tank əleyhinə mina və 34 ədəd piyada əleyhinə mina aşkar olunaraq zərərsizləşdirilib, 5 611 548 kv.m ərazi yoxlanılıb.

ŞƏRH YAZ
0
BAĞLA